ବିବାଦ ଭିତରେ କମିନି ଡୋନାଲ୍ଡ ଟ୍ରମ୍ପଙ୍କ କ୍ରେଜ୍ । ରଏଟର୍ସ ସର୍ଭେ କହୁଛି ଆଗାମୀ ନିର୍ବାଚନରେ ବାଇଡେନଙ୍କଠୁ ଆଗରେ ରହିପାରନ୍ତି ଟ୍ରମ୍ପ ।
କନକ ବ୍ୟୁରୋ: ବାଦ ବିବାଦ ଭିତରେ କମିନି ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ କ୍ରେଜ୍ । ରଏଟର୍ସ ସର୍ଭେ କହୁଛି ଆଗାମୀ ରାଷ୍ଟ୍ରପତି ନିର୍ବାଚନରେ ଡେମୋକ୍ରେଟିକ ଦଳକୁ କଡ଼ା ଟକ୍କର ଦେଇପାରେ ଟ୍ରମ୍ପଙ୍କ ରିପବ୍ଲିକାନ ଦଳ । ଅର୍ଥାତ ଟ୍ରମ୍ପ ଓ ବାଇଡେନ ମଧ୍ୟରେ କଡ଼ା ଟକ୍କର ସମ୍ଭାବନା ରହିଛି । ସର୍ଭେ କହୁଛି ଟ୍ରମ୍ପଙ୍କୁ ଏବେ ବି ୪୭% ଜନତାଙ୍କ ସମର୍ଥନ ରହିଛି । ନିର୍ବାଚନରେ ଏମାନଙ୍କ ମଧ୍ୟରୁ ୪୦% ଭୋଟ ଦେଇପାରନ୍ତି । ତାଙ୍କ ଉପରେ ଲାଗିଥିବା ଅଭିଯୋଗକୁ କେବଳ ୧୬% ଲୋକ ସତ ମାନିବା ସହ ଅଧିକାଂଶ ଏହାକୁ ଖାରଜ କରୁଛନ୍ତି । ତେଣୁ ନିର୍ବାଚନରେ ପୁଣି ଚମକ ଦେଖାଇପାରନ୍ତି ଡୋନାଲ୍ଡ ଟ୍ରମ୍ପ ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ପୂର୍ବରୁ ପର୍ଣ୍ଣଷ୍ଟାର ଷ୍ଟ୍ରୋମି ଡାନିଏଲଙ୍କୁ ଲାଞ୍ଚ ଦେବା ମାମଲାରେ ଟ୍ରମ୍ପ ଫସିବା ଯୋଗୁଁ ପ୍ରଥମେ ଗିରଫ ଓ ପରେ ଜାମିନ ପାଇଥିଲେ । ତାଙ୍କ ଉପରେ ମୋଟ ୩୬ଟି ଅଭିଯୋଗ ରହିଛି । ରାଷ୍ଟ୍ରପତି ପଦରେ ରହିସାରିଥିବା କୌଣସି ରାଜନେତା ଏଭଳି ମାମଲାରେ ଫଶିବା, ଗିରଫ ହେବା ଘଟଣା ଆମେରିକା ରାଜନୀତିରେ ବିରଳ ଥିଲା । ଏତେ ବଡ ବିବାଦରେ ଫଶିବା ସତ୍ୱେ ଟ୍ରମ୍ପଙ୍କ କେଜ୍ର କମ ହୋଇନି । କିଛି ଦିନ ପୂର୍ବରୁ ଟୁଇଟର ମାଲିକ ଏଲନ ମସ୍କ ମଧ୍ୟ ଟୁଇଟ କରି ଟ୍ରମ୍ପଙ୍କୁ ସମର୍ଥନ ଜଣାଇଥିଲେ । ମସ୍କ କହିଥିଲେ ନିର୍ବାଚନରେ ବହୁମତ ସହ ବିଜୟ ହାସଲ କରିବେ ଡୋନାଲ୍ଟ ଟ୍ରମ୍ପ ।