କଂଗ୍ରେସରୁ ଇସ୍ତଫା ପରେ ବିଜେପିରେ ସାମିଲ ହେଲେ ଆରପିଏନ୍ ସିଂହ । ସ୍ୱାମୀ ପ୍ରସାଦ ମୌର୍ଯ୍ୟଙ୍କ ବିରୋଧରେ ଲଢିବେ ନିର୍ବାଚନ?
କନକ ବ୍ୟୁରୋ: ହାତ ଛାଡିଲେ ପଦ୍ମ ଧରିଲେ । ଉତ୍ତରପ୍ରଦେଶର ଜଣାଶୁଣା ଚେହେରା ତଥା କଂଗ୍ରେସ ନେତା ଆରପିଏନ୍ ସିଂହ ନିଜର ପୁରୁଣା ଦଳ କଂଗ୍ରେସର ହାତ ଛାଡି ଏବେ ବିଜେପିରେ ଯୋଗ ଦେଇଛନ୍ତି । ସୋମବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଉତ୍ତରପ୍ରଦେଶ ବିଜେପି ଅଧ୍ୟକ୍ଷ ସ୍ୱତନ୍ତ୍ର ଦେବ ସିଂହ ଓ ୟୁପି ଉପ-ମୁଖ୍ୟମନ୍ତ୍ରୀ କେଶବ ପ୍ରସାଦ ମୌଯ୍ୟଙ୍କ ଉପସ୍ଥିତିରେ ସେ ପଦ୍ମ ଧରିଛନ୍ତି । ତେବେ ମିିଳିଥିବା ସୂଚନା ମୁତାବକ, ଆରପିଏନ୍ ବିଜେପିରେ ସାମିଲ ହେବା ପରେ ଦଳର ସଙ୍ଗଠନ ଅଧିକ ମଜଭୁତ୍ ହେବ । ତେବେ ବିଜେପି ତାଙ୍କୁ ସ୍ୱାମୀ ପ୍ରସାଦ ମୌର୍ଯ୍ୟଙ୍କ ବିରୋଦରେ ମୈଦାନକୁ ଓହ୍ଲାଇବା ନେଇ ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
आज, जब पूरा राष्ट्र गणतन्त्र दिवस का उत्सव मना रहा है, मैं अपने राजनैतिक जीवन में नया अध्याय आरंभ कर रहा हूँ।
जय हिंद— RPN Singh (@SinghRPN) January 25, 2022
କଂଗ୍ରେସରୁ ଇସ୍ତଫା ଦେବା ପରେ ଆରପିଏନ୍ ସିଂହ ଏକ ଟୁଇଟ୍ କରିଥିଲେ । ଏହି ଟୁଇଟରେ ସେ ଲେଖିଥିଲେ, ଯେତେବେଳେ ସାରା ଦେଶ ଗଣତନ୍ତ୍ର ଦିବସର ଉତ୍ସବ ମନାଉଛି । ସେତେବେଳେ ମୁଁ ମୋ ରାଜନୈତିକ ଜୀବନର ନୂଆ ଅଧ୍ୟାୟ ଆରମ୍ଭ କରିବାକୁ ଯାଉଛି, ଜୟ ହିନ୍ଦ ।
ଆରପିଏନ୍ ସିଂହ ବିଜେପିରେ ସାମିଲ ହେବା ଚର୍ଚ୍ଚା ଗତ କିଛି ଦିନ ଧରି ହୋଇ ଆସୁଥିଲା । ତେବେ ସେ ବିଜେପିରେ ସାମିଲ ହେବା ପରେ ଏବେ ସ୍ୱାମୀ ପ୍ରସାଦ ମୌର୍ଯ୍ୟଙ୍କ ବିରୋଧରେ ମୈଦାନକୁ ଓହ୍ଲାଇବେ । ସ୍ୱାମୀ ପ୍ରସାଦ ମୌର୍ଯ୍ୟଙ୍କୁ ସମାଜବାଦୀ ପାର୍ଟି କୁଶୀନରାର ପଡରୌନା ଆସନରୁ ନିର୍ବାଚନ ଲଢିବାକୁ ଯାଉଛନ୍ତି । ତାଙ୍କ ସହିତ ଏବେ ଆରପିଏନ୍ ସିଂହଙ୍କ ମୁହାଁମୁହିଁ ହେବା ନେଇ ଚର୍ଚ୍ଚା ହେଉଛି ।