ପ୍ରତିବର୍ଷ ବିଶ୍ୱରେ ନଷ୍ଟ ହେଉଛି ୮୪ ଲକ୍ଷ କୋଟି ଟଙ୍କାର ଖାଦ୍ୟ । ପଛରେ ପଡିନାହିଁ ଭାରତ, ଭୋକରେ ରହୁଛନ୍ତି ୮୦ କୋଟିରୁ ଅଧିକ ଲୋକ
କନକ ବ୍ୟୁରୋ : ଯୁକ୍ତ ରାଷ୍ଟ୍ରର ଏକ ନୂଆ ରିପୋର୍ଟର ତଥ୍ୟ ଅନୁଯାୟୀ ପ୍ରତ୍ୟେକ ବ୍ୟକ୍ତି ବାର୍ଷିକ ହାରାହାରି ୭୯ କିଲୋ ଖାଦ୍ୟ ନଷ୍ଟ କରିଥାନ୍ତି । ସେ ହିସାବରେ ଦେଖିବାକୁ ଗଲେ ପୁରା ଦୁନିଆରେ ବାର୍ଷିକ ପ୍ରାୟ ଏକ ଆରବ ଟନ୍ ଖାଦ୍ୟ ସମ୍ପୁର୍ଣ୍ଣ ଭାବେ ନଷ୍ଟ ହେଉଛି । ଏହାଠୁ ଅଧିକ ଦୁର୍ଭାଗ୍ୟଜନକ ବିଷୟ ହେଉଛି କି ୮୦ କୋଟିରୁ ଅଧିକ ଲୋକ ଆଜି ମଧ୍ୟ ଭୋକିଲା ପେଟରେ ଶୋଇବାକୁ ବାଧ୍ୟ ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜନସଂଖ୍ୟାର କିଛି ଭାଗ ମନ ଇଚ୍ଛା ଖାଦ୍ୟ ନଷ୍ଟ କରୁଥିବା ବେଳେ ଏକ ବଡ ଅଂଶ ଗୋଟିଏ ଓଳି ମଧ୍ୟ ପେଟ ପୁରା ଖାଇବାକୁ ନ ପାଇବା ନିହାତି ଚିନ୍ତାର ବିଷୟ । ଏହା ଯୁକ୍ତ ରାଷ୍ଟ୍ର ଆମେରିକାର ଫୁଡ୍ ୱେଷ୍ଟ ଇଣ୍ଡେକ୍ସ୍ ୨୦୨୪ର ବାର୍ଷିକ ତଥ୍ୟ । ୨୦୨୨ର ବାର୍ଷିକ ରିପୋର୍ଟ ଅନୁସାରେ ୧.୦୫ ଆରବ ଟନ୍ ଖାଦ୍ୟ ନଷ୍ଟ ହୋଇଥିଲା ।
ତେବେ ରିପୋର୍ଟରେ ଆହୁରି ଅନେକ ତଥ୍ୟ ରହିଛି । କେବଳ ଧନୀକ ରାଷ୍ଟ୍ର କିମ୍ବା ଧନୀକ ଗୋଷ୍ଠୀ ନୁହେଁ ବିକାଶୋନ୍ମୁଖୀ ଛୋଟ ଓ ଗରିବ ଦେଶ ଗୁଡିକରେ ମଧ୍ୟ ଅନେକ ପରିମାଣର ଖାଦ୍ୟ ନଷ୍ଟ କରାଯାଉଛି । ପୋଷା ଜୀବଯନ୍ତୁଙ୍କୁ ବଳକା ଖାଦ୍ୟ ଦେଇ ଦେବା ହେତୁ ସହର ତୁଳନାରେ ଗ୍ରାମାଂଚଳରେ ଖାଦ୍ୟ ନଷ୍ଟ ଟିକିଏ କମ ହେଉଛି ।
୬୩.୧ କୋଟିର ପରିବାରରେ ରନ୍ଧା ଖାଦ୍ୟ ନଷ୍ଟ ହେଉଥିବା ବେଳେ ଫୁଡ ସର୍ଭିସ୍ କ୍ଷେତ୍ରରେ ୨୯ କୋଟି ଓ ରିଟେଲ ସେକ୍ଟରରେ ୧୩ କୋଟିର ଖାଦ୍ୟ ନଷ୍ଟ ହୋଇଛି । ପ୍ରାୟ ୮୦ କୋଟି ଲୋକ ଭୋକରେ ଦିନ କାଟୁଥିବା ବେଳେ ପ୍ରାୟ ଏକ ତୃତୀୟାଂଶ ଲୋକ ଖାଦ୍ୟ ସଂକଟ ଦେଇ ଗତି କରୁଛନ୍ତି ।
କାରଣ ଗରମ ଦେଶରେ ଥଣ୍ଡା ଦେଶ ତୁଳନାରେ ଅଧିକ ଖାଦ୍ୟ ନଷ୍ଟ ହୋଇଥାଏ । ସବୁଜ ଗୃହରୁ ନିର୍ଗତ ବିଷାକ୍ତ ଗ୍ୟାସ ସବୁ ଏସବୁ ପାଇଁ ପ୍ରମୁଖ ଭାବେ ଦାୟୀ । ବଢୁଥିବା ଗରମ ଜଳବାୟୁ କାରଣରୁ ଖାଦ୍ୟକୁ ଅଧିକ ସମୟ ଭଲ ର୍ଖିବା ସମ୍ଭବ ହେଉନାହିଁ ।
Food waste must be addressed at by individuals, businesses, and governments at all levels.
The new 2024 #FoodWasteIndex Report outlines actions everyone can take to #BeatWastePollution: https://t.co/7fixckApJN pic.twitter.com/6IdhMiWJj2
— UN Environment Programme (@UNEP) March 28, 2024
ଭାରତୀୟ ମାନେ ମଧ୍ୟ ଖାଦ୍ୟ ନଷ୍ଟ ମାମଲାରେ କିଛି ପଛରେ ନାହାନ୍ତି । ପରିବାରରୁ ପ୍ରାୟ ୫୫ କିଲୋ ହିସାବରେ ବାର୍ଷିକ ୭.୮୧ କୋଟିର ଖାଦ୍ୟ ନଷ୍ଟ କରୁଛନ୍ତି ଭାରତୀୟ । ଭାରତର ପଡ଼ୋଶୀ ରାଜ୍ୟ ମାନଙ୍କ ମଧ୍ୟରେ ଚୀନ ସବୁ ଠାରୁ ଅଧିକ ଖାଦ୍ୟ ନଷ୍ଟ କରୁଥିବା ବେଳେ ଏହା ପଛକୁ ପାକିସ୍ତାନ ଓ ବାଂଲାଦେଶ ରହିଛି ।