ବଢୁଥିବା ସଂକ୍ରମଣ ପାଇଁ ବେସାମରିକ ବିମାନ ଚଳାଚଳ ବିଭାଗର ବଡ ନିଷ୍ପତ୍ତି, ଏହି ତାରିଖ ପର୍ଯ୍ୟନ୍ତ ବନ୍ଦ ହେଲା ଅର୍ନ୍ତଜାତୀୟ ଉଡାଣ
କନକ ବ୍ୟୁରୋ : ଦେଶରେ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି କେନ୍ଦ୍ର ସରକାରଙ୍କ ଠାରୁ ରାଜ୍ୟ ସରକାରମାନେ ବିଭିନ୍ନ କଟକଣା ଜାରି କରିବାରେ ଲାଗିଛନ୍ତି । ଏହି କ୍ରମରେ ବେସାମରିକ ବିମାନ ଚଳାଚଳ ବିଭାଗ ବି ଅର୍ନ୍ତରାଷ୍ଟ୍ରୀୟ ବିମାନ ଉଡାଣ ଉପରେ ପୁଣି କଟକଣା ଲଗାଇଛି । ଡିଜିସିଏର ସୂଚନା ମୁତାବକ ଫେବୃଆରୀ ୨୮ ତାରିଖ ପର୍ଯ୍ୟନ୍ତ ଦେଶର ସମସ୍ତ ଅର୍ନ୍ତଜାତୀୟ ବିମାନ ଉଡାଣ ବନ୍ଦ ରହିବ । ହେଲେ ଏହି କଟକଣା କର୍ଗୋ ଓ ଡିଜିସିଏ ଅନୁମତି ପାଇଥିବା ବିମାନ ଉଡାଣ ଉପରେ ଲାଗିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
“The authority has decided to extend the suspension of Scheduled International commercial passenger services to/from India till 2359 hrs IST of 28th February 2022,” reads an official letter of Civil Aviation pic.twitter.com/QctWuxtmvs
— ANI (@ANI) January 19, 2022
ସୂଚନା ଥାଉକି ଏହା ପୂର୍ବରୁ ଡିଜିସିଏ ତରଫରୁ ଜାନୁଆରୀ ୩୧ ତାରିଖ ପର୍ଯ୍ୟନ୍ତ ସମସ୍ତ ଅର୍ନ୍ତରାଷ୍ଟ୍ରୀୟ ବିମାନ ଉଡାଣ ଉପରେ ରୋକ ଲଗାଇଥିଲା । ଭାରତକୁ ଆସୁଥିବା ଓ ଭାରତରୁ ଯାଉଥିବା ସମସ୍ତ ଅର୍ନ୍ତରାଷ୍ଟ୍ରୀୟ ବିମାନ ଉଡାଣ ଉପରେ ପ୍ରଥମେ ୨୦୨୦ ମାର୍ଚ୍ଚ ୨୩ ତାରିଖରୁ ପ୍ରତିବନ୍ଧକ ଲଗାଯାଇଥିଲା । ହେଲେ ଜୁଲାଇ ୨୦୨୦ ରେ ପାଖା ପାଖି ୨୮ ଟି ଦେଶ ସହିତ ହୋଇଥିବା ଏୟାର ବବୁଲ ବୁଝାମଣା ପରେ ବିଶେଷ ଅର୍ନ୍ତରାଷ୍ଟ୍ରୀୟ ଯାତ୍ରୀଙ୍କ ପାଇଁ ଉଡାଣ ଆରମ୍ଭ କରାଯାଇଥିଲା ।