ଦେଶରେ ୨୪ ଘଣ୍ଟାରେ ୭୭୩ ଜଣ ନୂଆ ଆକ୍ରାନ୍ତ, ଦିନକରେ ୩୨ ଜଣଙ୍କ ଗଲା ଜୀବନ । ୫୨୭୪ରେ ପହଁଞ୍ଚିଲା ମୋଟ ଆକ୍ରାନ୍ତଙ୍କ ସଂଖ୍ୟା । ଦେଶର ସଂକ୍ରମିତ ରାଜ୍ୟ ତାଲିକାରେ ୧୬ ନମ୍ବରରେ ଓଡିଶା
କନକ ବ୍ୟୁରୋ: କରୋନା ନେଇ କଣ ରହିଛି ଦେଶର ସ୍ଥିତି । ପ୍ରେସମିଟରେ ବିଶ୍ୱ ସମେତ ପୂରା ଦେଶର ସୂଚନା ଦେଇଛନ୍ତି ସୁବ୍ରତ ବାଗଚୀ । ଗତ ୨୪ ଘଂଟା ଭିତରେ ଦେଶରେ ୭୭୩ଟି ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏଥିସହ ଭାରତରେ କରୋନା ଭୂତାଣୁରେ ସଂକ୍ରମିତଙ୍କ ସଂଖ୍ୟା ୫ ହଜାର ୧୯୪ରେ ପହଁଚିଛି । ସେହିପରି ଦେଶରେ କରୋନା ଭୂତାଣୁରେ ମୃତ୍ୟୁ ସଂଖ୍ୟା ୧୪୯ରେ ପହଁଚିଛି । ଗତ ୨୪ ଘଂଟାରେ ୩୨ ଜଣଙ୍କ ଜୀବନ ନେଇଛି ମାରାତ୍ମକ କରୋନା ।
Kanak News is now on WhatsApp
Join and get latest news updates delivered to you via WhatsApp
ସେପଟେ ୪୦୨ ଜଣ ସଂକ୍ରମିତ ସୁସ୍ଥ ହୋଇ ଘରକୁ ଫେରିଥିବା ସୂଚନା ଦେଇଛନ୍ତି କେନ୍ଦ୍ର ସ୍ୱାସ୍ଥ୍ୟ ବିଭାଗ ଯୁଗ୍ମ ସଚିବ ଲବ ଅଗ୍ରୱାଲ । ତେବେ ବଡ କଥା ହେଉଛି ଏସବୁ ଭିତରେ ପରୀକ୍ଷାର ସଂଖ୍ୟା ବେଶ ବଢି ଯାଇଛି । ଏବେ ଯାଏଁ ୧ ଲକ୍ଷ ୨୧ ହଜାର ଲୋକଙ୍କ ନମୂନା ପରୀକ୍ଷା ହେଲାଣି । ଏପଟେ ଓଡିଶାରେ ୨୪୪୧ ନମୂନା ପରୀକ୍ଷା କରାଯାଇଥିବା ବେଳେ ସେହି ଆକ୍ରାନ୍ତଙ୍କ ସଂଖ୍ୟା ସେହି ୪୨ ରହିଛି । ଓଡିଶାରେ ମୋଟ ୪୨ ପଜିଟିଭରୁ ୨ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଜଣଙ୍କର ମୃତ୍ୟୁ ହୋଇଛି । ତେବେ ବର୍ତ୍ତମାନ ୩୯ଟି ଆକ୍ଟିଭ କେସ୍ ଥିବା ସୁବ୍ରତ ସୂଚନା ଦେଇଛନ୍ତି ।