କନ୍ଧମାଳରେ ଲଜ୍ଜା : କଙ୍ଗାରୁକୋର୍ଟ କରି ଯୁବକ ଯୁବତୀଙ୍କୁ ନିର୍ଯାତନା ଦେଲେ ଗାଁର ଲୋକେ, ଭିଡ଼ିଓ ଭାଇରାଲ
କନକ ବୁରୋ : କନ୍ଧମାଳରେ ଲଜ୍ଜା । କଙ୍ଗାରୁକୋର୍ଟ କରି ଯୁବକ ଯୁବତୀଙ୍କୁ ନିର୍ଯାତନା ଦେଇଛନ୍ତି ଗାଁର ଲୋକେ । ଯାହାର ଭିଡ଼ିଓ ଏବେ ଭାଇରାଲ ହେବାରେ ଲାଗିଛି । ଏହି ଘଟଣା ସମ୍ପୂର୍ଣ୍ଣର୍ ଜିଲ୍ଲା ପାଇଁ ଲଜ୍ଜା ଆଣିଛି । ଘରୁ ନିଖୋଜ ଥିବା ଜଣେ ଯୁବକଙ୍କୁ ପରିବାର ଲୋକେ ଖୋଜୁଥିବା ବେଳେ ଭାଇରାଲ ଭିଡିଓରେ ଦେଖିଥିଲେ । କଙ୍ଗାରୁକୋର୍ଟରେ ଯୁବକ ଯୁବତୀଙ୍କୁ ବାଉଁଶରେ ବାନ୍ଧି ଅର୍ଦ୍ଧ ଉଲଗ୍ନ କରି ଗାଁ ଦାଣ୍ଡରେ ବୁଲାଯାଇଛି । ଆଉ ସେମାନଙ୍କୁ ଘେରି ରହିଛନ୍ତି ଗାଁର ଲୋକେ ।
Kanak News is now on WhatsApp
Join and get latest news updates delivered to you via WhatsApp
ଯୁବକ ଜଣକ ଘୁ.ଉଦୟଗିରି ଥାନା ଗୁନ୍ଦାବାଜୁ ଗାଁର । ରଙ୍ଗକାମ ପାଇଁ ବାହାରକୁ ଯାଇଥିବା ବେଳେ ଆଉ ଘରକୁ ଫେରିନଥିଲେ । ଘଟଣା ନେଇ ପୁଲିସ ଯୁବକଙ୍କ ନିଖୋଜ ମାମଲା ରୁଜୁ କରିଥିଲେ । ହେଲେ ଏପଟେ ଭାଇରାଲ ଭିଡିଓରେ ପୁଅର ଏହି ଭଳି ଅବସ୍ଥା ଦେଖି ଘୁ,ଉଦୟଗିରି ଥାନାରେ ଏତଲା ଦେଇଛନ୍ତି ଯୁବକଙ୍କ ପରିବାର ଲୋକେ । ଏହି ଦୃଶ୍ୟ କନ୍ଧମାଳ ଅଞ୍ଚଳରେ ହୋଇଥିବା ବେଳେ କେଉଁ ଗାଁରେ ଘଟିଛି ତାହା ଏପର୍ଯ୍ୟନ୍ତ ସ୍ପଷ୍ଟ ଜଣାପଡିନି । ଯବୁକଙ୍କ ସୁରକ୍ଷା ନେଇ ଖୁବଶୀଘ୍ର ତଦନ୍ତ କରାଯାଇ ତାଙ୍କୁ ଉଦ୍ଧାର କରିବାକୁ ଅନୁରୋଧ କରିଛନ୍ତି ଯୁବକଙ୍କ ପରିବାର ।