ଧନୁ ସଂକ୍ରାନ୍ତିରେ ଶ୍ରୀମନ୍ଦିରରେ ଆଜିଠୁ ପହିଲି ଭୋଗ: ପ୍ରଶାସନର ସ୍ୱତନ୍ତ୍ର ନୀତି ନିର୍ଘଂଟ; ୧୪ ତାରିଖ ଯାଏଁ ଚାଲିବ ନୀତିକାନ୍ତି
ପୂଜାନୀତି ଶୃଙ୍ଖଳିତ କରିବାକୁ ନିଷ୍ପତି
କନକ ବ୍ୟୁରୋ: ଆଜି ହେଉଛି ଧନୁ ସଂକ୍ରାନ୍ତି । ଆଉ ଧନୁ ସଂକ୍ରାନ୍ତିରେ ଶ୍ରୀମନ୍ଦିରରେ ଆଜିଠୁ ଏକମାସ ଯାଏଁ ହେବ ମହାପ୍ରଭୁଙ୍କ ପହିଲି ଭୋଗ ନୀତି । ଏଥିପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ୱତନ୍ତ୍ର ନୀତିକାନ୍ତି କରାଯାଇଛି । ପ୍ରତ୍ୟୁଷରୁ ଠାକୁରଙ୍କ ପହିଲି ଭୋଗ ନୀତି ହେବ । ଧନୁ ସଂକ୍ରାନ୍ତିଠାରୁ ଆସନ୍ତା ୧୪ ମକର ସଂକ୍ରାନ୍ତି ଯାଏଁ ପହିଲି ଭୋଗ ନୀତି ପାଳନ କରାଯିବ ।
Kanak News is now on WhatsApp
Join and get latest news updates delivered to you via WhatsApp
କିମ୍ବଦନ୍ତୀ ଅନୁସାରେ, ମା ଲକ୍ଷ୍୍ମୀ ଏହି ସମୟରେ ବାପଘରକୁ ଯାଇଥିବାକୁ ଯଶୋଦା ଅତି ଆଗ୍ରହର ସହ ଶ୍ରୀକୃଷ୍ଣଙ୍କ ପାଇଁ ସ୍ୱାଦିଷ୍ଟ ପିଠା ତିଆରି କରି ପରସିଦେଇଥାନ୍ତି । ଏହାକୁ ସ୍ମରଣ କରାଯାଇ ଶ୍ରୀମନ୍ଦିରରେ ପହିଲି ଭୋଗ ନୀତି ହେଉଛି । ପହିଲି ଭୋଗରେ ମହାପ୍ରଭୁଙ୍କୁ ବିଭିନ୍ନ ପ୍ରକାରର ଭୋଗ ଅର୍ପଣ କରାଯିବ । ଶ୍ରୀମନ୍ଦିର ପ୍ରଶାସନ ଓ ସେବାୟତଙ୍କ ମଧ୍ୟରେ ସମନ୍ୱୟ ରଖି ନୀତିକାନ୍ତି ଶୃଙ୍ଖଳିତ କରିବାକୁ ନିଷ୍ପତି ହୋଇଛି । ଏହି ଅବସରରେ ଶ୍ରୀକ୍ଷେତ୍ରର ବିଭିନ୍ନ ଅନୁଷ୍ଠାନ ଓ ଘରେ ଘରେ ପହିଲି ଭୋଗ ହେବାର ପରମ୍ପରା ରହିଆସିଛ ିା
ସେପଟେ ଜଗନ୍ନାଥ ସଂସ୍କୃତି ସହ ଜଡିତ କାକଟପୁର ବାସିନୀ ମା’ମଙ୍ଗଳା ମନ୍ଦିରରେ ଆଜି ଧନୁ ସଂକ୍ରାନ୍ତି ଠାରୁ ମକର ସଂକ୍ରାନ୍ତି ପର୍ଯ୍ୟନ୍ତ ପହିଲି ଭୋଗନୀତି ଆରମ୍ଭ ହୋଇଛି । ଆଜି ରାତ୍ର ୩ଟାରୁ ମା’ଙ୍କ ଦ୍ୱାର ଫିଟା ପରେ ମା’ଙ୍କ ନିତୀ କ୍ରାନ୍ତି ସମ୍ପନ୍ନ ହୋଇଥିଲା । ପରେ ସୂର୍ଯ୍ୟାଦୟ ପୂର୍ବରୁ ପହିଲି ଭୋଗନିତୀ ଆରମ୍ଭ ହୋଇଛି । ଏହି ନୀତି ଦୀର୍ଘ ଏକ ମାସ ଧରି ଚାଲିବ । କୋଭିଡ୍ କଟକଣା ଚାଲିଥିବାରୁ ବିନା ଭକ୍ତରେ ଏହି ନୀତି ଚାଲିଛି । ଆଜି ଧନୁ ସଂକ୍ରାନ୍ତୀ ଥିବାରୁ ମନ୍ଦିର ବାହାରେ କିଛି ଧନୁ ମୁଆଁ ଭୋଗ କରି ଦ୍ୱୀପ ଲଗାଇ ମାଙ୍କ ଦର୍ଶନ ନପାଇ ନିରାଶରେ ଫେରିଯାଉଛନ୍ତି ।