ପକ୍ସୋ ଆକ୍ଟକୁ ନେଇ ଦିଲ୍ଲୀ ହାଇକୋର୍ଟଙ୍କ ବଡ ବୟାନ, ଯୁବପିଢି ସହମତିରେ ରଖୁଥିବା ସମ୍ପର୍କକୁ ଅପରାଧିକ କରାଯାଇପାରିବ ନାହିଁ ।
କନକ ବ୍ୟୁରୋ: ଦୁଷ୍କର୍ମରେ ଶିକାର ହେଉଥିବା ନାବାଳିକାଙ୍କ ପାଇଁ ଥିବା ପକ୍ସୋ ଆକ୍ଟକୁ ନେଇ ବଡ ବୟାନ ଦେଇଛନ୍ତି ଦିଲ୍ଲୀ ହାଇକୋର୍ଟ । ଦୁଷ୍କର୍ମରେ ଶିକାର ହେଉଥିବା ୧୮ ବର୍ଷରୁ କମ ବୟସ୍କଙ୍କୁ ସୁରକ୍ଷା ପ୍ରଦାନ କରିବାକୁ ପକ୍ସୋ ଆକ୍ଟ କାର୍ଯ୍ୟ କରୁଛି । କିନ୍ତୁ ଏହାର ମାନେ ନୁହେଁ ଯେ ଯୁବପିଢି ସହମତିରେ ରଖୁଥିବା ସମ୍ପର୍କକୁ ଅପରାଧିକରଣ କରିବା ବୋଲି କୋର୍ଟ କହିଛନ୍ତିି । ଏଭଳି କହିବା ସହ ଦୁଷ୍କର୍ମ ଅଭିଯୋଗରେ ଦିଲ୍ଲୀ ପୁଲିସ ଗିରଫ କରିଥିବା ଜଣେ ଯୁବକଙ୍କୁ ଜାମିନ୍ ପ୍ରଦାନ କରିଛନ୍ତି ଜଷ୍ଟିସ୍ ଜଶମିତ ସିଂ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଜଣେ ନାବାଳିକାଙ୍କ ବାପା ତାଙ୍କ ଝିଅକୁ ବିବାହ କରିବାର ପ୍ରତିଶ୍ରୁତି ଦେଇ ଜଣେ ଯୁବକ ତାଙ୍କ ଅପହରଣ କରି ଦୁଷ୍କର୍ମ କରିଥିବା ନେଇ ଅଭିଯୋଗ କରିଥିଲେ । ତଳ କୋର୍ଟରେ ଯୁବକଙ୍କ ଜାମିନ୍ ନାମଞ୍ଜୁର ହେବାରୁ ଯୁବକ ଜଣଙ୍କ ଡିସେମ୍ବର ୨୦୨୧ରେ ଜେଲରେ ଥିଲେ । କିନ୍ତୁ ମାମଲାରୁ ଜଣାପଡିଥିଲା ଯେ, ଯୁବତୀ ଜଣଙ୍କ ନିଜ ଇଚ୍ଛାରେ ଯୁବକଙ୍କ ଘରକୁ ଯାଇଥିଲେ । ଉପରେ ସେଠାରୁ ପଞ୍ଜାବ ଯାଇ ବିବାହ କରିଥିଲେ । କିନ୍ତୁ ପରେ ଯୁବତୀ ଜଣଙ୍କ ନିଜ ଇଚ୍ଛାରେ ବିବାହ କରିନଥିବା ନେଇ କୋର୍ଟରେ କହିଥିଲେ । ତେଣୁ ଉକ୍ତ ଯୁବକଙ୍କୁ ପକ୍ସୋ ଆକ୍ଟ ଅନୁସାରେ ଜାମିନ୍ ମିଳିନଥିଲା ।