ବିକ୍ରମଦେବ ବିଶ୍ୱବିଦ୍ୟାଳୟର ଅଡିଟୋରିୟମ ପାଇଁ ମଞ୍ଚରୁ ଦାବି କଲେ ତାରା, ମଞ୍ଚରୁ ଓହ୍ଲାଇବା ପୂର୍ବରୁ ଦାବି ପୂରା କଲେ ମୁଖ୍ୟମନ୍ତ୍ରୀ ।
କନକ ବ୍ୟୁରୋ : କୋରାପୁଟ ଗସ୍ତରେ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୧୫୯୬ କୋଟି ଟଙ୍କା ବ୍ୟୟରେ ୧୧୩ଟି ପ୍ରକଳ୍ପର ଉଦଘାଟନ ଓ ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ସେହିଭଳି ୧୨୩୫ ଏସଏଚଜି ଗ୍ରୁପକୁ ୫୦ କୋଟି ଟଙ୍କାର ଋଣ ସହାୟତା ପ୍ରଦାନ କରିଛନ୍ତି । ଏହାବାଦ୍ ବିକ୍ରମ ଦେବ ବିଶ୍ୱବିଦ୍ୟାଳୟ ପାଇଁ ବଡ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ଗତକାଲି ବିକ୍ରମ ଦେବ କଲେଜକୁ ବିଶ୍ୱବିଦ୍ୟାଳୟ ଭାବେ ଘୋଷଣା କରିଥିବା ବେଳେ ଆଜି ମଞ୍ଚ ଉପରୁ ବଡ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ବିକ୍ରମ ଦେବ କଲେଜର ୭୫ ବର୍ଷ ପୂର୍ତ୍ତି ଅବସରରେ ଆୟୋଜିତ କାର୍ଯ୍ୟକ୍ରମରେ ଜୟପୁର ବିଧାୟକ ତାରା ବାହିନୀପତି ବିକ୍ରମ ଦେବ ବିଶ୍ୱବିଦ୍ୟାଳୟ ପାଇଁ ଏକ ଅଡିଟୋରିୟମର ଆବଶ୍ୟକତା ରହିଛି ବୋଲି ଦାବି ରଖିଥିଲେ । ଆଉ ଏହାର କିଛି ସମୟ ମଧ୍ୟରେ ହିଁ ଅଡିଟୋରିୟମ ନିର୍ମାଣ ପାଇଁ ସବୁଜ ସଂକେତ ଦେଇଥିଲେ ମୁଖ୍ୟମନ୍ତ୍ରୀ । ତାରାଙ୍କ ଦାବିର କିଛି ସମୟ ମଧ୍ୟରେ ୧୦୦୦ ଆସନ ଅଡିଟୋରିୟମ ଭେଟି ଦେଇଥିଲେ ନବୀନ । ଯେଉଁ ଅଡିଟୋରିୟମର ନିର୍ମାଣ ବାବଦକୁ ୮ କୋଟି ଟଙ୍କା ଖର୍ଚ୍ଚ ହେବ । ନବୀନଙ୍କ ଏହି ନିଷ୍ପତ୍ତିରେ ବିଶ୍ୱବିଦ୍ୟାଳୟର ଛାତ୍ରଛାତ୍ରୀ ଖୁସିବ୍ୟକ୍ତ କରିଛନ୍ତି ।