ସଂକ୍ରମଣ କମୁଛି ଦିଲ୍ଲୀ ଖୋଲୁଛି : ଆଜିଠାରୁ ଦେଶର ରାଜଧାନୀରେ ତୃତୀୟ ପର୍ଯ୍ୟାୟ ଅନଲକ୍; ସକାଳ ୧୦ଟାରୁ ସନ୍ଧ୍ୟା ୮ଟା ଯାଏଁ ଖୋଲିବ ଦୋକାନ ବଜାର
କନକ ବ୍ୟୁରୋ : ଆଜିଠାରୁ ସର୍ତମୂଳକ ଭାବେ ଦିଲ୍ଳୀରେ ଖୋଲିବ ରେଷ୍ଟୁରାଂଟ । ବସିବାକୁ ଥିବା କ୍ଷମତାର ୫୦ ପ୍ରତିଶତ ଗ୍ରାହକଙ୍କୁ ନେଇ ରେଷ୍ଟୁରାଂଟ ଖୋଲିବାକୁ ଦିଲ୍ଳୀ ସରକାର ଅନୁମତି ଦେଇଛନ୍ତି । ଦିଲ୍ଳୀର ରେଷ୍ଟୁରାଂଟ ଶିଳ୍ପ ପାଇଁ ଏହା ଏକ ବଡ ଆଶ୍ୱସ୍ତିକର ଖବର ବୋଲି କୁହାଯାଉଛି । କାରଣ ଅନଲାଇନ ଡେଲିଭରୀ ଓ ଟେକଆୱେ ସେବାକୁ ସରକାର ଅନୁମତି ଦେଇଥିଲେ ବି କରୋନା ଭୟରେ ବ୍ୟବସାୟ ଏକ ପ୍ରକାର ଠପ୍ ହୋଇ ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରେଷ୍ଟୁରାଂଟ ଭଳି ଦୀର୍ଘ ଦିନ ହେବ ବନ୍ଦ ରହିଥିବା ସାପ୍ତାହିକ ହାଟକୁ ମଧ୍ୟ କଟକଣାକୁ ମାନି ଖୋଲିବାକୁ ଅନୁମତି ଦେଇଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ । ସଂକ୍ରମଣ ହାର କମ୍ ରହୁଥିବାରୁ ନିଯୁକ୍ତି ସୁଯୋଗ ସୃଷ୍ଟି କରିବା ପାଇଁ ଦିଲ୍ଲୀ ସରକାର ଏଭଳି ଅର୍ଥନୈତିକ କାର୍ଯ୍ୟକ୍ରମକୁ ଅନୁମତି ଦେବାକୁ ବିଚାର କରୁଛନ୍ତି । ମନ୍ଦିର ଖୋଲିବ କିନ୍ତୁ ଲୋକ ଯାଇପାରିବେ ନାହିଁ । ୫୦ ପ୍ରତିଶତ ଯାତ୍ରୀଙ୍କୁ ନେଇ ଚାଲିବ ମେଟ୍ରୋ ଓ ବସ୍ । ମଲ ଓ ମାର୍କେଟ୍ କମ୍ପେକ୍ଲ ମଧ୍ୟ ଖୋଲିବ । କିନ୍ତୁ କରୋନା କଟକଣା ଭିତରେ ସକାଳ ୧୦ଟାରୁ ରାତି ୮ଟା ପର୍ଯ୍ୟନ୍ତ ଏଗୁଡିକ ଖୋଲିବ ।
ତେବେ ଜିମ୍, ସ୍ପା, ସେଲୁନ, ସିନେମା ହଲ, ପବ୍ଲିକ ପାର୍କ, ୱାଟର ପାର୍କ, ସୁଇମିଂ ପୁଲ , ଶିକ୍ଷାନୁଷ୍ଠାନ, ସାମାଜିକ ଓ ଧାର୍ମିକ ସମାବେଶକୁ ପୂର୍ବଭଳି କଟକଣା ବଳବତର ରହିବ । ଅନ୍ତେଷ୍ଟି ଓ ବିବାହ କାର୍ଯ୍ୟକ୍ରମରେ ୨୦ ଜଣ ଏକାଠି ହେବାକୁ ଅନୁମତି ଦିଆଯାଇଛି । ଏନେଇ ବିଧିବଦ୍ଧ ଭାବେ ଦିଲ୍ଲୀ ସରକାର ଘୋଷଣା କରିଛନ୍ତି । ଦିଲ୍ଳୀରେ କରୋନା ସଂକ୍ରମଣ ସଂଖ୍ୟା ଓ ସଂକ୍ରମଣ ହାର ଲଗାତାରଭାବେ କମି ଚାଲିଛି ।