ଆସିଲେ ଅନ୍ଧାଧୁନ ଗୁଳିକଲେ… ରାଉଣ୍ଡ ପରେ ରାଉଣ୍ଡ ଗୁଳି ଫୁଟିଲା, ଗ୍ୟାଙ୍ଗଷ୍ଟାର ଟଳିପଡିଲା…
କନକ ବ୍ୟୁରୋ: ପୋଲିସ ଥିଲା, ହାତରେ ହାତକଡି ପଡିଥିଲା, ସାମ୍ନାରେ ଗଣମାଧ୍ୟମ ପ୍ରତିନିଧି ଜମା ହୋଇଥିଲେ । ମେଡିକାଲ ପାଖରେ ମିଡିଆ ଆଗରେ ମୁହଁ ଖୋଲିଲା ବେଳେ ଗୁଳିଶବ୍ଦ ଶୁଭିଲା । ହଠାତ ବାଇଟ ଦେଉଥିବା ପ୍ରୟାଗରାଜର କୁଖ୍ୟାତ ଅପରାଧୀ ଟଳିପଡିଲା । ସେତିକିରେ ସରିନଥିଲା ଗୁଳିକାଣ୍ଡର ଆତଙ୍କିତ ମୂହୁର୍ତ୍ତ । ଆତିକର ଭାଇ ଅଶରଫକୁ ବି ସେଇଠି ଗୁଳିମାଡ କରି ହତ୍ୟା କଲେ ୩ ଦୁର୍ବୃତ୍ତ । ରାଉଣ୍ଡ ପରେ ରାଉଣ୍ଡ ଗୁଳି ଫୁଟିବାର ଶବ୍ଦରେ ଥରିଲା ଘଟଣାସ୍ଥଳୀ । ଆଉ ଅପରାଧୀକୁ ଗୁଳି କରି ଆତଙ୍କ ରଚୁଥିବା ୩ ଦୁର୍ବୃତ୍ତଙ୍କୁ ଧରିଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ତେବେ ଯାହା ନାଁ ଶୁଣିଲେ ଦିନେ ପୂରା ଉତ୍ତରପ୍ରଦେଶ କମ୍ପୁଥିଲା, ଭୟ ସୃଷ୍ଟି ହେଉଥିଲା, ସେହି ବାହୁବଳୀ ନେତା ତଥା ଗ୍ୟାଙ୍ଗଷ୍ଟର ଆତିକ ଅହମ୍ମଦଙ୍କ ପୁଅକୁ ବି ଏନକାଂଉଟର କରିଛି ୟୁପି ପୁଲିସ । ୟୁପି ପୁଲିସର ସୂଚନା ଅନୁସାରେ, ଅସଦ ଝାନସୀରେ ଲୁଚିଥିବା ଖବର ପାଇ ସର୍ଚ୍ଚ ଅପରେସନ ଆରମ୍ଭ କରିଥିଲା ଏସଟିଏଫ । ଅସଦ ଓ ତାର ସହଯୋଗୀକୁ ଆତ୍ମସମର୍ପଣ ପାଇଁ କୁହାଯାଇଥିଲା । କିନ୍ତୁ ସେ ପୁଲିସ ଉପରକୁ ଗୁଳିମାଡ କରିଥଲା । ତାପରେ ପୋଲିସ ପାଲଟା ଗୁଳିମାଡ କରିଥିଲା । ଆଉ ସେହି ଗୁଳିମାଡରେ ଅସଦର ମୃତ୍ୟୁ ହୋଇଥିଲା ।
ଏନକାଉଂଟରରେ ତାର ଜଣେ ସହଯୋଗୀର ବି ମୃତ୍ୟୁ ହୋଇଥିଲା । ପୁଅର ମୃତ୍ୟୁ ଖବର ପାଇ ଅତିକ ଅହମ୍ମଦ କୁଆଡେ ଚେତା ହରାଇ ଦେଇଥିଲା । ୨ ମାସ ହେବ ଗ୍ୟାଙ୍ଗଷ୍ଟର ଅତିକର ଦୁଇ ପୁଅ ଅସଦ ଅହମଦ ଓ ସହଯୋଗୀ ଗୁଲାମକୁ ଖୋଜୁଥିଲା ପୁଲିସ । ୨୦୦୫ ବିଏସପି ବିଧାୟକ ରାଜୁ ପାଲ ହତ୍ୟାକାଣ୍ଡର ସାକ୍ଷୀ ଉମେଶ ପାଲଙ୍କୁ ଗତ ଫେବୃଆରୀ ୨୪ ତାରିଖରେ ପ୍ରୟାଗରାଜରେ ଗୁଳି କରି ହତ୍ୟା କରିଥିଲା ଅସଦ । ଆତିକର ନିର୍ଦ୍ଦେଶ କ୍ରମେ ପୁଅ ଅସଦ ଏହି ଗୁଳିକାଣ୍ଡ କରିଥିବା ଅଭିଯୋଗ ହୋଇଥିଲା । ଆଉ ଅସଦ ବିରୋଧରେ ପ୍ରମାଣ ପାଇବା ପରେ ତାକୁ ଖୋଜୁଥିଲା ୟୁପି ପୁଲିସ । ଆଜି ଆତିକ ଓ ତା ଭାଇକୁ ଚେକ୍ ଅଫ୍ ପାଇଁ ପ୍ରୟାଗରାଜ ନିଆଯାଉଥିବା ବେଳେ ଗୁଳିମାରି ମାରି ଦେଇଛନ୍ତି ଦୁବୃର୍ତ୍ତ । ଏହି ଘଟଣାରେ ୩ ଜଣ ଗିରଫ ହୋଇଥିବା ସୂଚନା ମିଳିଛି ।