ଆପଣଙ୍କ ହ୍ୱାଟ୍ସଆପ, ଫେସବୁକ, ଜିମେଲ୍ ଅନ୍ୟ କେହି ବ୍ୟବହାର କରୁଛନ୍ତି କି? କେମିତି ଜାଣିବେ…
କନକ ବ୍ୟୁରୋ: ଫେସବୁକ, ହ୍ୱାଟ୍ସଆପ ଆଉ ଜିମେଲ । ଏହି ୩ ଆପକୁ ଆମ ଦେଶରେ ଅଧିକ ଲୋକ ବ୍ୟବହାର କରିଥାନ୍ତି । ଏହି ଆକାଉଣ୍ଟ ଆପଣଙ୍କର ଅତି ବ୍ୟକ୍ତିଗତ ମଧ୍ୟ ହୋଇଥାଏ । ଏଥିରେ ଆମର କିଛି ବ୍ୟକ୍ତିଗତ ତଥ୍ୟ ସହ କିଛି ଜରୁରୀ ଡୁକ୍ୟମେଣ୍ଟ ମଧ୍ୟ ରହିଥାଏ । ତେଣୁ ଏମିତି ପରିସ୍ଥିତିରେ ଯଦି ଆମ ଆକାଉଣ୍ଟ ଆଉ କେହି ବ୍ୟବହାର କରନ୍ତି ତେବେ ଆମେ ବିପଦରେ ପଡିପାରୁ । ତେବେ ଆମେ କେମିତି ଜାଣିବା ଆମ ଫେସବୁକ, ହ୍ୱାଟ୍ସଆପ ଆଉ ଜିମେଲକୁ ଆଉ କେହି ବ୍ୟବହାର କରୁଛନ୍ତି ବୋଲି?
Kanak News is now on WhatsApp
Join and get latest news updates delivered to you via WhatsApp
ଜିମେଲ୍
ଏହା ଜାଣିବା ଅତି ସରଳ, ଏଥିରେ ଅଧିକ ସମୟ ମଧ୍ୟ ଲାଗିନଥାଏ । ମୋବାଇଲ କିମ୍ବା କମ୍ପ୍ୟୁଟର ମାଧ୍ୟମରେ ଆପଣ ଏହା ଜାଣିପାରିବେ । ପ୍ରଥମେ ଆପଣଙ୍କୁ ଗୁଗୁଲ ଆରାଉଣ୍ଟ ଲଗଇନ କରିବାକୁ ହେବ । ଏହାପରେ ବାମ ପାଶ୍ୱର୍ରେ ଆପଣଙ୍କୁ ସିକ୍ୟୁରିଟି ଅପ୍ସନ ଦେଖାଇବ, ତାହା ଉପରେ କ୍ଲିକ କରିବାକୁ ହେବ । ସେଠାରେ ଆପଣ ମ୍ୟାନେଜ ଅଲ ଡିଭାଇସ ଚୟନ କରିବେ । ଏଠାରେ ଆପଣଙ୍କୁ ସେହି ଡିଭାଇସ ଗୁଡିକର ଲିଷ୍ଟ ଦେଖାଯିବ ଯେଉଁଠି ଆପଣଙ୍କ ଜିମେଲ ଆକାଉଣ୍ଟ ଲିଙ୍କ ଅଛି । ଯଦି ସେଠାରେ ଆପଣଙ୍କୁ ଏମିତି କିଛି ଡିଭାଇସ ଦେଖାଯିବ ଯାହା ଆପଣ ଆପଣଙ୍କ ଆକାଣ୍ଟରେ ଲିଙ୍କ କରି ନାହାନ୍ତି ତେବେ ଭାବିନେବେ ଆପଣଙ୍କ ଆକାଉଣ୍ଟ ଆଉ କେହି ବ୍ୟବହାର କରୁଛନ୍ତି । ଏଠାରେ ଆପଣଙ୍କୁ ଡିଭାଇସ ସେକ୍ସନର ଅପ୍ସନ ଦେଖାଯିବ । ସେଠାରେ ଚୟନ କରି ଆପଣ ଅଧିକ ସୂଚନା ପାଇପାରିବେ । ଆଉ ସେଠାରେ ଲଗଆଉଟ ବି କରିପାରିବେ ।
ଫେସବୁକ
ଫେସବୁକରେ ବି ଜିମେଲ ଭଳି ଅପ୍ସନ ଅଛି, ଯେଉଁଠାରେ ଆପଣ ଜାଣିପାରିବେ କି ଆପଣଙ୍କ ଆକାଣ୍ଟ କେଉଁଠି ଖୋଲା ଅଛି । ପ୍ରଥମେ ଫେସବୁକରେ ଆପଣ ଆକାଉଣ୍ଟ ଲଗଇନ କରିବେ । ଏହାପରେ ଟପ ମେନ୍ୟୁରୁ ସେଟିଙ୍ଗକୁ ଯିବେ । ସେଠାରେ ଆପଣଙ୍କୁ ସେଟିଙ୍ଗ ଓ ପ୍ରାଇଭେସିର ଅପ୍ସନ ଆସିବ ।
ସ୍କ୍ରଲ କରି ତଳକୁ ଆସିଲେ ଆପଣ ଦେଖିପାରିବେ ହୋୟାର ୟୁ ଲଗ ଇନ । ସେଠାରେ ସିମୋରର ଅପ୍ସନ ଥିବ ଯଦି ତୁମ ଆକାଣ୍ଟ ଅଧିକ ଜାଗାରେ ଲଗଇନ ଥିବ । ସେଠାରେ ସମସ୍ତ ଡିଭାଇସର ଲିଷ୍ଟ ଦେଖାଇବ ଯେଉଁଠି ଆପଣଙ୍କ ଆକାଣ୍ଟ ଲଗଇନ ଥିବ । ଯଦି ସେଠାରେ ଏମିତି କିଛି ଆକାଣ୍ଟ ଦେଖାଇବ ଯେଉଁଠି ଆପଣ ଡିଭାଇସ ଲଗଇନ କରିନଥିବେ ତେବେ ତୁରନ୍ତ ଲଗଆଉଟ କରିନେବେ ।
ହ୍ୱାଟ୍ସଆପ
ହ୍ୱାଟ୍ସଆପରେ ଏକ ଭଲ ଫିଚରେ ହେଉଛି ଏହା ଗୋଟିଏ ଥରରେ ଗୋଟିଏ ଫୋନରେ ଖୋଲିହେବ । ହେଲେ ମଲ୍ଟି ଡିଭାଇସ ସପୋର୍ଟ ଆସିବା ପରେ ଏବେ ମୋବାଇଲ ଓ କମ୍ପ୍ୟୁଟରରେ ଏକା ସମୟରେ ହ୍ୱାଟ୍ସଆପ ଖୋଲିହେବ । ଏଭଳି ସ୍ଥିତିରେ ଆମ ହ୍ୱାଟ୍ସଆପ ଯଦି କୌଣସି ଡିଭାଇସରେ ଖୋଲାଥିବ ତେବେ ଆମେ ଜାଣିପାରୁନାହିଁ । ତେବେ ଏହାକୁ କେମିତି ଦେଖିବେ? ପ୍ରଥମେ ସେଟିଙ୍ଗକୁ ଯିବେ । ସେଠାରେ ଲିଙ୍ଗ ଡିଭାଇସ ଉପରେ କ୍ଲିକ କରିବେ । ଏଠାରେ ଆପଣଙ୍କୁ ଏକ ଲିଷ୍ଟ ଦେଖାଯିବ ଯେଉଁଥିରୁ ଆପଣ ଜାଣିପାରିବେ ଆପଣଙ୍କ ଆକାଉଣ୍ଟ କେଉଁଠି ଖୋଲା ଅଛି କି ନାହିଁ । ସେଠାରେ ଳଗଆଉଟର ଅପ୍ସନ ମଧ୍ୟ ଦେଇଥିବ ।