ରାମ ମନ୍ଦିର ଶୀଘ୍ର ନିର୍ମାଣ ହେଉ ବିଜେପି ଚାହୁଁଛି ! ହେଲେ , ଏଥିରେ ବାଧକ ସାଜିଛି କଂଗ୍ରେସ : ଅମିତ ଶାହା
ରାମ ମନ୍ଦିର ଶୀଘ୍ର ନିର୍ମାଣ ହେଉ ବିଜେପି ଚାହୁଁଛି
କନକ ବ୍ୟୁରୋ : ଭାରତୀୟ ଜନତା ପାର୍ଟି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଶୁକ୍ରବାର କହିଛନ୍ତି, ଆମେ ଖୁବ୍ ଶୀଘ୍ର ରାମ ମନ୍ଦିର ନିର୍ମାଣ କରିବା ଚାହିଁବୁ। ବିଜେପି ଚାହୁଁଛି ରାମ ମନ୍ଦିର ଶୀଘ୍ର ହେଉ ମାତ୍ର ଏଥିରେ କଂଗ୍ରେସ ବାଧା ଦେଉଛି। ଅନ୍ୟପଟରେ ମାମଲା ସୁପ୍ରିମକୋର୍ଟରେ ବିଚାରଧୀନ ଥିବାରୁ ପ୍ରକ୍ରିୟା ଆଗକୁ ବଢ଼ି ପାରୁ ନାହିଁ। ଦିଲ୍ଲୀର ରାମଳୀଲା ପଡ଼ିଆରେ ବିଜେପିର ରାଷ୍ଟ୍ରୀୟ ମହାଧିବେଶନର ଉଦଘାଟନୀ ଦିବସ ଅବସରେ ଶାହ ଏହା କହିଛନ୍ତି। ବର୍ଷ ୨୦୧୯ରେ ମୋଦି ସରକାର ଗଠନ କରି ଉତ୍ସବ ପାଳନ କରିବେ। ଆଗାମୀ ଲୋକସଭା ନିର୍ବାଚନ ଦେଶ ପାଇଁ ଗୁରୁତ୍ୱପୂର୍ଣ୍ଣ ବୋଲି ବରିଷ୍ଠ ବିଜେପି ନେତା କହିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଦଳୀୟ କର୍ମକର୍ତ୍ତାଙ୍କୁ ସମ୍ବୋଧନ କରି ଶାହ କହିଛନ୍ତି, ୨୦୧୯ରେ ମୋଦି ସରକାରକୁ କ୍ଷମତା ଦିଅନ୍ତୁ। ଏହାସହ ଶାହା ଆହୁରି ମଧ୍ୟ କହିଛନ୍ତି ଯେ, ବିଜେପିର ପତାକା କେରଳରେ ମଧ୍ୟ ଉଡ଼ିବ। ସେହିପରି ଉତ୍ତର ପ୍ରଦେଶରେ ବିଜେପି ୭୩ ଆସନରେ ବିଜୟୀ ହେବ। ମହାମେଣ୍ଟକୁ ଜଣା ଅଛି ଯେ, ସେମାନେ ମୋଦିଙ୍କ ବିରୋଧରେ ଏକାକୀ ଲଢ଼େଇ କରିପାରିବେ ନାହିଁ। ୨୦୧୯ ଲୋକସଭା ନିର୍ବାଚନ ମୋଦି ବନାମ ଅଲ୍ ପାର୍ଟି ମଧ୍ୟରେ ମୁକାବିଲା ହେବ। ସମଗ୍ର ବିଶ୍ୱରେ ମୋଦି ଜଣେ ଲୋକପ୍ରିୟ ନେତା।କେବଳ ଲୋକପ୍ରିୟ ନେତା ନୁହେଁ ବରଂ ସେ ଯେପରି ଭାବରେ ଦେଶରେ ଶାସନ କରୁଛନ୍ତି ତାହାକୁ ଲୋକମାନେ ପସନ୍ଦ କରୁଥିବା କଥା ଆମେମାନେ ସମସ୍ତେ ଜାଣନ୍ତି । ତେଣୁ ଆମେ ଦୃଢବାଦୀ ଆଗାମୀ ସାଧାରଣ ନିର୍ବାଚନରେ ଲୋକମାନେ ମୋଦିଙ୍କୁ ପୁଣି ଥରେ ଶାସନ କ୍ଷମତାକୁ ଫେରାଇବେ ବୋଲି ଶାହା କହିଛନ୍ତି ।