ଜି-୨୦ ସମ୍ମିଳନୀରେ ଏକାଠି ହେଲେ ଚୀନ-ଆମେରିକା। ବିଶ୍ୱର ସମସ୍ୟାର ସମାଧାନ ପାଇଁ ଏକାଠି ହେବାକୁ କହିଲେ ଦୁଇ ନେତା।
କନକ ବ୍ୟୁରୋ: ଇଣ୍ଡୋନେସିଆ ବାଲିରେ ଆରମ୍ଭ ହୋଇଥିବା ଜି-୨୦ ଶିଖର ସମ୍ମିଳନୀରେ ସୋମବାର ଦୁଇ ପ୍ରତିଦ୍ୱନ୍ଦ୍ୱୀ ଚୀନ ଏବଂ ଆମେରିକାର ରାଷ୍ଟ୍ରପତି ପରସ୍ପର ସହ ହାତ ମିଳାଇଛନ୍ତିି । ଚୀନ ରାଷ୍ଟ୍ରପତି ଜିନପିଙ୍ଗ୍ କହିଛନ୍ତି, ସାରା ବିଶ୍ୱ ଚୀନ ଏବଂ ଆମେରିକା ସମ୍ପର୍କ ଉପରେ ଆଶା ରଖିଛନ୍ତି । ଚୀନ ଏବଂ ଆମେରିକା ସମ୍ପର୍କକୁ ପୁଣି ଥରେ ମଜଭୁତ କରିବାକୁ ସେ ଆଗ୍ରହୀ ଥିବା କହିଛନ୍ତି । ବାଇଡେନ କହିଛନ୍ତି, ଆମେ ଉପ-ସଭାପତି ଥିବା ସମୟରେ ଉଭୟଙ୍କ ମଧ୍ୟରେ ଦେଖାହୋଇଛି । ସବୁ ସମସ୍ୟା ସମାଧାନ ପାଇଁ ବ୍ୟକ୍ତିଗତ ଏବଂ ସରକାରୀ ସ୍ତରରେ ସେ ଆଗହୀ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୁଇ ଦେଶର ନେତା ହିସାବରେ ଆମର ଦାୟିତ୍ୱ ହେଉଛି ବିବାଦ ଛାଡି ବିଶ୍ୱର ସମସ୍ୟା ସମଧାନ ଉପରେ ଆଲୋଚନା କରିବା ବୋଲି ବାଇଡେନ କହିଛନ୍ତି । ଏପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇଣ୍ଡୋନେସିଆରେ ପହଞ୍ଚିଛନ୍ତି । ବିଶ୍ୱର ବିକାଶ, ଖାଦ୍ୟ, ଶକ୍ତି ସୁରକ୍ଷା, ଜଳବାୟୁ, ସ୍ୱାସ୍ଥ୍ୟ ଏବଂ ଡିଜିଟାଲ ପରିବର୍ତନ କ୍ଷେତ୍ରରେ ଥିବା ସମସ୍ୟ ଉପରେ ଜି-୨୦ ନେତାଙ୍କ ସହ ଆଲୋଚନା କରିବେ ବୋଲି କହିଛନ୍ତି ପ୍ରଧାନମନ୍ତ୍ରୀ । ଏଥିସହ ଋଷ-ୟୁକ୍ରେନ ଯୁଦ୍ଧର ସମାଧାନ ଦିଗରେ ବିଶ୍ୱର ନେତାମାନଙ୍କ ସହ ମୋଦୀ ଆଲୋଚନା କରିବେ ବୋଲି କହିଛନ୍ତି ।
୨୦୨୩ରେ ଭାରତରେ ଜି-୨୦ ସମ୍ମିଳନୀ ହେବାର ଥିବାରୁ ଭାରତ ଏହାର ସଭାପତିତ୍ୱ କରିବ । ଭାରତରେ ହେବାକୁ ଥିବା ଜି-୨୦ ସମ୍ମିଳନୀରେ କ’ଣ ବିଷୟ ବସ୍ତୁ ରହିବ ତାହା ଉପରେ ମୋଦୀ ଅନ୍ୟ ଦେଶର ମୁଖ୍ୟମାନଙ୍କ ସହ ଆଲୋଚନା କରିବା ସହ ସେମାନଙ୍କୁ ବ୍ୟକ୍ତିିଗତ ଭାବେ ନିମନ୍ତ୍ରଣ କରିବେ ।