ଘରେ ଜଳୁଛି ଗୋଟିଏ ବଲବ୍, ଗୋଟିଏ ଫ୍ୟାନ୍, ବିଲ୍ ଆସୁଛି ୪ ହଜାର ଟଙ୍କା ! ପ୍ରହସନ ପାଲଟିଛି ସୌଭାଗ୍ୟ ଯୋଜନା ।
କନକ ବ୍ୟୁରୋ : ପ୍ରହସନ ପାଲଟିଛି ସୌଭାଗ୍ୟ ଯୋଜନା । ଜନସାଧାରଣ ମାନଙ୍କ ପାଇଁ କେନ୍ଦ୍ର ସରକାର ଘୋଷଣା କରିଥିବା ସୌଭାଗ୍ୟ ଯୋଜନାର ଅସଲ ଚିତ୍ର ପଦାରେ ପଡିଛି । କେଉଁଠି କନେକସନ୍ ନଥାଇ ବିଲ୍ ଆସୁଛି ତ ଆଉ କେଉଁଠି ଗୋଟିଏ ବଲବ୍ ଲାଗି ମଧ୍ୟ ହଜାର ହଜାର ଟଙ୍କା ବିଲ୍ ଆସୁଛି । ଏଭଳି ଘଟଣା ପରେ ଏବେ ସୌଭାଗ୍ୟ ଯୋଜନାକୁ ନେଇ ସାଧାରଣରେ ପ୍ରଶ୍ନ ଉଠିଛି । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ରାଜକନିକା ବ୍ଲକରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, କେନ୍ଦ୍ର ସରକାରଙ୍କ ସୌଭାଗ୍ୟ ଯୋଜନା ପାଇଁ ରାଜକନିକା ବ୍ଲକର ପାଖାପାଖି ୧୫୦୦ଜଣ ହିତାଧିକାରୀ ଆବେଦନ କରିଥିଲେ । ତେବେ ପାଖାପାଖି ୧୨୦୦ ଜଣ ଲୋକଙ୍କୁ ଏହି ସୁବିଧା ଯୋଗାଇ ଦିଆଯାଇଛି । କିନ୍ତୁ ସବୁଠାରୁ ବଡ କଥା ହେଉଛି, ଯେଉଁ ଲୋକମାନେ ଏହି ଯୋଜନାରେ କନେକସନ୍ ନେଇନାହାନ୍ତି ସେମାନଙ୍କୁ ପାଖକୁ ମଧ୍ୟ ଇଲେକ୍ଟ୍ରିକ୍ ବିଲ୍ ପଠାଯ ାଉଛି । ଏପରିକି କାହା ଘରେ ଗୋଟିଏ ବଲବ୍ ଏବଂ ଗୋଟିଏ ଫ୍ୟାନ ଲାଗିଥିଲେ ସୁଦ୍ଧା ସେମାନଙ୍କ ପାଖକୁ ଆସିଛି ୪୦୦୦ ଟଙ୍କାର ଇଲେକ୍ଟ୍ରିକ୍ ବିଲ୍ । ତେବେ ଏନେଇ ଅଭିଯୋଗ କରିବା ପରେ ଇଲେକ୍ଟ୍ରିକ୍ ଅଫିସରୁ ସେସୁ ଅଫିସ ଏବଂ ସେସୁ ଅଫିସରୁ ଇଲେକ୍ଟ୍ରିକ୍ ଅଫିସ ଲୋକମାନଙ୍କୁ ଦୌଡିବାକୁ ପଡୁଛି କିନ୍ତୁ କିଛି ସମାଧାନ ହେଇପାରୁନାହିଁ । ଯାହାଫଳରେ ସୌଭାଗ୍ୟ ଯୋଜନା ଏକ ପ୍ରହସନ ପାଲଟିଥିବା ସାଧାରଣରେ ଚର୍ଚ୍ଚା ହେଉଛି ।