ଦିଲ୍ଲୀ, ମହାରାଷ୍ଟ୍ରରେ କମୁଛି କରୋନା : କେରଳରେ ସ୍ଥିତି ସଙ୍ଗୀନ, ୫୦ ହଜାର ଉପରେ ଦୈନିକ ମାମଲା
ରବିବାର ତାଲାବନ୍ଦ ଭଳି କଟକଣା ଜାରି କଲେ ରାଜ୍ୟ ସରକାର; ସେପଟେ କର୍ଣ୍ଣାଟକରେ ସୋମବାର ଠୁ ହଟିବ ନାଇଟ କର୍ଫ୍ୟୁ, ଖୋଲିବ ସ୍କୁଲ କଲେଜ
କନକ ବ୍ୟୁରୋ : ଦିଲ୍ଲୀ ଓ ମହାରାଷ୍ଟ୍ରରେ କରୋନା ସଂକ୍ରମଣ କମୁଥିବା ବେଳେ କେରଳରେ ସ୍ଥିତି ସଙ୍ଗୀନ ରହିଛି । କେରଳରେ ଦୈନିକ ସଂକ୍ରମଣ କିଛି ଦିନ ହେଲା ୫୦ ହଜାର ଉପରେ ଚିହ୍ନଟ ହେଉଛି । ଏହାକୁ ଆଖିରେ ରଖି କେରଳ ସରକାର ଆଜି ଲକଡାଉନ୍ ଭଳି କଟକଣା ଜାରି କରିଛନ୍ତି । ପୂର୍ବରୁ କେବଳ ଦୁଇ ରବିବାର ଲକଡାଉନ ଭଳି କଟକଣା ଲାଗୁନେଇ ଘୋଷଣା କରିଥିଲେ ରାଜ୍ୟ ସରକାର ।
Kanak News is now on WhatsApp
Join and get latest news updates delivered to you via WhatsApp
ଆଜି ଲକଡାଉନ୍ ଭଳି କଟକଣା ଲାଗୁହେଉଥିବା ଦ୍ୱିତୀୟ ରବିବାର କିନ୍ତୁ ସଂକ୍ରମଣ ବଢୁଥିବାରୁ ଏହି ରବିବାରିଆ ଲକଡାଉନ ଅବଧି ବଢିବା ଆକଳନ କରାଯାଉଛି । ରାଜ୍ୟ ସରକାରଙ୍କ ମାର୍ଗଦର୍ଶିକା ଅନୁସାରେ ଆଜି ଅତ୍ୟାବଶ୍ୟକ ସାମଗ୍ରୀ ବିକ୍ରି କରୁଥିବା ଦୋକାନ ବଜାର ଖୋଲା ରହିବ । ଦୁଗ୍ଧ, ଫଳ, ପନିପରିବା, ଔଷଧ ଦୋକାନ ଖୋଲିବାକୁ ଅନୁମତି ରହିଛି । ସେହିପରି ଜରୁରୀ କାଳୀନ ଯାତ୍ରା ପାଇଁ ଅନୁମତି ଦେଇଛନ୍ତି ସରକାର । ତେବେ ଏଥିପାଇଁ ପ୍ରଶାସନ ପକ୍ଷରୁ ଦିଆଯାଇଥିବା ଅନୁମତି ପତ୍ର ସାଙ୍ଗରେ ନେଇ ଲୋକେ ଯାତ୍ରା କରିପାରିବେ । ଏହାଛଡା ଦୂର ସ୍ଥାନକୁ ଚଳାଚଳ କରୁଥିବା ପବ୍ଲିକ ଟ୍ରାନସପୋର୍ଟ ସେବା ଚାଲୁ ରହିବ ବୋଲି ସୂଚନା ମିଳିଛି ।