ଅର୍ଚ୍ଚନା ନାଗଙ୍କୁ ବାନ୍ଧିଲା ଇଡି। ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ ସେକସନ୍ -୧୯ ବଳରେ ଗିରଫ କଲା ପ୍ରବର୍ତନ ନିର୍ଦ୍ଦେଶାଳୟ।
କନକ ବ୍ୟୁରୋ: ଅର୍ଚ୍ଚନାଙ୍କୁ ଗିରଫ କଲା ଇଡି । ରୁଜୁ ହେଲା ଆର୍ଥିକ ଅନିୟମିତତା ମାମଲା । ରିମାଣ୍ଡରେ ନେଇ ୭ଦିନର ପଚରାଉଚୁରା ପରେ ଲେଡି ବ୍ଲାକମେଲର ଅର୍ଚ୍ଚନା ନାଗଙ୍କୁ ଗିରଫ କରିଛି ଇଡି । ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ ସେକସନ୍-୧୯ ବଳରେ ତାଙ୍କୁ ଗିରଫ କରାଯାଇଛି । ତଦନ୍ତରେ ପ୍ରବର୍ତନ ନିର୍ଦ୍ଦେଶାଳୟକୁ ଆଦୌ ସହଯୋଗ କରୁନଥିବା ଅର୍ଚ୍ଚନାଙ୍କ ବିରୋଧରେ ବଳିଷ୍ଠ ପ୍ରମାଣ ଯୋଗାଡ କରିବା ପରେ, ତାଙ୍କୁ ବାନ୍ଧିଛି ଏହି ଜାତୀୟ ତଦନ୍ତକାରୀ ସଂସ୍ଥା । ବିଶେଷ କରି ଅର୍ଚ୍ଚନା ଆର୍ଥିକ ଅନିୟମିତତା କରିଥିବାର ପ୍ରମାଣ ତଦନ୍ତକାରୀ ଅଧିକାରୀଙ୍କ ହାତରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଇଡି ହେପାଜତରୁ କୋର୍ଟ ଯାଉଥିବା ସମୟରେ ପୁଣି ଥରେ ବଡ ସୁରାକ ଆଡକୁ ଇଙ୍ଗିତ କରିଛନ୍ତି ଅର୍ଚ୍ଚନା । ସିଧାସଳଖ ଗଣମାଧ୍ୟମକୁ କିଛି କହି ନଥିଲେ ମଧ୍ୟ କହିଛନ୍ତି, ମୋତେ କୋ-ଅପରେଟ୍ କରନ୍ତୁ ମୁଁ ଆସିଲେ କହିବି ।
ଗିରଫ ହୋଇଥିବା ଅର୍ଚ୍ଚନାଙ୍କୁ ପୁଣି ଜେରା କରିବାକୁ ରିମାଣ୍ଡରେ ନେବ ଇଡି । ଏହା ସହିତ ଅର୍ଚ୍ଚନାଙ୍କ ସ୍ୱାମୀ ଜଗବନ୍ଧୁ ଚାନ୍ଦଙ୍କୁ ମଧ୍ୟ ରିମାଣ୍ଡରେ ନେବାକୁ ଇଡି ପ୍ରସ୍ତୁତ ହୋଇଛି । ସ୍ୱାମୀ-ସ୍ତ୍ରୀଙ୍କୁ ଇଡି ହେପାଜତରେ ରଖି ମୁହାଁମୁହିଁ ଜେରା କରିବାକୁ ଯୋଜନା କରିଛି ପ୍ରବର୍ତନ ନିର୍ଦ୍ଦେଶାଳୟ ।
ରିମାଣ୍ଡର ଶେଷ ଦିନରେ ଇଡି କାର୍ଯ୍ୟାଳୟରେ ଅର୍ଚ୍ଚନାଙ୍କ ବାପା ସୁରେନ୍ଦ୍ର ନାଗ ଓ ତାଙ୍କ ପୁଅ ତାଙ୍କୁ ଭେଟିଥିଲେ । କୋର୍ଟଚାଲାଣ ପୂର୍ବରୁ ବାପା ଓ ପୁଅଙ୍କ ସହ କିଛି ସମୟ କାଟିଥିଲେ ଅର୍ଚ୍ଚନା । ତେବେ ପ୍ରଶ୍ନ ଉଠୁଛି,
– ଗଣମାଧ୍ୟମ ଆଗରେ ଗର୍ଜୁଛନ୍ତି, ଇଡି ଆଗରେ କାହିଁକି ଚୁପ୍ ଅର୍ଚ୍ଚନା?
– ମୁହଁ ନଖୋଲି କାହାକୁ ବଂଚାଇବାକୁ ଚାହୁଁଛନ୍ତି ଅର୍ଚ୍ଚନା?
– ସ୍ୱାମୀ-ସ୍ତ୍ରୀଙ୍କୁ ରିମାଣ୍ଡରେ ନେଇ କେଉଁ ତଥ୍ୟ ହାସଲ କରିବାକୁ ଚାହୁଁଛି ଇଡି?
– ବଡ ବଡିଆଙ୍କ ସମ୍ପୃକ୍ତି ନେଇ ଇଡିକୁ ପ୍ରମାଣ ମିଳିଯାଇଛି କି?
– ଅର୍ଚ୍ଚନାଙ୍କ ପରେ ଏବେ ଆଉ କାହା ପାଳି?
କାହା ଛତ୍ରଛାୟା ତଳେ ରହି ଓ କାହାର ବାହୁ ବଳରେ ନାଗ ସାମ୍ରାଜ୍ୟ ବଳିୟାନ ହୋଇଥିଲା ସେମାନଙ୍କ ମୁଖା ଖୁବ୍ ଶୀଘ୍ର ଖୋଲିବ ବୋଲି ସୂଚନା ମିଳିଛି ।