ଅହଙ୍କାର ଭାଙ୍ଗିବାକୁ ହୁଙ୍କାର ! ଡିସେମ୍ବରରେ ରାଜଧାନୀରେ ଅଫିସର ନେତାଙ୍କ ଘର ଘେରିବେ ଲକ୍ଷେ ଚାଷୀ
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ପୁଣି ତେଜିଲା ପ୍ରାଇସ୍, ପ୍ରେଷ୍ଟିଜ୍, ପେନସନ୍ ଲାଗି ଦାବି । ଡିସେମ୍ବର ୧୪ ତାରିଖରେ ଭୁବନେଶ୍ୱର ଘେରିବ ନବ ନିର୍ମାଣ କୃଷକ ସଂଗଠନ । ଏକ ଲକ୍ଷ ଚାଷୀ ‘କର ବା ମର’ ଆନ୍ଦୋଳନ ଡାକରା ଦେଇ ଭୁବନେଶ୍ୱରରେ ସମସ୍ତ ଅଫିସର ଓ ନେତାଙ୍କ ବାସଗୃହ ଘେରାଉ କରିବ । ଏନେଇ ସୂଚନା ଦେଇଛନ୍ତି ସଂଗଠନର ରାଜ୍ୟ ସଂଯୋଜକ ଅକ୍ଷୟ କୁମାର ।
Kanak News is now on WhatsApp
Join and get latest news updates delivered to you via WhatsApp
ଆଗାମୀ ବଜେଟରେ ରାଜ୍ୟର ୩୬ଲକ୍ଷ ଚାଷୀ ପରିବାର ଲାଗି ୨୧ହଜାର ୬ସହ କୋଟି ବ୍ୟୟବରାଦ କରିବାକୁ ଦାବି କରିଛି ସଂଗଠନ । ଆଜି ଅନୁଷ୍ଠିତ ରାଜ୍ୟ କାର୍ଯ୍ୟକାରିଣୀ ବୈଠକରେ ସମଗ୍ର ରାଜ୍ୟର ୩୦ଟି ଜିଲ୍ଲାରୁ କୃଷକ ପ୍ରତିନିଧିମାନେ ଭାଗ ନେବାସହ ଏହି ନିଷ୍ପତି ନିଆଯାଇଛି । ଏହି ଅବସରରେ ସଂଗଠନର ଉପଦେଷ୍ଟା ସୌମ୍ୟରଞ୍ଜନ ପଟ୍ଟନାୟକ ବିଗତଦିନର କାର୍ଯ୍ୟକ୍ରମକୁ ପ୍ରଂଶସା କରିବାସହ ଆଗାମୀ ଆନ୍ଦୋଳନକୁ ପ୍ରଭାବଶାଳୀ ଢଙ୍ଗରେ କରିବାଲାଗି କୃଷକ ନେତାମାନଙ୍କୁ ଆହ୍ୱାନ ଦେଇଥିଲେ ।