ଆସନ୍ତା କାଲିଠାରୁ ପୁଣି ଆରମ୍ଭ ହେବାକୁ ଯାଉଛି ଅନ୍ତର୍ଜାତୀୟ ବିମାନ ସେବା, ଜାଣନ୍ତୁ କଣ ରହିଛି ଗାଇଡ ଲାଇନ
କନକ ବ୍ୟୁରୋ : କରୋନା ମହାମାରୀ କାରଣରୁ ମାର୍ଚ୍ଚ ୨୦୨୦ ରୁ ବନ୍ଦ ହୋଇଯାଇଥିବା ଅନ୍ତର୍ଜାତୀୟ ବିମାନ ଓଡାଣ ଆସନ୍ତା କାଲି ଅର୍ଥାତ ମାର୍ଚ୍ଚ ୨୭ ତାରିଖରୁ ଆରମ୍ଭ ହେବାକୁ ଯାଉଛି । ଏହି କାରଣରୁ କେନ୍ଦ୍ର ସରକାର ବିମାନବନ୍ଦରରେ ବିମାନ ଓଙ୍ଗାଣକୁ ନେଇ ଥିବା କରୋନା କଟକଣା କୋହଳ କରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ନିୟମ ମୁତାବକ ବିମାନରେ କ୍ୟୂୁ ମେମ୍ବର ମାନଙ୍କୁ ଏବେ ପିପିଇ କିଟ୍ ପିନ୍ଧିବାକୁ ପଡିବ ନାହିଁ । ହେଲେ ଆବଶ୍ୟକ ପଡିଲେ ବିମାନ ବନ୍ଦରରେ ଯାତ୍ରୀମାନଙ୍କର କଡା ଯାଂଚ କରିପାରିବେ ସୁରକ୍ଷା କର୍ମୀ । ସେପଟେ ସରକାରଙ୍କ ଘୋଷଣା ମୁତାବକ ଏବେ ବିମାନରେ ମେଡିକାଲ ଏମରଜେନ୍ସି ପାଇଁ ଆଉ ୩ ଟି ସିଟ୍ ଖାଲି ରଖାଯିବ ନାହିଁ । ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ତରଫରୁ କୁହାଯାଇଛି କି ଦେଶରେ ଭାରିମାତ୍ରାରେ ଟିକାକରଣ ଓ ଦୈନିକ ସଂକ୍ରମଣର ଦ୍ରୁତ ହାସ ପରେ ଏବେ ଅନ୍ତର୍ଜାତୀୟ ବିମାନ ଚଳାଚଳକୁ ଅନୁମତି ଦିଆଯାଇଛି ।
ସେପଟେ କେନ୍ଦ୍ର ସରକାର କହିଛନ୍ତି କି ବିମାନ ବନ୍ଦର ଓ ବିମାନ ଭିତରେ ମାସ୍କ ପିନ୍ଧିବା ବାଧ୍ୟତାମୂଳକ । ଏହାସହ ବିମାନବନ୍ଦରରେ ହାତ ଧୋଇ ତାକୁ ସାନିଟାଇଜ କରିବା ଉପରେ ଗୁରୁତ୍ୱ ଦେବାକୁ ସେ ଯାତ୍ରୀମାନଙ୍କୁ ଅନୁରୋଧ କରିଛନ୍ତି । ଏହାସହ ପିପିଇ କିଟ ଓ କିଛି ମେଡିକାଲ ସରଞ୍ଜାମ ସହ ଏନ-୯୫ ମାସ୍କ ବିମାନ ଭିତରେ ରଖିବାକୁ କେନ୍ଦ୍ର ସରକାରଙ୍କ ନିର୍ଦ୍ଦେଶ ରହିଛି ।
କହିରଖୁ କି କରୋନାର ଦ୍ୱିତୀୟ ଲହର ଧୀମା ପଡିବା ପରେ ଏବେ ଭାରତୀୟ ବେସାମରିକ ବିମାନ ଚଳାଚଳରେ କିଛି ସୂଧାର ଆସିଛି । କହିରଖୁ କି ଜାନୁଆରୀ ମାସରେ କରୋନା ସଂକ୍ରମଣ ପୁଣି ବଢିବା କାରଣରୁ ଦେଶ ଭିତରେ ଚାଲୁଥିବା ବିମାନ ଚଳାଚଳଗୁଡିକ ପୁଣି ବନ୍ଦ ହୋଇଯାଇଥିଲା ।