କନକ ବ୍ୟୁରୋ: ପାଇକ ବିଦ୍ରୋହକୁ ଭାରତର ପ୍ରଥମ ସ୍ୱାଧୀନତା ସଂଗ୍ରାମ କୁହାଯାଇ ପାରିବ ନାହିଁ ବୋଲି କେନ୍ଦ୍ର ସରକାର କହିବା ପରେ ଏହାକୁ ନେଇ ଏବେ ବିବାଦ ସୃଷ୍ଟି ହୋଇଛି । ୧୮୫୭ର ସିପାହୀ ବିଦ୍ରୋହ ପୂର୍ବରୁ ୧୮୧୭ରେ ଓଡ଼ିଶାରେ ବ୍ରିଟିଶରାଜ ବିରୋଧରେ ସଶସ୍ତ୍ର ସଂଗ୍ରାମ କରିଥିଲେ ପାଇକ । ଦୁଃଖର କଥା କିନ୍ତୁ ଏହି ବଳିଦାନକୁ ମାନ୍ୟତା ଦେବାକୁ କୁୁଣ୍ଠିତ ହେଉଛନ୍ତି ଆଉ ଏହାକୁ ନେଇ ପାଇକ ସଂଘ କହିଛି, ଏହାକୁ ମାନ୍ୟତା ନଦେଲେ ଆଉ ଏକ ସଂଗ୍ରାମ ଆରମ୍ଭ ହେବ ।
Kanak News is now on WhatsApp
Join and get latest news updates delivered to you via WhatsApp
ଓଡ଼ିଶାର ପାଇକ ବିଦ୍ରୋହର ୨୦୦ ବର୍ଷ ପୂର୍ତ୍ତି ଉତ୍ସବକୁ ଉଦଘାଟନ କରି ତକ୍ରାଳୀନ ରାଷ୍ଟ୍ରପତି ପ୍ରଣବ ମୁଖାର୍ଜୀ କହିଥିଲେ ସିପାହୀ ବିଦ୍ରୋହର ୪୦ ବର୍ଷ ପୂର୍ବରୁ ବକ୍ସି ଜଗବନ୍ଧୁଙ୍କ ନେତୃତ୍ୱରେ ସଶସ୍ତ୍ର ସଂଗ୍ରାମ ହୋଇଥିଲା । ଏହା ବ୍ରିଟିଶରାଜ ବିରୋଧରେ ଭାରତର ପ୍ରଥମ ସଶସ୍ତ୍ର ସଂଗ୍ରାମ । ଏହାପରେ ତକ୍ରାଳୀନ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ପ୍ରକାଶ ଜାଭେଡକର କହିଥିଲେ, ପାଇକ ବିଦ୍ରୋହକୁ ପ୍ରଥମ ସ୍ୱାଧୀନତା ସଂଗ୍ରାମର ମାନ୍ୟତା ଦିଆଯିବ । ପାଠ୍ୟ ପୁସ୍ତକରେ ମଧ୍ୟ ଏହାକୁ ସାମିଲ କରାଯିବ ।
ରାଜ୍ୟସଭାରେ ସାଂସଦ ପ୍ରଶାନ୍ତ ନନ୍ଦଙ୍କ ପ୍ରଶ୍ନ ଏବଂ କେନ୍ଦ୍ର ସଂସ୍କୃତି ମନ୍ତ୍ରୀ ଜି, କିଶନ ରେଡ୍ଡୀଙ୍କ ଉତ୍ତରକୁ ନେଇ ଏବେ ବିବାଦ ସୃଷ୍ଟି ହୋଇଛି
ସାଂସଦ ପ୍ରଶାନ୍ତ ନନ୍ଦଙ୍କ ପ୍ରଶ୍ନ
- ପାଇକ ବିଦ୍ରୋହକୁ ଭାରତର ପ୍ରଥମ ସ୍ୱାଧୀନତା ସଂଗ୍ରାମର ମାନ୍ୟତା ଦେବା ପାଇଁ ଓଡ଼ିଶା ସରକାରଙ୍କ ପ୍ରସ୍ତାବ କେନ୍ଦ୍ର ନିକଟରେ ପଡ଼ିରହିଛି କି?
- କେବେ ପ୍ରଥମ ସ୍ୱାଧୀନତା ସଂଗ୍ରାମ ଘୋଷଣା କରିବେ କେନ୍ଦ୍ର ସରକାର? କେବେ ସହିଦ ଜୟୀ ରାଜଗୁରୁ ଓ ଅନ୍ୟ ବୀର ପାଇକଙ୍କୁ ମିଳିବ ସମ୍ମାନ?
କେନ୍ଦ୍ର ସଂସ୍କୃତି ମନ୍ତ୍ରୀଙ୍କ ଉତ୍ତର
- ଓଡ଼ିଶାର ମୁଖ୍ୟମନ୍ତ୍ରୀଙ୍କ ଏହି ପ୍ରସ୍ତାବ ମିଳିଛି
- ଇଣ୍ଡିଆନ୍ କାଉନସିଲ ଅଫ୍ ହିଷ୍ଟୋରିକାଲ୍ ରିସର୍ଚ୍ଚ ଏହାର ଯାଞ୍ଚ କରିଛି
- ଆଇସିଏଚଆର ଅନୁସାରେ ପାଇକ ବିଦ୍ରୋହକୁ ପ୍ରଥମ ସ୍ୱାଧୀନତା ସଂଗ୍ରାମ କହିହେବନି
- ବ୍ରିଟିଶ ରାଜ ବିରୋଧରେ ଏହା ଅନ୍ୟତମ ଲୋକପ୍ରିୟ ବିଦ୍ରୋହ ଥିଲା
- ଏହାକୁ ଏକ ‘କେସ୍ ଷ୍ଟଡି’ ଭାବେ ନିଆଯିବା ପାଇଁ ନିଷ୍ପତି ହୋଇଛି
- ଏନସିଇଆରଟି ଅଷ୍ଟମ ଶ୍ରେଣୀ ପାଠ୍ୟ ପୁସ୍ତକରେ ସ୍ଥାନ ପାଇବ
ଦେଶର ସ୍ୱାଧୀନତା ସଂଗ୍ରାମରେ ପାଇକମାନଙ୍କ ତ୍ୟାଗ ଓ ବଳିଦାନକୁ ନେଇ ଓଡ଼ିଆ ଜାତି ଗର୍ବ କରୁଥିବା ବେଳେ କେନ୍ଦ୍ର ସରକାରଙ୍କ ଏଭଳି ଆଭିମୁଖ୍ୟ ସମସ୍ତଙ୍କୁ କ୍ଷୁବ୍ଧ କରିଛି ।