ବରିଷ୍ଠ କଂଗ୍ରେସ ନେତା ଗୁଲାମ ନବୀ ଆଜାଦଙ୍କ ବିଜେପିରେ ଯୋଗଦେବା ନେଇ ଉଠୁଥିବା ଗୁଜବର ଜବାବ ଦେଲେ ଆଜାଦ୍ । କହିଲେ ଯେବେ କାଶ୍ମୀରରେ କଳାବରଫ ପଡିବ ତେବେ ମୁଁ ବିଜେପିରେ ଯୋଗ ଦେବି
କନକ ବ୍ୟୁରୋ : ରାଜ୍ୟସଭା ସଂସଦରେ କଂଗ୍ରେସର ବରିଷ୍ଠ ନେତା ଗୋଲାବ ନବୀ ଆଜାଦଙ୍କ କାର୍ଯ୍ୟକାଳ ସରିବା ଦିନ ପ୍ରଧାନମନ୍ତ୍ରୀ ମୋଦି ଭାବପ୍ରବଣ ହୋଇ କାନ୍ଦି ପକାଇଥିଲେ । ତାଙ୍କର ଏଭଳି ଭାବପ୍ରବଣାତା ଦେଖି ଦେଶର ବୁଦ୍ଧିଜୀବୀ ଓ ଗଣମାଧ୍ୟମ ଆଶଙ୍କା କରୁଛନ୍ତି କି ଆଜାଦ ଏବେ ବିଜେପିରେ ଯୋଗ ଦେଇ ପାରନ୍ତି । ଏନେଇ ଆଲୋଚନା ହେବା ସହ ବିଭିନ୍ନ ଗଣମାଧ୍ୟମରେ ବି ଖବର ପ୍ରକାଶ ପାଇଛି । ହେଲେ ଏହାର ଜବାବ୍ ରଖିଛନ୍ତି ଗୁଲାମ ନବୀ ଆଜାଦ୍ । ସେ କହିଛନ୍ତି କି ବିଜେପିରେ ଯୋଗ ଦେବା ନେଇ ଚାଲିିଥିବା ଗୁଜବ ସମ୍ପୁର୍ଣ୍ଣ କାଳ୍ପନିକ । ଯେବେ କାଶ୍ମୀରରେ କଳା ବରଫ ପଡିବ ସେବେ ଯାଇ ମୁଁ ବିଜେପିରେ ଯୋଗ ଦେବା କଥା ଚିନ୍ତା କରିବି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ୪୧ ବର୍ଷ ତଳେ ରାଜନୈତୀକ ଜୀବନ ଆରମ୍ଭ କରିଥିବା ଆଜାଦ ଅନେକ ସମୟରେ କଂଗ୍ରେସ ଦଳରେ ରହି ଗୁରୁ ଦାୟିତ୍ୱ ତୁଲାଇଛନ୍ତି । ଏହା ସହ ସେ ଜଣେ ଶାନ୍ତ, ଭଦ୍ର ଓ ଶାଳୀନତା ରକ୍ଷା କରୁଥିବା ନେତା ଭାବେ ବେସ୍ ପରିଚିତ । ତାଙ୍କର ଏଭଳି ଗୁଣ ପାଇଁ ସବୁ ରାଜନୈତୀକ ଦଳର ନେତାମାନେ ତାଙ୍କୁ ସମ୍ମାନ କରିଥାନ୍ତି । ଚଳିତ ମାସ ୮ ତାରିଖରେ ସେ ରାଜ୍ୟସଭା ସଦସ୍ୟ ଭାବେ ରାଜ୍ୟସଭାରେ ତାଙ୍କର ଶେଷ ଦିନ କାଟିଛନ୍ତି । ସେହି ଶେଷ ଦିନରେ ତାଙ୍କୁ ରାଜ୍ୟସଭାରୁ ବିଦାୟ ଦେବା ବେଳେ ପ୍ରଧାନମନ୍ତ୍ରୀ ଭାବ ପ୍ରବଣ ହୋଇପଡିଥିଲେ । ମୋଦୀ ତାଙ୍କୁ ହୃଦୟ ଭିତରୁ ସମ୍ମାନ ଜଣାଇ ତାଙ୍କର ଗୁଣଗାନ କରିଥିଲେ । ଏହାକୁ ଦୃଷ୍ଟିରେ ରଖି ବିଭିନ୍ନ ଗଣମାଧ୍ୟମ ପ୍ରଚାର କରିଥିଲେ କି ଗୁଲାମ ନବୀ ଆଜାଦ ବିଜେପିରେ ଯୋଗ ଦେଇପାରନ୍ତି ।