ରବିନ୍ଦ୍ର ଜାଡେଜା ବନିଲେ ଦୁନିଆର ନମ୍ବର୧ ଟେଷ୍ଟ ଅଲରାଉଣ୍ଡର । ଚତୁର୍ଥ ସ୍ଥାନରେ ଅଶ୍ୱିନୀ ।
କନକ ବ୍ୟୁରୋ : ଟିମ୍ ଇଣ୍ଡିଆର ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା ଦୁନିଆର ନମ୍ବର୧ ଟେଷ୍ଟ ଅଲରାଉଣ୍ଡର ହୋଇଛନ୍ତି । ଆଇସିସି ଜାରି କରିଛି ଟେଷ୍ଟ ରାଙ୍କିଂ ତାଲିକା । ୱେଷ୍ଟଇଣ୍ଡିଜର ଅଲରାଉଣ୍ଡର ଜେସନ ହୋଲ୍ଡରଙ୍କୁ ଶୀର୍ଷରୁ ହଟାଇ ଦୁନିଆର ନମ୍ବର୧ ଟେଷ୍ଟ ଅଲରାଉଣ୍ଡର ବନିଛନ୍ତି ଜାଡେଜା ।
Kanak News is now on WhatsApp
Join and get latest news updates delivered to you via WhatsApp
୩୮୬ ଅଙ୍କ ସହ ଜାଡେଜା ଶୀର୍ଷରେ ଥିବା ବେଳେ ୩୮୪ ଅଙ୍କ ସହ ଜେସନ ହୋଲ୍ଡର ଦ୍ୱିତୀୟ ସ୍ଥାନରେ, ଇଂଲଣ୍ଡର ଅଲରାଉଣ୍ଡର ବେନ୍ ଷ୍ଟୋକ୍ସ ୩୭୭ ଅଙ୍କ ସହ ତୃତୀୟ ସ୍ଥାନରେ ରହିଛନ୍ତି ।
ତେବେ ୩୫୩ ଅଙ୍କ ସହ ଚତୁର୍ଥ ସ୍ଥାନରେ ରହିଛନ୍ତି ଟିମ୍ ଇଣ୍ଡିଆର ଷ୍ଟାର ଅଲରାଉଣ୍ଡର ରବିଚନ୍ଦ୍ରନ ଅଶ୍ୱିନୀ । ସେହିପରି ବାଂଲାଦେଶର ସକିବ ଅଲ୍ ହାସନ ୩୩୮ ଅଙ୍କ ସହ ପଞ୍ଚମ ସ୍ଥାନରେ ରହିଛନ୍ତି ।
ସେହିପରି ଆଇସିସି ଜାରି କରିଛି ଟେଷ୍ଟ ବ୍ୟାଟିଂ ରାଙ୍କିଂ ତାଲିକା । ତାଲିକାର ଟପ୍ ଟେନରେ ୩ଜଣ ଭାରତୀୟ ଖେଳାଳୀ ସ୍ଥାନ ଅକ୍ତିଆର କରିଛନ୍ତି । ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି ୮୧୪ ପଏଣ୍ଟ ସହ ଚତୁର୍ଥ ସ୍ଥାନରେ ରହିଛନ୍ତି । ସେହିପରି ହିଟମ୍ୟାନ୍ ରୋହିତ ଶର୍ମା ୭୪୭ ପଏଣ୍ଟ ସହ ଷଷ୍ଠ ସ୍ଥାନରେ ଥିବା ବେଳେ ସମାନ ପଏଣ୍ଟ ସହ ସପ୍ତମ ସ୍ଥାନରେ ରହିଛନ୍ତି ଯୁବ ତାରକା ଋଷଭ ପନ୍ଥ ।
ତାଲିକାର ଶୀର୍ଷରେ ରହିଛନ୍ତି, ଅଷ୍ଟ୍ରେଲିଆର ଷ୍ଟିଭ୍ ସ୍ମିଥ । ଦ୍ୱିତୀୟ ସ୍ଥାନରେ ରହିଛନ୍ତି ନ୍ୟୁଜିଲାଣ୍ଡର ଅଧିନାୟକ କେନ୍ ୱିଲିୟମସନ୍ । ତୃତୀୟରେ ରହିଛନ୍ତି ଅଷ୍ଟ୍ରେଲିଆର ମାର୍ନସ ଲାବୁସେନ୍ । ଇଂଲଣ୍ଡର ଜୋ ରୁଟ୍ ପଞ୍ଚମ ସ୍ଥାନରେ ଥିବା ବେଳେ, ଅଷ୍ଟମରେ ହେନେରୀ ନିକୋଲ୍ସ, ନବମରେ ଡେଭିଡ୍ ୱାର୍ନର ଏବଂ ଦଶମରେ ଦକ୍ଷିଣଆଫ୍ରିକାର କ୍ୱିଣ୍ଟନ ଡିକକ ରହିଛନ୍ତି ।