ବିଜେପିରେ ସାମିଲ ହେଲେ ମଣିପୁର କଂଗ୍ରେସର ପୂର୍ବତନ ଅଧ୍ୟକ୍ଷ ଗୋବିନ୍ଦଦାସ କନ୍ଥୋଜମ, ବିଷ୍ରୁପୁର ଆସନରୁ ୬ ଥର ହୋଇଥିଲେ ବିଧାୟକ
କନକ ବ୍ୟୁରୋ : ଉତ୍ତରପ୍ରଦେଶ, ପଞ୍ଜାବ, ଉତ୍ତରାଖଣ୍ଡ ଓ ଅନ୍ୟ କିଛି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ବିଜେପି ଦଳର ଦୁର୍ଗ ମଜବୁତ କରିବାରେ ଲାଗିଛି । ଗତ କିଛିମାସ ମଧ୍ୟରେ ଅନ୍ୟଦଳରୁ କିଛି ବରିଷ୍ଠ ନେତା ବିଜେପିରେ ସାମିଲ ହେଉଥିବା ଦେଖିବାକୁ ମିଳିଛି । ଏହି କ୍ରମରେ ଆଜି ମଣିପୁର କଂଗ୍ରେସର ପୂର୍ବତନ ଅଧ୍ୟକ୍ଷ ଗୋବିନ୍ଦଦାସ କନ୍ଥୋଜମ ବିଜେପିରେ ସାମିଲ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଗତବର୍ଷ ଡିସେମ୍ବର ମାସରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଗୋବିନ୍ଦଦାସଙ୍କୁ ମଣିପୁର ବିଜେପିର ଅଧ୍ୟକ୍ଷ ଭାବେ ନିଯୁକ୍ତ କରିଥିଲେ । ଆସନ୍ତାବର୍ଷ ମଣିପୁରରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଥିବା ବେଳେ ଗୋବିନ୍ଦଦାସଙ୍କ ଦଳ ଛାଡିବା କଂଗ୍ରେସ ପାଇଁ ମହଙ୍ଗା ପଡିପାରେ ।
ଆଜି ଗୋବିନ୍ଦ ଦାସ ଦିଲ୍ଲୀ ବିଜେପି ମୁଖ୍ୟାଳୟରେ ଦଳର ବହୁ ବରିଷ୍ଠ ନେତାଙ୍କ ଉପସ୍ଥିିତିରେ ବିଜେପିରେ ଯୋଗ ଦେଇଛନ୍ତି । ଏହି କାର୍ଯ୍ୟକ୍ରମରେ ମଣିପୁର ମୁଖ୍ୟମନ୍ତ୍ରୀ ଏନ୍ ବିରେନସିଂ ତାଙ୍କୁ ଅଧିକାରୀକ ସ୍ତରରେ ବିଜେପିରେ ସାମିଲ କରାଇଛନ୍ତି । ଅନ୍ୟପଟେ ଶୁକ୍ରବାର ଦିନ ଆସାମର କଂଗ୍ରେସ ବିଧାୟକ ସୁଶାନ୍ତ ବେରଗେହେନ କଂଗ୍ରେସର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି । ସେ ବି ବିଜେପିରେ ଯୋଗ ଦେବା ନେଇ ଚର୍ଚ୍ଚା ଜୋର ଧରିଛି ।
ଗୋଟେପଟେ ଦେଶରେ ବିଜେପି ବିରୋଧରେ ବିଭିନ୍ନ ରାଜନୈତିକ ଦଳମାନେ ଏକାଠି ହେଉଥିବା ଖବର ଆସୁଛି ତ ଅନ୍ୟପଟେ ବିରୋଧୀ ମେଣ୍ଟ ମଙ୍ଗ ଧରିବାକୁ କଂଗ୍ରେସ ଆଗକୁ ଆସୁଥିବା ବେଳେ ନିଜ ଦଳର ଏଭଳି ସ୍ଥିତି ପାଇଁ ଚିନ୍ତାରେ ପଡିଛନ୍ତି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ