ବୀରଭୂମ ହିଂସା ମାମଲାରେ ଆକ୍ସନ ମୋଡରେ ସିବିଆଇ, ହିଂସା କରିଥିବା ଅଭିଯୋଗରେ ୨୧ ଜଣଙ୍କ ନାମରେ ମାମଲା
କନକ ବ୍ୟୁରୋ : ବୀରଭୂମ ହିସଂ ମାମଲା ଯାଂଚ ସିବିଆଇ ହାତକୁ ଯିବା ପରେ ସିବିଆଇ ଆକ୍ସନ ମୋଡରେ ଯାଂଚ କରିବା ଆରମ୍ଭ କରିଦେଇଛି । ଏହି ମାମଲାରେ ଗିରଫ ହୋଇଥିବା ୨୧ ଜଣ ଅଭିଯୁକ୍ତଙ୍କ ନାମରେ ସିବିଆଇ ପକ୍ଷରୁ ଦଙ୍ଗା ସହିିତ ଜଡିତ ଧାରାରେ ଅଭିଯୋଗ ଦାଖଲ କରିଛି । ଏହାସହ ଯାଂଚ ପାଇଁ ସିବିଆଇ ଫରେନସିକ ଟିମ ରାମପୁରହାଟ ଅଞ୍ଚଳରେ ପହଂଚିଛି । ଏହାସହ ଏହି ମାମଲା ସହିତ ଜଡିତ ଫାଇଲ ଓ ଦସ୍ତାବିଜଗୁଡିକୁ ସିବିଆଇ ନିଜ ହାତକୁ ନେଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ପଶ୍ଚିମବଙ୍ଗ ବୀରଭୂମ ଜିଲ୍ଲାର ରାମପୁରହାଟ ଅଞ୍ଚଳରେ ଜଣେ ଟିଏମସି କର୍ମୀଙ୍କୁ ବୋମା ପକାଇ ହତ୍ୟା କରାଯାଇଥିଲା । ଏହାର ପ୍ରତିଶୋଧ ନେବାକୁ କିଛି ଲୋକ ସ୍ଥାନୀୟ ଅଞ୍ଚଳରେ ୧୦-୧୨ ଟି ଘରେ ତାଲା ପକାଇ ନିଆଁ ଲଗାଇ ଦେଇଥିଲେ । ଏହା ଫଳରେ ୬ ଜଣ ମହିଳାଙ୍କ ସମେତ ୨ ଜଣ ଶିଶୁଙ୍କର ମୃତ୍ୟୁ ହୋଇଥିଲା । ଏନେଇ ହାଇକୋର୍ଟରେ ମାମଲା ରୁଜୁହେବା ପରେ କୋର୍ଟ ଏହି ମାମଲାର ଯାଂଚ ଦାୟୀତ୍ୱ ସିବିଆଇକୁ ଦେଇଥିଲା । ଏହାସହ ଏପ୍ରିଲ ୭ ତାରିଖ ସୁଦ୍ଧା ରିପୋର୍ଟ ଦାଖଲ କରିବାକୁ କୋର୍ଟ ତରଫରୁ ସିବିଆଇକୁ ନିର୍ଦ୍ଦେଶ ଦିଆଯାଇଛି ।
ସେପଟେ କୋର୍ଟଙ୍କ ଏଭଳି ନିର୍ଦ୍ଦେଶ ପରେ ମମତା ସରକାର ଚାପରେ ଆସି ଅଭିଯୁକ୍ତମାନଙ୍କୁ ତୁରନ୍ତ ଗିରଫ କରିବାକୁ ପୋଲିସକୁ ନିର୍ଦ୍ଦେଶ ଦେଇଥିଲେ । ଏହି ମାମଲାରେ ଗତ ୭୨ ଘଂଟା ମଧ୍ୟରେ ୨୧ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।