କନକ ବ୍ୟୁରୋ : ଏମିତି ପୁଅ କାହାରି ଭାଗ୍ୟରେ ଜନ୍ମ ନନିଅନ୍ତୁ । ନିଜ ଶୁଖ ଶାନ୍ତିର ପରିବାରକୁ ଛାରଖାର କରିଦେଲା ନିଶାଡି ପୁଅ । ନିଜ ବାପା, ମାଆ, ଜେଜେ ମାଆ ଏବଂ ସାନ ଭଉଣୀକୁ ଏକା ସାଙ୍ଗରେ ହତ୍ୟା କଲା ଜଣେ ଯୁବକ । ଏଭଳି ଏକ ଛାତିଥରା ଘଟଣା ସାମ୍ନାକୁ ଆସିଛି ଦିଲ୍ଲୀରୁ ।
Kanak News is now on WhatsApp
Join and get latest news updates delivered to you via WhatsApp
କିଛି ମାସ ପୂର୍ବରୁ ରିହାବ୍ ସେଣ୍ଟରରୁ ଘରକୁ ଫେରିଥିବା ୨୫ ବର୍ଷିୟ ଯୁବକ କେଶବ ନିଜ ପରିବାରର ୪ଜଣଙ୍କୁ ଏକା ସାଙ୍ଗରେ ହତ୍ୟା କରିଛି । କେଶବ ପ୍ରଥମେ ଜେଜେ ମାଆଙ୍କୁ ହତ୍ୟା କରିଥିଲା । ଜେଜେ ମାଆଙ୍କୁ ଡ୍ରଗ୍ସ ଖାଇବା ପାଇଁ ଟଙ୍କା ମାଗିଥିଲା । କିନ୍ତୁ ଜେଜେ ମାଆ ଟଙ୍କା ଦେଇନଥିଲେ । ଏଥିରେ ଉତକ୍ଷୀପ୍ତ ହୋଇ ଜେଜେ ମାଆଙ୍କୁ ହତ୍ୟା କରିଥିଲେ କେଶବ ।
ପ୍ରଥମିକ ତଦନ୍ତ ରିପୋର୍ଟ ଅନୁସାରେ, ଗତ କିଛିଦିନ ତଳେ କେଶବ ପରିବାର ଲୋକଙ୍କ ସହ ଝଗଡା କରିଥିଲେ । କାହିଁକିନା ଘର ଲୋକ ତାଙ୍କୁ ଚାକିରି କରିବା ପାଇଁ କହୁଥିଲେ । ନିଶା ଛାଡିବା ପାଇଁ ବାଧୟ କରୁଥିଲେ । ଯାହାକୁ ନେଇ କେଶବ ଘରେ ଝଗଡା କରିଥିଲେ । ଗତ ମଙ୍ଗଳବାର ଦିନ ମଧ୍ୟ କେଶବ ତାଙ୍କ ମାଆଙ୍କୁ ଟଙ୍କା ମାଗିଥିଲେ କିନ୍ତୁ ମାଆ ଟଙ୍କା ନଦେବାରୁ କେଶବ ରାଗିକି ଘରୁ ବାହାରିଯାଇଥିଲେ । ଏହାପରେ ବାପା, ମାଆ ଏବଂ ଭଉଣୀ ତାଙ୍କ ଚାକିରିକୁ ଚାଲିଯାଇଥିଲେ । ଘରେ କେବଳ ଜେଜେ ମାଆ ରହିଥିଲେ । ସମୟ ପାଖାପାଖି ସଂଧ୍ୟା ୫.୩୦ ହେବ କେଶବ ଘରକୁ ଫେରିଥିଲେ । ଆଉ ଜେଜେ ମାଆଙ୍କୁ ଟଙ୍କା ମାଗିଥିଲେ । ଜେଜେ ମାଆ ଟଙ୍କା ନଦେବାକୁ ଜେଜେ ମାଆଙ୍କୁ ଅତି ନିର୍ମମ ଭାବରେ ହତ୍ୟା କରିଦେଲେ । ଏହାପରେ କେଶବଙ୍କ ବାପା ଦିନେଶ ପାଖାପାଖି ୭.୩୦ରେ ଘରକୁ ଫେରିଥିଲେ । ଘରକୁ ଆସି ତାଙ୍କ ମାଆଙ୍କୁ ଖୋଜିଥିଲେ । ଆଉ ଏହାର ସୁଯୋଗ ନେଇ କେଶବ ତାଙ୍କ ବାପାଙ୍କୁ ଛୁରି ଭୁସି ହତ୍ୟା କରିଦେଲେ । ମୃତ ଶରୀରକୁ ବାଥରୁମରେ ଅତି ଚାଲାକର ସହ ଲୁଚାଇଦେଲେ । ଏତିକିରେ ରାକ୍ଷସ ପୁଅର ମନ ଶାନ୍ତି ହୋଇନଥିଲା । ରାତି ୯ଟାରେ ମାଆ ଘରକୁ ଫେରିଥିଲେ । ସୁଯୋଗ ଦେଖି ମାଆଙ୍କୁ ବି ହତ୍ୟା କରିଥିଲା କେଶବ । ଏହା ପରେ ସାନ ଭଉଣୀଙ୍କୁ ବି ହତ୍ୟା କରିଥିଲା । ମାତ୍ର ୪ଘଣ୍ଟା ମଦ୍ୟରେ ୪ଜଣଙ୍କ ଜୀବନ ନେଇଗଲା କେଶବ ।
ତେବେ ଏନେଇ ତାଙ୍କ ସମ୍ପର୍କିୟ କହିଛନ୍ତି, ୧୦ ବର୍ଷ ବୟସରୁ କେଶବ ନିଶାଶକ୍ତ ହୋଇଯାଇଥିଲେ । ସେ କେବେ କେବେ ଘରୁ କେଉଁଆଡେ ଚାଲିଯାଉଥିଲେ । ପୁଣି କିଛି ଦିନ ପରେ ଘରକୁ ପେରୁଥିଲେ । ଗତ ନବେମ୍ବର ୩ତାରିଖରେ କେଶବ ହଠାତ୍ ଘରୁ କେଉଁଆଡେ ଚାଲିଗଲେ ଏବଂ ୧୯ତାରିଖରେ ଘରକୁ ଫେରିଆସିଲେ । ଆଉ ଏବେ ଏଭଳି ନାରକୀୟ କାଣ୍ଡ ଘଟାଇଛନ୍ତି ।
ପୁଲିସର କହିବା ଅନୁସାରେ, କେଶବ ଯେତେବେଳେ ହତ୍ୟା କଲା, ସେତେବେଳେ ନିଶାରେ ନଥିଲା । ପୁରା ହୋସରେ ରହି ଏହି ହତ୍ୟାକାଣ୍ଡ ଘଟାଇଛି କେଶବ । ନିଶା ଖାଇବା ପାଇଁ ପାଖରେ ପଇସା ନଥିଲା । ତେଣୁ କେଶବ ବାରମ୍ବାର ଆସି ଘରେ ଟଙ୍କା ମାଗୁଥିଲେ । ଘରଲୋକ ଟଙ୍କା ନଦେବାରୁ ରାଗରେ କେଶବ ଏହି ହତ୍ୟାକାଣ୍ଡ ଘଟାଇଥିବା ପୋଲିସ ସୂତ୍ରରୁ ଜଣାପଡିଛି ।