କ୍ରିକେଟ ମୈଦାନକୁ ଓହ୍ଲାଇଲେ ସାଧୁ ସନ୍ଥ, ପବନରେ ଉଡିଲା ଚୌକା ଛକା ।
କନକ ବ୍ୟୁରୋ: ମଧ୍ୟପ୍ରଦେଶ ଛତରପୁରରେ ଏକ ନିଆରା କ୍ରିକେଟ ମ୍ୟାଚ୍ ଅନୁଷ୍ଠିିତ ହୋଇଛି । ଏଠାରେ ସାଧୁସନ୍ଥଙ୍କର ଦୁଇ ଗୋଷ୍ଠୀ ମଧ୍ୟରେ କ୍ରିକେଟ ମ୍ୟାଚ ଅନୁଷ୍ଠିତ ହୋଇଥିଲା । ମ୍ୟାଚଟି ଦେଖିବାର ଥିଲା । କାରଣ ମୈଦାନକୁ ଓହ୍ଲାଇବା ପରେ ସାଧୁମାନେ ଚକାଛୌକା ମାରିଥିଲେ । ଦେଖୁଥିବା ଦର୍ଶକ ଚକିତ ହୋଇଯାଇଥିଲେ ।
ମଠ ମନ୍ଦିରର ସାଧୁ, ନାଗା ସାଧୁ ଓ ଅଖାଡାର ସନ୍ଥମାନେ ଏହି ମ୍ୟାଚରେ ଯୋଗ ଦେଇ ଶରୀର ପାଇଁ ଖେଳର ଆବଶ୍ୟକତା ତଥା ଯୁବକମାନଙ୍କୁ କ୍ରୀଡା ପ୍ରତି ପ୍ରୋତ୍ସାହିତ କରିବାକୁ ଏପରି ପ୍ରୟାସ କରାଯାଇଛି ବୋଲି କହିଛନ୍ତି ନିର୍ମୋହି ଅଖାଡା ମହନ୍ତ ରାଜୀବ ଲୋଚନ ଦାସ ।
Kanak News is now on WhatsApp
Join and get latest news updates delivered to you via WhatsApp
କୁମ୍ଭ ମେଳାରେ ନାଗା ସାଧୁମାନେ ନିଜର ସାମର୍ଥ୍ୟକୁ ପ୍ରଦର୍ଶନ କରିବାକୁ ଯାଇ ଖଣ୍ଡା ତଲୱାର ବୁଲାଉଥିବାର ଦେଖିବାକୁ ମିଳିଥାଏ । ଏଠି ପଡିଆରେ ମଧ୍ୟ ଆଜି ଆଉ ଏକ ସାମର୍ଥ୍ୟର ପ୍ରଦର୍ଶନ ହୋଇଛି ବୋଲି ରାଜୀବ ଲୋଚନ ଦାସ କହିଛନ୍ତି ।