୭୫ ପ୍ରତିଶତ ପାନ୍ ସହିତ ସଂଯୋଗ ହୋଇନି ଆଧାର : ସରକାରଙ୍କ ତଥ୍ୟ
ଜୁଲାଇ ୧୭ ସୁଦ୍ଧା ମାତ୍ର ୨୫% ଟିକସଦାତା ସେମାନଙ୍କ ପାନ୍ କାର୍ଡ ସହିତ ଆଧାର ସଂଯୋଗ କରିଛନ୍ତି । ଏ ପର୍ଯ୍ୟନ୍ତ ୭୫% ପାନ୍ କାର୍ଡଧାରୀ ଆଧାର ସଂଯୋଗ କରିନାହାନ୍ତି । ସଂସଦରେ ସରକାର ଏହି ତଥ୍ୟ ରଖିଛନ୍ତି ।ଦେଶରେ ୩୨.୪୧ କୋଟି ପାନ୍ କାର୍ଡ ଜାରି କରାଯାଇଥିବା ବେଳେ ଜୁଲାଇ ୧୭ ସୁଦ୍ଧା ସେଥିରୁ ମାତ୍ର ୮.୧୯ କୋଟି ପାନ୍ କାର୍ଡ ସହିତ ଆଧାର ସଂଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଜଣେ ଲୋକଙ୍କ ନାମରେ ଏକାଧିକ ପାନ୍ କାର୍ଡ ଥିବା ଜଣାପଡ଼ିବା ପରେ ୧୧.୪୬ ଲକ୍ଷ ପାନ୍ କାର୍ଡକୁ ଅଚଳ କରାଯାଇଛି । ସେହିପରି ୧,୫୪୪ଟି ପାନ୍ କାର୍ଡ ଏଭଳି ବ୍ୟକ୍ତିଙ୍କ ନାମରେ ରହିିଥିଲା, ଯେଉଁ ନାମଧାରୀ କୌଣସି ବ୍ୟକ୍ତି ଏହି ଦୁନିଆରେ ହିଁ ନାହାନ୍ତି । ସେଗୁଡ଼ିକୁ ମଧ୍ୟ ଅଚଳ କରାଯାଇଛି । ଉଲ୍ଲେଖଯୋଗ୍ୟ ଯେ ଚଳିତ ବର୍ଷ ଜୁଲାଇ ୧ରୁ ପାନ୍ କାର୍ଡ ସହିତ ଆଧାର ସଂଯୋଗକୁ ବାଧ୍ୟତାମୂଳକ କରାଯାଇଛି ।