ୟୁପିରେ ଗ୍ୟାଙ୍ଗଷ୍ଟରକୁ ହତ୍ୟା ପରେ ବିଳମ୍ବିତ ରାତିରେ ୟୁପି ମୁଖ୍ୟମନ୍ତ୍ରୀଙ୍କ ଉତ୍ତ ସ୍ତରୀୟ ବୈଠକ । ନ୍ୟାୟିକ ତଦନ୍ତ ପାଇଁ ନିର୍ଦ୍ଦେଶ ଦେଲେ ଯୋଗୀ ଆଦିତ୍ୟନାଥ । ସାରା ରାଜ୍ୟରେ ହାଇ ଆଲର୍ଟ, ୧୪୪ ଧାରା ଲାଗୁ
କନକ ବ୍ୟୁରୋ: ଗ୍ୟାଙ୍ଗଷ୍ଟାର ଅତିକ ଅହମ୍ମଦ ଓ ଭାଇ ଅସରଫ ହତ୍ୟା ଘଟଣାର ହେବ ନ୍ୟାୟିକ ତଦନ୍ତ । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହି ନିର୍ଦ୍ଦେଶ ଦେଇଛନ୍ତି । ହତ୍ୟାକାଣ୍ଡ ଘଟଣା ପରେ ବିଳମ୍ବିତ ରାତିରେ ମୁଖ୍ୟମନ୍ତ୍ରୀଙ୍କ ବାସଭବନରେ ବୈଠକ ବସିଥିଲା । ଏହାପରେ ତିନି ଜଣିଆ ନ୍ୟାୟିକ ଆୟୋଗ ଗଠନ କରାଯାଇ ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି ଯୋଗୀ । ଏଥିସହ ସାରା ରାଜ୍ୟକୁ ହାଇଆଲର୍ଟ କରାଯାଇଛି । ୧୪୪ ଧାରା ଲାଗୁ ହୋଇଛି । ପୋଲିସ ସମସ୍ତ ୭୫ଟି ଜିଲ୍ଲାରେ ଫ୍ଲାଗମାର୍ଚ୍ଚ କରିଛି । ରାଜ୍ୟର ସମସ୍ତ ପୋଲିସଙ୍କ ଛୁଟି ବାତିଲ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କୁଖ୍ୟାତ ଗ୍ୟାଙ୍ଗଷ୍ଟର ଆତିକ ଅହମ୍ମଦର ଅପରାଧର କାହାଣୀ ଉତରପ୍ରଦେଶ ତଥା ହିନ୍ଦୀ ଭାଷାଭାଷି ରାଜ୍ୟ ଗୁଡିକରେ ବେଶ୍ ଜଣାଶୁଣା । ଏହି କୁଖ୍ୟାତ ଅପରାଧୀ ବିଧାୟକ ଓ ସାଂସଦ ବି ବନିଥିଲା । ଉତରପ୍ରଦେଶର ମାଫିଆ, ମାଫିଆଙ୍କ ଭିତରେ ନାଁ କମାଇଥିବା ଆତିକ ଅହମ୍ମଦ ଗୋଟିଏ ଜେଲରୁ ଆଉ ଗୋଟିଏ ଜେଲକୁ ସ୍ଥାନାନ୍ତର ଭିତରେ ପୁଲିସ ତାକୁ ଗୁଳି କରି ଦେବ ବୋଲି ଆଶଙ୍କା କରୁଥିଲା । ଆତିକ ବିରୋଧରେ, ଉତରପ୍ରଦେଶରେ ଶହେରୁ ଅଧିକ ଅପରାଧିକ ମାମଲା ରହିଛି । ମାମଲା ଗୁଡିକ ମଧ୍ୟରୁ ଅଧିକାଂଶ, ହତ୍ୟା, ହତ୍ୟା ଉଦ୍ୟମ, ଭଳି କେସ୍ ରହିଛି । ଶହ ଶହ ଗୁଣ୍ଡାଙ୍କୁ ନେଇ ଗ୍ୟାଙ୍ଗ ଗଢ଼ିଥିଲେ ଅତିକ ଅହମ୍ମଦ । ଅପରାଧ ସାମ୍ରାଜ୍ୟ ବିସ୍ତାର କରିବା ପରେ, ୧୯୮୯ରେ ରାଜନୀତିରେ ଏଂଟ୍ରି କରିଥିଲେ । ଆଉ ସେହିବର୍ଷ ଆହ୍ଲାବାଦ ବିଧାନସଭା କ୍ଷେତ୍ରରୁ ବିଧାନସଭାକୁ ନିର୍ବାଚିତ ହୋଇଥିଲେ । ସେ ସାଂସଦ ଭାବେ ନିର୍ବାଚିତ ହେବା ସହ ପାଂଚ ଥର ଉତରପ୍ରଦେଶ ବିଧାନସଭାକୁ ବିଧାୟକ ଭାବେ ନିର୍ବାଚିତ ହୋଇଥିଲେ । ବନ୍ଧୁକ ଗୁଳି ଓ ଟଙ୍କା ବଳରେ ନିର୍ବାଚନ ଜିତି ଆସୁଥିଲେ ଆତିକ୍ । କିନ୍ତୁ ଉତରପ୍ରଦେଶରେ ଯୋଗୀ ସକରାର ଆସିବା ପରେ, ସବୁକିଛି କିଛି ବଦଳିଯାଇଥିଲା । ଯାହା ନାଁ ଶୁଣିଲେ ଦିନେ ପୂରା ଉତରପ୍ରଦେଶ କମ୍ପୁଥିଲା, ଭୟ ସୃଷ୍ଟି ହେଉଥିଲା, ସେହି ବାହୁବଳୀ ନେତା ତଥା ଗ୍ୟାଙ୍ଗଷ୍ଟର ଅତିକ ଅହମ୍ମଦଙ୍କ ପୁଅକୁ ଏନକାଂଉଟର କରିଛି ୟୁପି ପୁଲିସ । ଓ ଏସଟିଏଫର ମିଳିତ ଟିମ । ୟୁପି ପୁଲିସର ସୂଚନା ଅନୁସାରେ, ଅସଦ ଝାନସୀରେ ଲୁଚିଥିବା ଖବର ପାଇ ସର୍ଚ୍ଚ ଅପରେସନ ଆରମ୍ଭ କରିଥିଲା ଏସଟିଏଫ । ଅସଦ ଓ ତାର ସହଯୋଗୀକୁ ଆତ୍ମସମର୍ପଣ ପାଇଁ କୁହାଯାଇଥିଲା । କିନ୍ତୁ ସେ ପୁଲିସ ଉପରକୁ ଗୁଳିମାଡ କରିଥଲା । ତାପରେ ପୁଲିସ ପାଲଟା ଗୁଳିମାଡ କରିଥିଲା । ଆଉ ସେହି ଗୁଳିମାଡରେ ଅସଦର ମୃତ୍ୟୁ ହୋଇଥିଲା । ଏନକାଉଂଟରରେ ତାର ଜଣେ ସହଯୋଗୀର ବି ମୃତ୍ୟୁ ହୋଇଥିଲା । ପୁଅର ମୃତ୍ୟୁ ଖବର ପାଇ ଅତିକ ଅହମ୍ମଦ କୁଆଡେ ଚେତା ହରାଇ ଦେଇଥିଲେ । ୨ମାସ ହେବ ଗ୍ୟାଙ୍ଗଷ୍ଟର ଅତିକର ଦୁଇ ପୁଅ ଅସଦ ଅହମଦ ଓ ସହଯୋଗୀ ଗୁଲାମକୁ ଖୋଜୁଥିଲା ପୁଲିସ । ୨୦୦୫ ବିଏସପି ବିଧାୟକ ରାଜୁ ପାଲ ହତ୍ୟାକାଣ୍ଡର ସାକ୍ଷୀ ଉମେଶ ପାଲଙ୍କୁ ଗତ ଫେବୃଆରୀ ୨୪ ତାରିଖରେ ପ୍ରୟାଗରାଜରେ ଗୁଳି କରି ହତ୍ୟା କରିଥିଲା ଅସଦ । ଆତିକ୍ଙ୍କ ନିର୍ଦ୍ଦେଶ କ୍ରମେ ପୁଅ ଅସଦ ଏହି ଗୁଳିକାଣ୍ଡ କରିଥିବା ଅଭିଯୋଗ ହୋଇଥିଲା । ଆଉ ଅସଦ ବିରୋଧରେ ପ୍ରମାଣ ପାଇବା ପରେ ତାକୁ ଖୋଜୁଥିଲା ୟୁପି ପୁଲିସ । ଆଜି ଆତିକ ଓ ତାଙ୍କ ଭାଇକୁ ଚେକ୍ ଅଫ୍ ପାଇଁ ପ୍ରୟାଗରାଜ ନିଆଯାଉଥିବା ବେଳେ ଗୁଳିମାରି ମାରି ଦେଇଛନ୍ତି ଦୁବୃର୍ତ । ନଜର ପକାନ୍ତୁ ହତ୍ୟାର ଶିକାର ପୂର୍ବରୁ ଆତିକ ଗଣମାଧ୍ୟମକୁ କଣ କହିଥିଲେ ।