ସ୍ୱଦେଶୀ ଖେଳନା ମେଳାକୁ ଉଦଘାଟନ କଲେ ପ୍ରଧାନମନ୍ତ୍ରୀ । କହିଲେ ସ୍ୱଦେଶୀ ଖେଳନା ନିର୍ମାଣରେ ଭାରତ ହେବ ଅତ୍ମନିର୍ଭର । ହଜାର ହଜାର ବେକାରୀଙ୍କୁ ଯୋଗାଇବ ରୋଜଗାର ।
କନକ ବ୍ୟୁରୋ : ଆତ୍ମନିର୍ଭର ଭାରତ ପାଇଁ ସ୍ୱଦେଶୀ ଖେଳନା ନିର୍ମାଣ ଏକ ବଡ ଭୂମିକା ନିଭାଇବାକୁ ଯାଉଛି । ଏହାଦ୍ୱାରା ଦେଶର ହଜାର ହଜାର ବେକାରୀ ରୋଜଗାର ପାଇପାରିବେ । ଖେଳନା ମେଳା-୨୦୨୧ କୁ ଭିଡିଓ କନଫରେନ୍ସିଂ ମାଧ୍ୟମରେ ଉଦଘାଟନ କରି ଏଭଳି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେ କହିଛନ୍ତି କି ସ୍ୱଦେଶୀ ଖେଳନାର ଚାହିଦା ବୃଦ୍ଧି ପାଇଁ ସରକାର ପ୍ରୟାସ ଆରମ୍ଭ କରିଛନ୍ତି । ଦେଶରେ ଖେଳନା ଉଦ୍ୟୋଗକୁ ନୂଆ ବିକାଶ ନୀତି ଦେବା ପାଇଁ ସରକାରଙ୍କ ତରଫରୁ ଉଦ୍ୟମ ଜାରି ରହିଛି । ତେଣୁ ଦେଶର ଯୁବବର୍ଗ ସ୍ୱଦେଶୀ ଖେଳନା ନିର୍ମାଣ କ୍ଷେତ୍ରରେ ନିଜର କ୍ୟାରିୟର ଆରମ୍ଭ କଲେ ନିଶ୍ଚିନ୍ତ ଲାଭବାନ ହେବେ ବୋଲି ପ୍ରଧାନମନ୍ତ୍ରୀ କହିବା ସହ ଖେଳନା ନିର୍ମାଣ ବେଳେ ଯଥାସମ୍ଭବ କମ୍ ପ୍ଲାଷ୍ଟିକ୍ ବ୍ୟବହାର କରିବାକୁ ସେ ଉପଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ବାହାର ଦେଶରୁ ଖେଳନା ଆମଦାନୀ ଦେଶର ଖେଳନା ଉଦ୍ୟୋଗ ଉପରେ ନକରାତ୍ମକ ପ୍ରଭାବ ପକାଇବା ସହ ସ୍ୱଦେଶୀ ଖେଳନାର ଚାହିଦା ଉପରେ ଏହା ପ୍ରଭାବ ପକାଉଛି । ସୂଚନାଯୋଗ୍ୟ, ଫେବୃଆରୀ ୨୭ ତାରିଖରୁ ମାର୍ଚ୍ଚ ୨ ପର୍ଯ୍ୟନ୍ତ ଏହି ସ୍ୱଦେଶୀ ଖେଳନା ମେଳା ଅନୁଷ୍ଠିତ ହେବ । ଏହି ମେଳାରେ ହଜାରରୁ ଅଧିକ ଖେଳନା ନିର୍ମାତା କମ୍ପାନୀ ମାନେ ଯୋଗ ଦେଇଛନ୍ତି । ଏହି ମେଳାକୁ ଆସୁଥିବା ଗ୍ରାହକ ମାନଙ୍କ ସହିତ କମ୍ପାନୀର ଅଧିକାରୀ ମାନେ ସିଧାସଳଖ ଆଲୋଚନା କରି ସେମାନଙ୍କର ଆବଶ୍ୟକତା ବୂୁଝିବେ ।
କହିରଖୁ କି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆତ୍ମନିର୍ଭର ଭାରତ ଯୋଜନାକୁ ଗୁରୁତ୍ୱ ଦେଇଛନ୍ତି । ଏହି କ୍ରମରେ ବାହାର ଦେଶରୁ ଆସୁଥିବା ବିଭିନ୍ନ ସାମଗ୍ରୀ କିଭଳି ଦେଶ ଭିତରେ ନିର୍ମାଣ କରାଯାଇ ପାରିବ ଓ ଏହାକୁ ନେଇ ଦେଶର ଯୁବକ କଭଳି ରୋଜଗାର ପାଇ ପାରିବ ତାହା ଉପରେ ଫୋକସ କରିବାକୁ ବିଭିନ୍ନ ବିଭାଗର ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି ।