ସାରା ବିଶ୍ୱରେ ଡାକ୍ତର, ନର୍ସ ଓ ସ୍ୱାସ୍ଥ୍ୟକର୍ମୀଙ୍କ ସଙ୍କଟ: କରୋନା ମହାମାରୀ ଯୋଗୁଁ ସ୍ୱାସ୍ଥ୍ୟ ଭିତିଭୂମି ଉପରେ ପଡିଛି ବଡ଼ ପ୍ରଭାବ
କନକ ବ୍ୟୁରୋ: କରୋନା ମହାମାରୀ ଯୋଗୁ ଭୁସୁଡି ପଡିଛି ସାରା ବିଶ୍ୱର ସ୍ୱାସ୍ଥ୍ୟ ବ୍ୟବସ୍ଥା । ରୋଗୀଙ୍କ ଚିକିତ୍ସାରେ ମୁଖ୍ୟ ଭୂମିକା ନିଭାଉଥିବା ନର୍ସ, ଆସିଷ୍ଟାଂଟ୍ ଭଳି ସ୍ୱାସ୍ଥ୍ୟକର୍ମୀଙ୍କ ସଙ୍କଟ ଦେଖାଦେଇଛି । ମହାମାରୀ ସମୟରେ ଅତ୍ୟଧିକ କାମ ଏବଂ କମ ଦରମା ପାଇଁ ଅନେକ ସ୍ୱାସ୍ଥ୍ୟକର୍ମୀ ଚାକିରି ଛାଡିଦେଇଛନ୍ତି । ଜର୍ମାନୀ, ଇଟାଲୀ, ଜାପାନ, ଇସ୍ରାଇଲ, ସ୍ପେନ, ସୁଇଜରଲ୍ୟାଣ୍ଡ, ସିଙ୍ଗାପୁର ଭଳି ୩୦ରୁ ଅଧିକ ଦେଶରେ ସ୍ୱାସ୍ଥ୍ୟକର୍ମୀଙ୍କ ଅଭାବ ଦେଖିବାକୁ ମିଳିଛି । ଏହି ଦେଶଗୁଡିକ ଏବେ ଭାରତ ଏବଂ ଫିଲିପାଇନ୍ସର ନର୍ସ ଏବଂ ସ୍ୱାସ୍ଥ୍ୟକର୍ମୀଙ୍କୁ ସେଠାରେ କାର୍ଯ୍ୟ କରିବା ପାଇଁ ଭିସା ସହ ଭଲ ଦରମାର ଅଫର ଦେଉଛନ୍ତି । ଇଂଟରନ୍ୟାସନାଲ କାଉନସିଲ ଅଫ୍ ନର୍ସେସର ଆକଳନ ଅନୁଯାୟୀ ନିକଟ ଭବିଷ୍ୟତରେ ୧ କୋଟି ୩୦ ଲକ୍ଷ ନର୍ସ ଏବଂ ସ୍ୱାସ୍ଥ୍ୟକର୍ମୀଙ୍କ ଆବଶ୍ୟକତା ରହିଛି ।
Kanak News is now on WhatsApp
Join and get latest news updates delivered to you via WhatsApp
ସରକାରୀ ହସ୍ପିଟାଲରେ କାମ କରିବାକୁ ଚାହୁଁନାହାନ୍ତି ଡାକ୍ତର
ଓଡ଼ିଶାରେ ସ୍ୱେଚ୍ଛାକୃତ ଅବସର ପାଇଁ ବଢ଼ୁଛି ଆବେଦନ
ଡାକ୍ତରଙ୍କୁ ନେଇ ଚିନ୍ତାରେ ରାଜ୍ୟ ସରକାର । ସରକାରୀ ଚାକିରି କରିବା ପାଇଁ ଆଗ୍ରହ ଦେଖାଉନାହନ୍ତି ଡାକ୍ତର । କୁହାଯାଉଛି –
କମ୍ ଦରମା ଏବଂ ଭିତ୍ତିଭୂମିର ଅଭାବ ଯୋଗୁ ସରକାରୀ ହସ୍ପିଟାଲରେ କାମ କରିବାକୁ ପସନ୍ଦ କରୁନାହାନ୍ତି ଡାକ୍ତର
ଅବସର ସମୟ ପୂର୍ବରୁ ସ୍ୱେଚ୍ଛାକୃତ ଅବସର ପାଇଁ ବଢ଼ୁଛି ଆବେଦନ
ଗତ ସେପ୍ଟେମ୍ବରରେ ଓଡ଼ିଶାର ୫ ଜଣ ଡାକ୍ତର ସ୍ୱେଚ୍ଛାକୃତ ଅବସର ନେଇଛନ୍ତି
ଚଳିତ ମାସରେ ଆଉ ୪ ଜଣ ଡାକ୍ତର ସେଚ୍ଛାକୃତ ଅବସର ନେବାକୁ ଆବେଦନ କରିଛନ୍ତି
ଗତ ଦୁଇ ବର୍ଷରେ ରାଜ୍ୟର ୫୦ରୁ ଅଧିକ ଡାକ୍ତର ସେଚ୍ଛାକୃତ ଅବସର ନେଇଥିବା ସୂଚନା ରହିଛି । କରୋନା ମହାମାରୀ ସମୟରେ ସାରା ବିଶ୍ୱ ପାଇଁ ଚ୍ୟାଲେଞ୍ଜ ସୃଷ୍ଟି କରିଥିଲା ସ୍ୱାସ୍ଥ୍ୟ ଭିତିଭୂମି । ଏପରି ସ୍ଥଳେ ଯଦି ଡାକ୍ତର, ନର୍ସ ଓ ସ୍ୱାସ୍ଥ୍ୟକର୍ମୀଙ୍କ ଅଭାବ ପୂରଣ ନକରାଯାଏ ଭବିଷ୍ୟତରେ ସ୍ୱାସ୍ଥ୍ୟ ବ୍ୟବସ୍ଥା ଦୋହଲିଯିବାର ଆଶଙ୍କା ରହିଛି । ସରକାରୀ ଚାକିରି ପ୍ରତି ଡାକ୍ତରମାନେ ବିମୁଖ ହେବା ସରକାରୀ ସ୍ୱାସ୍ଥ୍ୟସେବା ପ୍ରତି ବିପଦ ସୃଷ୍ଟି କରିବା ସମ୍ଭାବନା ରହିଛି ।