କନକ ବ୍ୟୁରୋ: ବ୍ରହ୍ନପୁରର ଡାକ୍ତର ସୁମିତଙ୍କ ଘର ଆଗରେ ସ୍ତ୍ରୀ ତପସ୍ୱିନୀଙ୍କ ଧାରଣାକୁ ମାସେ ପୂରିଛି । ମାମଲାର ସମାଧାନ ହୋଇନପାରିବାରୁ ତପସ୍ୱିନୀଙ୍କ ଓକିଲ ୨୦ ତାରିଖର ରାୟକୁ ଚ୍ୟାଲେଞ୍ଜ କରି ଉପର କୋର୍ଟକୁ ଯାଇଛନ୍ତି । ଅନ୍ୟପଟେ ସୁମିତଙ୍କ ଘରେ ଥିବା ସିସିଟିଭିକୁ ତପସ୍ୱିନୀ ଘୋଡାଇ ରଖିଛନ୍ତି । ଆଉ ଏହାକୁ ନେଇ ଅସୁରକ୍ଷିତ ମନେକରିବା ପରେ ସୁମିତଙ୍କ ବାପା ପ୍ରମୋଦ ସାହୁ ଏକ ଅଡିଓ ବାର୍ତା ଜାରି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବ୍ରହ୍ମପୁରରେ ଡାକ୍ତର ସୁମିତଙ୍କ ଘର ଭିତରକୁ ଗେଟ୍ ଭାଙ୍ଗି ତପସ୍ୱିନୀ ଏବଂ ପ୍ରମିଳାଙ୍କ ସହିତ ଅନ୍ୟାନ୍ୟ ମହିଳା ପ୍ରବେଶ କରିବା ପରେ ସୁମିତଙ୍କ ବାପା ଏପରି ଏକ ଅଡିଓ ବାର୍ତା ଛାଡିଛନ୍ତି । ତାଙ୍କ ଘରର ସିସିଟିଭି ଘୋଡାଇ ବନ୍ଦ ରଖିଛନ୍ତି ତପସ୍ୱିନୀ । ଏହାପରେ ନିଜକୁ ଅସୁରକ୍ଷିତ ମନେ କରି ସୁମିତଙ୍କ ବାପାଙ୍କ ଏହି ଅଡିଓ ବାର୍ତା ବିବାଦକୁ ଆହୁରି ବଢାଇଛି ।
ଅନ୍ୟପଟେ ୨୦ ତାରିଖର ଏସଡିଜିଏମ କୋର୍ଟର ରାୟକୁ ନେଇ ଉପରକୋର୍ଟକୁ ଯାଇଛନ୍ତି ତପସ୍ୱିନୀ । ସେପଟେ ସୁରକ୍ଷା ଦୃଷ୍ଟିରୁ ସୁମିତଙ୍କ ଘର ଆଗରେ ୧୪୪ ଧାରା ଲାଗୁ ହୋଇଛି । ପୁଲିସ ମଧ୍ୟ ତପସ୍ୱିନୀଙ୍କ ଘର ଆଗରେ ପହରା ଦେଇଛି । ଏକାଥରେ ୪ରୁ ଅଧିକ ଲୋକ ଯେମିତି ଏକାଠି ନହେବେ ସେ ନେଇ ପୁଲିସ ନିୟମ ଜାରି କରିଛି । ଏହାରି ଭିତରେ ସମାଜସେବୀ ପ୍ରମିଳା ତ୍ରିପାଠୀ ଓ ତପସ୍ୱିନୀ ପୁଲିସ ଉପରକୁ ଅଙ୍ଗୁଳି ଉଠାଇଛନ୍ତି । ସେମାନଙ୍କୁ ପୁଲିସ ତାଙ୍କୁ ସହଯୋଗ କରୁନାହିଁ ବୋଲି ଅଭିଯୋଗ ଆଣିଛନ୍ତି ।