କନକ ବ୍ୟୁରୋ: ଉଗ୍ରତାରା ହଷ୍ଟେଲ ସମ୍ମୁଖରେ ଦେଖିବାକୁ ମିଳିଲା ରୋଡ ରୋମିଓଙ୍କ ଉଗ୍ରରୂପ । ଗାଳିଗୁଲଜ କରିବା ସହ ହାତରେ ହତିଆର ଧରି ଅନ୍ଧାର ରାତିରେ ଆତଙ୍କ ଖେଳାଉଥିବାର ଦୃଶ୍ୟ ସାଧାରଣ ଲୋକର ଛାତି ଥରାଇଦେବ । ଧରାକୁ ସରା ମଣୁନଥିବା ଏହି ଉପରମୁହାଁ ରୋଡରୋମିଓ ହଷ୍ଟେଲରେ ରହୁଥିବା ଜଣେ ଯୁବତୀଙ୍କୁ ବାହାରକୁ ଘୋଷାରି ଆଣି ମନଇଛା ପିଟିଥିଲେ । କେତେବେଳେ ପଥରମାରି ଝରକା କାଚ ଭାଙ୍ଗିଥିଲେ ତ ପୁଣି କେତେବେଳେ ପାଚେରୀ ଭାଙ୍ଗି ହଷ୍ଟେଲ ଭିତରକୁ ଧସେଇ ପଶିବାକୁ ଚାହୁଁଥିଲେ । ସଂପୃକ୍ତ ଯୁବତୀ ନିଜ ଜୀବନ ବଂଚାଇବା ପାଇଁ ପ୍ରାୟ ୪୫ ମିନିଟକାଳ ସଂଘର୍ଷ କରିଥିଲେ । ଆଉ ହଷ୍ଟେଲର ଗେଟ ବନ୍ଦ କରିବା ପରେ ବେଡରୁମ ଭିତରକୁ ପଥରମାଡ କରିବା ସହ ହଷ୍ଟେଲ ବେଡରୁମ ଭିତରକୁ ପଶିବାକୁ ଉଦ୍ୟମ କରିଥିଲେ ଦୁର୍ବୃତ୍ତ ।
Kanak News is now on WhatsApp
Join and get latest news updates delivered to you via WhatsApp
ରୋଡରୋମିଓମାନେ ଗଡସାହିରେ କେବଳ ଏହି ଜଣେ ଯୁବତୀଙ୍କୁ ନୁହେଁ, ବରଂ ରକ୍ଷା କରିବାକୁ ଆସିଥିବା ଯୁବତୀଙ୍କୁ ଅତର୍କିତ ଆକ୍ରମଣ କରିଥିଲେ । ଯୁବକୀଙ୍କ ଗାଡିକୁ ବି ଭଙ୍ଗାରୁଜା କରି ଦୀର୍ଘ ସମୟ ଧରି ଆତଙ୍କ ଖେଳାଇଥିଲେ । କଲୋନୀ ଭିତରେ ଏତେସବୁ କାଣ୍ଡ ଘଟିଚାଲିଥିଲେ ବି ଦେଖଣାହାରୀ ସାଜିଥିଲେ ପଡୋଶୀ ।
ଘଟଣା ଘଟାଇଥିବା ଅଭିଯୁକ୍ତମାନେ ନୟାପଲ୍ଲୀ ଭୋଇସାହିର ଯୁବକ ବୋଲି ପୁଲିସ ତଦନ୍ତବେଳେ ଜାଣିବାକୁ ପାଇଛି । ଅଭିଯୁକ୍ତମାନେ ଘଟଣା ଘଟାଇ ଫେରାର ହୋଇଯାଇଛନ୍ତି ।