କନକ ବ୍ୟୁରୋ : ମନ୍ତ୍ରୀ ନବ ଦାସଙ୍କୁ ହତ୍ୟା ଘଟଣା । ପାଇଖାନା ଟାଙ୍କିରେ ଲୁଚିଛି ପ୍ରମାଣ । ଅଭିଯୁକ୍ତ ଗୋପାଳ ଦାସଙ୍କୁ କ୍ରାଇମବ୍ରାଞ୍ଚ ରିମାଣ୍ଡରେ ନେଇଛି । ଏହି ସମୟରେ ଅଭିଯୁକ୍ତ ଗୋପାଳ ଦାସ ପାଇଖାନା ଟାଙ୍କିରେ କିଛି କାଗଜ ଫିଙ୍ଗି ଥିବା ସୂଚନା ରହିଛି । ତେଣୁ ରାତି ଅଧିଆ କ୍ରାଇମବ୍ରାଞ୍ଚ ଟିମ୍ ସ୍ଥାନୀୟ ପୋଲିସ ସହାୟତାରେ ଝାରସୁଗୁଡା ବିମାନବନ୍ଦର ଥାନାର ଲାଟିନ ଟାଙ୍କି ଖୋଳିଛି । ମିଳିଥିବା ସୂଚନା ଅନୁସାରେ ଗୁଳିକାଣ୍ଡ ଘଟଣା ପରେ ପୋଲିସ ଅଭିଯୁକ୍ତକୁ ବିମାନବନ୍ଦର ଥାନାକୁ ଆଣିିିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହି ଠାରେ ଅଧିକ ସମୟ ରହିବା ଭିତରେ ଅଭିଯୁକ୍ତ ପାଖରେ ଥିବା କିଛି କାଗଜକୁ ଥାନା ଭିତରେ ଥିବା ପାଇଖାନାରେ ପକାଇ ଫ୍ଲସ ମାରିଦେଇଥିଲେ । ତେଣୁ ସେହି କାଗଜଟି ପାଇଖାନା ଟାଙ୍କିରେ ରହିଥିବାରୁ ତଦନ୍ତକାରୀ ଟିମ୍ ଲାଟିନ ଟାଙ୍କି ଖୋଳିଛି । ଆଉ ସେହି କାଗଜକୁ ପାଇଥିବା ସୂଚନା ରହିଛି । ଏବେ ସେହି କାଗଜପତ୍ରକୁ ଫୋରେନସିକ୍ ଲାବକୁ ପଠାଯିବ ବୋଲି ସୂଚନା ରହିଛି । ଅନ୍ୟପଟେ ତଦନ୍ତକାରୀ ଦଳ ଅଭିଯୁକ୍ତ ଗୋପାଳ ଦାସଙ୍କୁ ନେଇ କରିପାରେ ସିନ୍ ରିକ୍ରିଏସନ୍ ।
ପାଇଖାନା ଟାଙ୍କିରେ ପ୍ରମାଣ
ସତ ଉପରେ ସନ୍ଦେହ !
ସନ୍ଦେହ ନମ୍ବର ୧ : ମନ୍ତ୍ରୀଙ୍କୁ ହତ୍ୟା ପରେ ଗୋପାଳ ଦାସଙ୍କୁ ତନ୍ନତନ୍ନ କରି ଯାଞ୍ଚ କରିନଥିଲା କି ପୁଲିସ
ସନ୍ଦେହ ନମ୍ବର ୨ : ଝାରସୁଗୁଡା ବିମାନ ବନ୍ଦର ଥାନାରେ ପକେଟରେ କାଗଜ ରଖି ବାଥରୁମ ଯାଇଥିଲେ ଗୋପାଳ
ସନ୍ଦେହ ନମ୍ବର ୩ : ପ୍ରମାଣ ଲୁଚାଇବା ବା ନଷ୍ଟ ପାଇଁ ମଣିଷ ସାଧାରଣତଃ କାଗଜକୁ ଟିକି ଟିକି କରି ଚିରି ଫୋପାଡିଥାଏ । କିନ୍ତୁ ଗୋପାଳ କାଗଜକୁ ନଚିରି ଲାଟ୍ରିନରେ ପକାଇଥିଲେ ।
ସନ୍ଦେହ ନମ୍ବର ୪ : କାଗଜ ୫ରୁ ୧୦ ମିନିଟ୍ ଭିତରେ ପାଣିରେ ନଷ୍ଟ ହୋଇଯାଏ, ଲେଖା ଲିଭିଯାଏ, କିନ୍ତୁ ଏଠି ଟାଙ୍କି ଭିତରେ ୪ ଦିନ ପର୍ଯ୍ୟନ୍ତ ଅକ୍ଷତ ଅବସ୍ଥାରେ ରହିଛି କାଗଜ
ସନ୍ଦେହ ନମ୍ବର ୫ : ଅବ୍ୟବହୃତ ଲାଟ୍ରିନ୍ ହୋଇଥିଲେ ଭିନ୍ନ କଥା, ବିମାନବନ୍ଦରର ଏ ପାଇଖାନାକୁ କିନ୍ତୁ ପ୍ରତିଦିନ ଶହ ଶହ ଲୋକ ବ୍ୟବହାର କରୁଛନ୍ତି ଓ ଫ୍ଲସ ବି ମାରୁଛନ୍ତି
ସନ୍ଦେହ ନମ୍ବର ୬ : ୪ ଦିନ ପରେ ପାଇଖାନା ଟାଙ୍କିର ପାଣି ଛାଣି ତଥ୍ୟ ପ୍ରମାଣ ରୂୂପକ ପ୍ରମାଣକୁ ପାଇଗଲା କ୍ରାଇମବ୍ରାଂଚ, ଲେଖା ବି ଲିଭିନି ଓ ଏହାର ଯାଂଚ ପାଇଁ ଫରେନସିକ୍ ଲ୍ୟାବକୁ ପଠାଯାଇଛି ।
ସନ୍ଦେହ ନମ୍ବର ୭ : ଛୋଟମୋଟ ଅପରାଧିଙ୍କୁ ଧରିବା ପରେ ପୁଲିସ ସାମ୍ବାଦିକ ସମ୍ମିଳନୀ କରି ଅପରାଧ ସମ୍ପର୍କରେ ସୂଚନା ଦେଇଥାଏ, ସର୍ବସମ୍ମୁଖରେ ସ୍ପଷ୍ଟ ଦିବାଲୋକରେ ଜଣେ କ୍ୟାବିନେଟ୍ ମନ୍ତ୍ରୀଙ୍କୁ ହତ୍ୟା କରିଥିବା ଗୋପାଳ ଦାସ କଣ ସତ ମାନିଛନ୍ତି କାହିଁକି କହୁନି କ୍ରାଇମବ୍ରାଞ୍ଚ ।