କନକ ବ୍ୟୁରୋ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରୱାଲ ଆଜି ବିଜେପି ନେତା ସୋନାଲୀ ଫୋଗଟଙ୍କ ପରିବାର ଲୋକଙ୍କୁ ଭେଟିଛନ୍ତି । ଏହି କ୍ରମରେ ତାଙ୍କ ସହିତ ପଞ୍ଜାବ ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ମଧ୍ୟ ଉପସ୍ଥିତ ଥିଲେ । ଦିଲ୍ଳୀ ମୁଖ୍ୟମନ୍ତ୍ରୀ ଆଜି ସୋନାଲୀ ଫୋଗଟଙ୍କ ହତ୍ୟା ମାମଲାରେ ସିବିଆଇ ଯାଂଚ ହେଉ ବୋଲି କହିଛନ୍ତି । ସେ କହିଛନ୍ତି କି ଉଭୟ ହରିଆଣା ଓ ଗୋଆରେ ବିଜେପିର ସରକାର ରହିଛି । ତେଣୁ ତୁରନ୍ତ ଏହି ମାମଲାରେ ଉଭୟ ରାଜ୍ୟର ସରକାର ସିବିଆଇ ଯାଂଚ କରାନ୍ତୁ ବୋଲି ସେ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି କି ସୋନାଲୀ ଫୋଗଟଙ୍କ ପରିବାର ଲୋକଙ୍କୁ ନ୍ୟାୟ ଦେବାକୁ ହେଲେ ସିବିଆଇ ଯାଂଚ ହେବା ନିହାତି ଆବଶ୍ୟକ । ସିବିଆଇ ଯାଂଚରେ ଯେତେ ଡେରି ହେବ ସନ୍ଦେହ ସେତେ ବଢିବ ବୋଲି ସେ କହିଛନ୍ତି । ଏହାସହ ସେ ଆଶଂକା କରିଛନ୍ତି କି ସୋନାଲୀଙ୍କ ହତ୍ୟା ମାମଲାରେ ବଡ ବଡ ନେତା, ବଡ ବଡ ଉଦ୍ୟୋଗପତି ସାମିଲ ଥାଇପାରନ୍ତି । ଏସବୁ ଆଶଂକା କେବଳ ସିବିଆଇ ଯାଂଚ ହେଲେ ଦୂର ହେବ ବୋଲି ସେ କହିଛନ୍ତି ।
ହରିଆଣାରେ ଆଗକୁ ବିଧାନସଭା ନିର୍ବାଚନ ରହିଛି । ଏହାକୁ ନଜରରେ ରଖି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଓ ପଞ୍ଜାବ ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ଦୁଇଦିନିଆ ହରିଆଣା ଗସ୍ତରେ ଅଛନ୍ତି ।