ଡେଲଟା ବିରୋଧରେ ପ୍ରତିରୋଧକ ଶକ୍ତି ସୃଷ୍ଟି କରିବ ଓମିକ୍ରନ : ବିଶ୍ୱସ୍ୱାସ୍ଥ୍ୟ ସଙ୍ଗଠନର ବୈଜ୍ଞାନିକ ସୌମ୍ୟା ସ୍ୱାମିନାଥନ କହିଲେ, ଟିକା ନେଇଥିଲେ ବଢ଼ିବ ଇମ୍ୟୁନିଟି
ଭବିଷତ୍ୟରେ ହେବ ନାହିଁ ଡେଲଟା ଭୂତାଣୁର ସଂକ୍ରମଣ
କନକ ବ୍ୟୁରୋ : ଡେଲଟା ବିରୋଧରେ ପ୍ରତିରୋଧକ ଶକ୍ତି ସୃଷ୍ଟି କରିବ ଓମିକ୍ରନ୍ । କିନ୍ତୁ କରୋନା ଟିକା ନେଇଥିଲେ ହିଁ ଏହି ପ୍ରତିରୋଧକ ଶକ୍ତି ସୃଷ୍ଟି ହେବ । ଅର୍ଥାତ କରୋନା ଟିକା ନେଇଥିଲେ ଏବଂ ଓମିକ୍ରନ୍ ଭୂତାଣୁ ଦ୍ୱାରା ସଂକ୍ରମିତ ହେଲେ ଏହା ଭବିଷ୍ୟତରେ ଡେଲଟା ଭୂତାଣୁ ବିରୋଧରେ ସୁରକ୍ଷା ପ୍ରଦାନ କରିବ । ଏହି ସୂଚନା ଦେଇଛନ୍ତି ବିଶ୍ୱ ସ୍ୱାସ୍ଥ୍ୟ ସଂଗଠନର ମୁଖ୍ୟ ବୈଜ୍ଞାନିକ ସୌମ୍ୟ ସ୍ୱାମୀନାଥନ୍ । ଏକ ନୂଆ ଅଧ୍ୟୟନରୁ ଏହା ଜଣା ପଡିଥିବା କହିଛନ୍ତି ‘ହୁ’ ବୈଜ୍ଞାନିକ ।
Kanak News is now on WhatsApp
Join and get latest news updates delivered to you via WhatsApp
ଟିକା ନେଇନଥିଲେ ଏବଂ କରୋନା ସଂକ୍ରମିତ ହେଲେ ଏହା କୌଣସି ପ୍ରକାର ଭୂତାଣୁ ବିରୋଧରେ ପ୍ରତିରୋଧକ ଶକ୍ତି ତିଆରି କରିବ ନାହିଁ ବୋଲି ଏହି ଅଧ୍ୟୟନରୁ ଜଣାପଡିଛି । ତେଣୁ କୁହାଯାଇପାରେ ଡେଲଟା ସଂକ୍ରମଣର ବାଟ ଓଗାଳିବ ଓମିକ୍ରନ୍ ଭୂତାଣୁ । ହେଲେ ଏହା ପୂର୍ବରୁ ଲୋକଙ୍କ ସମୁହ ଟିକାକରଣ ଜରୁରୀ । କାରଣ ଟିକା ନେଇନଥିଲେ ଇମ୍ୟୁନିଟି ବୃଦ୍ଧି ହେବନାହିଁ ବୋଲି ଏହି ଅଧ୍ୟୟନରୁ ସ୍ପଷ୍ଟ ହୋଇଛି । ସାରାବିଶ୍ୱରେ ଓମିକ୍ରନ୍ ଭୂତାଣୁର ଲହର ଜାରି ରହିଥିବାବେଳେ ଏହି ଖବର ବଡ ଆଶ୍ୱସ୍ତି ଆଣିଦେଇଛି ।