କନକ ବ୍ୟୁରୋ : ମାନବିକତା ଦେଖାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ନିଜର ନିଆରା ଢଙ୍ଗ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ପ୍ରଧାନମନ୍ତ୍ରୀ ମୋଦୀ ପୁଣି ଆଜି ଏକ ନିଆରା କାର୍ଯ୍ୟ କରି ନିଜର ମାନବିକତା ଦେଖାଇଛନ୍ତି । ଆଜି ପ୍ରଧାନମନ୍ତ୍ରୀ ମୋଦୀଙ୍କ ଶୋଭାଯାତ୍ରା ଅହମ୍ମଦାବାଦରୁ ଗାନ୍ଧୀନଗର ଯାଉଥିଲା । ଠିକ ରାସ୍ତାରେ ପ୍ରଧାନମନ୍ତ୍ରୀଙ୍କ ଶୋଭାଯାତ୍ରା ଚାଲିଥିବା ବେଳେ ପଛରୁ ଆସିଥିଲା ଏକ ଆମ୍ବୁଲାନ୍ସ । ମାତ୍ର ରାସ୍ତା ଭିଡ ଥିବାରୁ ଆମ୍ବୁଲାନ୍ସ ଟି ଅଟକି ଯାଇଥିଲା । ଏହାକୁ ଦେଖି ପ୍ରଧାନମନ୍ତ୍ରୀ ତୁରନ୍ତ ଆମ୍ବୁଲାନ୍ସକୁ ରାସ୍ତା ଛାଡିବାକୁ ଶୋଭାଯାତ୍ରା ଅଟକାଇବା ପାଇଁ ନିର୍ଦ୍ଦେଶ ଦେଇଥିଲେ । ଏହାପରେ ସୁରୁଖୁରୁରେ ଆମ୍ବୁଲାନ୍ସଟି ରାସ୍ତା ପାର ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏସବୁ ଘଟଣା ସେତେବେଳେ ଘଟିଥିଲା ଯେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗୁଜରାଟ ଗସ୍ତର ଦ୍ୱିତୀୟ ଦିନରେ ସ୍ୱଦେସୀ ବନ୍ଦେ ଭାରତ ଏକ୍ସପ୍ରେସକୁ ଉଦଘାଟନ କରିବାକୁ ଯାଉଥିଲେ ।
Banaskantha, Gujarat | PM Narendra Modi holds roadshow pic.twitter.com/1R5fyRItAb
— ANI (@ANI) September 30, 2022
ସୂଚନା ଥାଉକି ଭିଆଇପି ମୁଭମେଣ୍ଟ କିମ୍ବା ଅତି ବିଶିଷ୍ଠ ବ୍ୟକ୍ତିଙ୍କ ଶୋଭାଯାତ୍ରା ବେଳେ ଏଭଳି ଅନେକ ଘଟଣା ଦେଖିବାକୁ ମିଳିଛି । ସେମାନଙ୍କ ଗସ୍ତ ବେଳେ ଆମ୍ବୁଲାନ୍ସକୁ ଅଟକା ଯାଇଛି । ଏଭଳି କି ଜଣେ ମୁଖ୍ୟମନ୍ତ୍ରୀଙ୍କ ଗସ୍ତ ବେଳେ ଆମ୍ବୁଲାନ୍ସଟି ଯାଇ ନପାରିବାରୁ ରୋଗୀଟିର ମୃତ୍ୟୁ ହୋଇଥିବା ଖବର ଆସିଛି । ହେଲେ ପ୍ରଧାନମନ୍ତ୍ରୀ ଆଜି ଯାହା କରି ଦେଖାଇଲେ ତାହା ସମସ୍ତଙ୍କ ମନକୁ କିଣି ନେଇଛି ।