ସ୍ୱାମୀର ଦ୍ୱିତୀୟ ବାହାଘରରେ ପ୍ରଥମ ସ୍ତ୍ରୀର ହଙ୍ଗାମା । ପୁଲିସକୁ ସାଥିରେ ଧରି ବିବାହ ମଣ୍ଡପରେ ପହଞ୍ଚିଲେ ପତ୍ନୀ
କନକ ବ୍ୟୁରୋ: ସ୍ୱାମୀର ଦ୍ୱିତୀୟ ବାହାଘରରେ ପ୍ରଥମ ସ୍ତ୍ରୀର ହଙ୍ଗାମା । ଏପରି କି ସ୍ୱାମୀର ଦ୍ୱିତୀୟ ବିବାହକୁ ରୋକିବାକୁ ପୁଲିସକୁ ସାଙ୍ଗରେ ନେଇ ବିବାହ ମଣ୍ଡପରେ ପହଂଚିଥିଲେ ପ୍ରଥମ ସ୍ତ୍ରୀ । ହେଲେ ପୁଲିସକୁ ନେଇ ବିବାହ ବେଦୀକୁ ପହଂଚିଲା ବେଳେକୁ ସରିଯାଇଥିଲା ବାହାଘର । ଏଭଳି ଘଟଣା ଦେଖିବାକୁ ମିଳିଛି କଟକ ପାଗା ଛକ ନିକଟ ଗୋଲଡେନ ମେମୋରିଜ ପ୍ୟାଲେସରେ । ଏହା ଦେଖି ବିବାହ ଉତ୍ସବରେ ସାମିଲ ହେବାକୁ ଆସିଥିବା ଲୋକେ ତାଜୁବ ହୋଇଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ନବ ବିବାହିତ ସ୍ୱାମୀଙ୍କ ସହ ତାଙ୍କ ପ୍ରଥମ ପତ୍ନୀ ସମସ୍ତଙ୍କ ସାମ୍ନାରେ ପାଟିତୁଣ୍ଡ କରି ବିବାହକୁ ବେଆଇନ ବୋଲି ଅଭିଯୋଗ କରିଛନ୍ତି । ପ୍ରଥମ ପତ୍ନୀ କହିଛନ୍ତି ତାଙ୍କ ବିବାହକୁ ୧୦ ବର୍ଷ ହୋଇଥିବା ବେଳେ ତାଙ୍କର ଏକ ୫ ବର୍ଷର ପୁଅ ମଧ୍ୟ ରହିଛି । ତେବେ ବିନା ଛାଡପତ୍ରରେ ସ୍ୱାମୀ ଦ୍ୱିତୀୟ ବିବାହ କରୁଥିବା ଜାଣି ପୁଲିସକୁ ଜଣାଇ ଘଟଣାସ୍ଥଳକୁ ଆସିଥିବା କହିଛନ୍ତି ପ୍ରଥମ ପତ୍ନୀ ସୁପ୍ରିୟା ପଣ୍ଡା । ଅନ୍ୟପଟେ ନବ ବିବାହିତ ବିକ୍ରମ କେଶରୀ କହିଛନ୍ତି, ପ୍ରଥମ ସ୍ତ୍ରୀଙ୍କୁ ସେ କୋର୍ଟରେ ଛାଡପତ୍ର ଦେଇସାରିଛନ୍ତି । ଉଦ୍ଦେଶ୍ୟମୂଳକ ଭାବେ ପ୍ରଥମ ପତ୍ନୀ ତାଙ୍କ ବିବାହକୁ ଭଣ୍ଡୁର କରିବାକୁ ଏପରି କରୁଥିବା ସେ ଅଭିଯୋଗ କରିଛନ୍ତି ।