ଏଲନ୍ ମସ୍କଙ୍କ ଟ୍ରାନ୍ସଜେଣ୍ଡର ସନ୍ତାନଙ୍କ ଆବେଦନ । ପରିଚୟ ବଦଳାଇବାକୁ ବାପା ଏଲନଙ୍କଠାରୁ ତୁଟାଇବାକୁ ଚାହାଁନ୍ତି ସମ୍ପର୍କ ।
କନକ ବ୍ୟୁରୋ: ସବୁବେଳେ ବିଶ୍ୱ ବ୍ୟବସାୟରେ ଚର୍ଚ୍ଚାରେ ରହିଆସୁଥିବା ଏଲନ୍ ମସ୍କ ଏବେ ନିଜ ସନ୍ତାନଙ୍କୁ ନେଇ ଚର୍ଚ୍ଚାରେ । କାରଣ ଟେସ୍ଲାର ସିଇଓ ଏଲନ୍ ମସ୍କଙ୍କ ପୁଅ ନିଜର ଜେଣ୍ଡର ପରିବର୍ତ୍ତନ କରି ଏବେ ଝିଅ ହୋଇଯାଇଛନ୍ତି । ଏବେ ସିଏ ପୁଅରୁ ଝିଅ ହୋଇଛନ୍ତି । ନିଜର ନୂଆ ପରିଚୟ ପାଇଁ ସେ ଅଦାଲତରେ ଆବେଦନ କରିଥିଲେ । କେବଳ ସେତିକି ନୁହେଁ ବାପା ଏଲନ୍ ମସ୍କଙ୍କ ଠାରୁ ସବୁ ସମ୍ପର୍କ କାଟିବାକୁ ମଧ୍ୟ ଆବେଦନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
PlainSite.org ରେ ଥିବା ଦସ୍ତାବିଜ ଅନୁସାରେ, ନିକଟରେ ଏଲନ୍ ମସ୍କଙ୍କ ୧୮ ବର୍ଷର ପୁଅ ଜାଭିଅର ଆଲେକଜାଣ୍ଡାର୍ ମସ୍କ ନିଜ ଜେଣ୍ଡର ପରିବର୍ତ୍ତନ କରି ପୁରୁଷରୁ ମହିଳା ହୋଇଛନ୍ତି । ଏଥିପାଇଁ ସେ ନିଜର ନୂଆ ନାଁ ରେଜିଷ୍ଟ୍ରାର କରାଇବାକୁ କୋର୍ଟରେ ଆବେଦନ ପତ୍ର ଦାଖଲ କରିଛନ୍ତି । ତେବେ ତାଙ୍କ ନାଁକୁ ଅନଲାଇନ୍ ଡକ୍ୟୁମେଣ୍ଟରେ ବଦଳାଇଦିଆଯାଇଛି । ତାଙ୍କ ମା’ ଜଷ୍ଟିନ୍ ବିଲ୍ସନ୍, ଯିଏ ଏଲନଙ୍କଠାରୁ ୨୦୦୮ରେ ଛାଡପତ୍ର ନେଇଥିଲେ । ତେବେ ଏହି ଘଟଣାକୁ ନେଇ ଏନ୍ ମସ୍କ କିମ୍ବା ତାଙ୍କର କୌଣସି ଅଧିକାରୀ କିଛି ମତପ୍ରକାଶ କରିନାହାଁନ୍ତି ।