କନକ ବ୍ୟୁରୋ: ପୁଣି ସାମ୍ନାକୁ ଆସିଲା ହନିଟ୍ରାପ ମାମଲା । ୨୫ ବର୍ଷର ଭାରତୀୟ ଯବାନଙ୍କୁ ନିଜ ମିଛ ପ୍ରେମ ଫାଶରେ ପକାଇ ଭାରତୀୟ ସେନାର ଗୁରୁତ୍ୱପୂର୍ଣ୍ଣ ତଥ୍ୟ ଓ ଭିଡିଓ ସଂଗ୍ରହ କରୁଥିଲେ ଏହି ଦୁଇ ପାକିସ୍ତାନୀ ଯୁବତୀ । ଏମାନେ ନିଜକୁ ଉତ୍ତରପ୍ରଦେଶର ବାସିନ୍ଦା ବୋଲି ଦେଇଥିଲେ ପରିଚୟ । କେବଳ ସେତିକି ନୁହେଁ ଦୁଇଜଣ ସେନାରେ କାମ କରୁଥିବା ମଧ୍ୟ ଭାରତୀୟ ଯବାନଙ୍କ ନିକଟରେ ବିଶ୍ୱାସ ସୃଷ୍ଟି କରୁଥିଲେ । ଏଥିସହ ସେନା ପୋଷାକ ପିନ୍ଧି ଫଟୋ ଓ ଭିଡିଓ ପୋଷ୍ଟ ବି କରୁଥିଲେ । ସେପଟେ ସୁନ୍ଦରୀଙ୍କ ପ୍ରେମରେ ପାଗଲ ହୋଇ ଯବାନ ମଧ୍ୟ ସେମାନଙ୍କୁ ବିଶ୍ୱାସ କରିଥିଲେ ଓ ସେନାର ବହୁ ତଥ୍ୟ ସେମାନଙ୍କୁ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ହନିଟ୍ରାପରେ ଫସି ସେନାର ବହୁ ଗୁରୁତ୍ୱପୂର୍ଣ୍ଣ ଗୋପନୀୟ ତଥ୍ୟ ଲିକ କରିଥିବା ଜଣାପଡିବା ପରେ ଗିରଫ ହୋଇଛନ୍ତି ଯବାନ ଶାନ୍ତିମୟ ରାଣା । କିଛି ଦିନ ପୂର୍ବରୁ ସୋସିଆଲ ମିଡିଆ ଦୁଇଜଣ ପାକିସ୍ତାନୀ ଝିଅ ଯବାନଙ୍କ ସହ ପ୍ରଥମେ ବନ୍ଧୁତା ଓ ପ୍ରେମରେ ଫଶିଥିଲେ ଯବାନ ଶାନ୍ତିମୟ ରାଣା ।
ଅଫିସିଆଲ ସିକ୍ରେଟ ଆକ୍ଟ ୧୯୨୩ ଅନୁଯାୟୀ ତାଙ୍କ ନାଁରେ ମାମଲା ରୁଜୁ ହେବା ପରେ ଗିରଫ କରାଯାଇଛି । ପଶ୍ଚିମବଙ୍ଗ ବାଗୁଣ୍ଡା ଜିଲ୍ଲା କାଞ୍ଜନପୁର ଗାଁରେ ଶାନ୍ତିମୟରରେ ଘର ଓ ଜୟପୁରରେ ଆରେଜେର ୟୁନିଟରେ ମୃତୟନ ଥିଲେ । ରାଜସ୍ଥାନ ପୁଲିସର ଗୁଇନ୍ଦା ବିଭାଗ ଡିଜି ଜେନେରାଲ ଉମେଶ ମିଶ୍ର କହିଛନ୍ତି ଯେ ପାକିସ୍ତାନ ଏଜେଣ୍ଟ ଗୁରୁନୁର କୌର ଓରଫ ଅଙ୍କିତା ନିଶାସକ୍ତ ଯବାନ ରାଣାଙ୍କ ସହ ସର୍ମ୍ପକ ଆରମ୍ଭ କରିଥିଲେ । ସୋସିଆଲ ମିଡିଆରେ ଏମାନଙ୍କ ସର୍ମ୍ପକ ଆରମ୍ଭ ହୋଇଥିଲା । ପରେ ୨ଜଣ ମହିଳା ରାଣାଙ୍କ ନମ୍ବର ନେଇଥିଲେ । ଉଭୟ ଯୁବତୀ ହ୍ୱାଟସଅପରେ ରାଣାଙ୍କ ସହ ଚାର୍ଟିଂ, ଅଡିଓ ଓ ଭିଡିଓ କଲ କରିଥିଲେ । କଥା ଆରମ୍ଭ ପରେ ବେଶ ଚାଲାକିର ସହ ସେନାର ତଥ୍ୟ ମାଗିଥିଲେ ଯୁବତୀ ଓ ଏହା ବଦଳରେ ରାଣାଙ୍କ ଆକାଉଁଟକୁ କିଛି ଟଙ୍କା ମଧ୍ୟ ପଠାଇଥିଲେ ।
ପାକିସ୍ତାନରେ ବସି ଭାରତୀୟ ଯବାନଙ୍କୁ ଫଶାଇ ସେନାର ତଥ୍ୟ ସଂଗ୍ରହ କରୁଥିବା ଏହି ଦୁଇ ଯୁବତୀ ନିଜକୁ ଉତ୍ତରପ୍ରଦେଶର ବାସିନ୍ଦା ବୋଲି ପରିଚୟ ଦେଇଥିଲେ । ଜଣେ ନିଜକୁ ମିଲିଟାରୀ ଇଞ୍ଜିନିୟର ଭାବେ କାମ କରୁଥିବା କହିଥିଲେ ଓ ଅନ୍ୟ ଜଣେ ନିଜକୁ ନିଶା ବୋଲି ପରିଚୟ ଦେଇ ମିଲିଟାରୀ ନର୍ସିଂରେର ନର୍ସ ଭାବେ ପରିଚୟ ଦେଇଥିଲେ । ସନ୍ଦେହ ଘେରରେ ଯବାନ ଆସିବା ପରେ ରାଜସ୍ଥାନ ମିଲିଟାରୀ ପକ୍ଷରୁ ତଦନ୍ତ ଆରମ୍ଭ ହୋଇଥିଲା । ଯବାନଙ୍କୁ ଜେରା ସମୟରେ ଏଭଳି ଅନେକ ତଥ୍ୟର ଖୁଲ୍ଲାସା ହୋଇଛି । ଜୁଲାଇ ୨୫ରେ ଯବାନ ଶାନ୍ତିମୟ ରାଣାକୁ ଗିରଫ କରାଯାଇଛି ।