କନକ ବ୍ୟୁରୋ: କେବେ ଦୁର୍ନୀତିଗ୍ରସ୍ତ ସରପଞ୍ଚ ଓ ସରକାରୀ ଅଧିକାରୀଙ୍କ ଠାରୁ ଆଦାୟ ହେବ ଜରିମାନା? କେବେ ଦୁର୍ନୀତିଗସ୍ତଙ୍କ ବିରୋଧରେ ନିଆଯିବ କାର୍ଯ୍ୟାନୁଷ୍ଠାନ? ବିଞ୍ଝାରପୁର ବ୍ଳକରେ ୨୦୧୯-୨୦ ଆର୍ôଥକ ବର୍ଷରେ ହୋଇଥିବା ମନରେଗା ଯୋଜନାର ତଦନ୍ତ ରିପୋର୍ଟ ଆସିବା ପରେ ଏହି ଚର୍ଚ୍ଚା ଏବେ ଜୋରଧରିଛି । ମନରେଗା ଯୋଜନା ଦୁର୍ନୀତିରେ ସମ୍ପୂକ୍ତ ସରପଞ୍ଚ ଓ ସରକାରୀ ଅଧିକାରୀଙ୍କ ଠାରୁ ୧୫ଲକ୍ଷ ୭୨ ହଜାର ଟଙ୍କା ଆଦାୟ ପାଇଁ ନିର୍ଦ୍ଦେଶ ଆସିବା ପରେ ବି ଏପର୍ଯ୍ୟନ୍ତ ଟଙ୍କାଟିଏ ଆଦାୟ ହୋଇପାରିନି । ତେବେ ପ୍ରଶ୍ନ ଉଠୁଛି କିଏ ଦେଉଛି ଏହି ଦୁର୍ନୀତିଗସ୍ତ ସରପଞ୍ଚ ଓ ଅଧିକାରୀଙ୍କୁ ସୁରକ୍ଷା । ଦୁର୍ନୀତି ପ୍ରମାଣିତ ହେବା ପରେ ବି କାହା ଚାପରେ ବ୍ଲକ ପ୍ରଶାସନ ବୋଲି ସାଧାରଣରେ ପ୍ରଶ୍ନ ଉଠିଛି ।
Kanak News is now on WhatsApp
Join and get latest news updates delivered to you via WhatsApp
ବିଂଝାରପୁର ବ୍ଲକର ଆଉଁରି, ସିଂହପୁର, ଜରି, ବାଙ୍ଗରା, ପଂତେପୁର ଏବଂ ଓଳେଇଚନ୍ଦନପୁର ପଂଚାୟତରେ ମନରେଗା ଯୋଜନାରେ ହୋଇଥିବା ଦୁର୍ନୀତିର ତଦନ୍ତ କରିଥିଲା କେନ୍ଦ୍ରୀୟ ଟିମ । ଏହି ଟିମ ତଦନ୍ତ କରିବା ପରେ ବାଙ୍ଗରା, ଆଉଁରି ଓ ଓଳେଇଚନ୍ଦନପୁର ପଂଚାୟତର ତତ୍କାଳୀନ ସରପଞ୍ଚ ଓ ପିଇଓ, ଜିଆରଏସ ଙ୍କ ଠାରୁ ୧୫ ଲକ୍ଷ ୭୨ ହଜାର ଟଙ୍କା ଆଦାୟ ଲାଗି ନିର୍ଦ୍ଧେଶ ଦେଇଥିଲେ । କିନ୍ତୁ ଅନ୍ୟ ୩ଟି ପଞ୍ଚାୟତ ଜରି, ଫତେପୁର ଏବଂ ସିଂହପୁର ପଂଚାୟତ ସଂପର୍କରେ କେନ୍ଦ୍ରୀୟ ଟିମର ରିପୋର୍ଟକୁ ବିଂଝାରପୁର ବ୍ଲକ ପ୍ରଶାସନ ଚାପି ଦେଇଥିବା ଅଭିଯୋଗ ହୋଇଛି । ସେପଟେ ଦୁର୍ନୀତିଗସ୍ତଙ୍କ ଠାରୁ ଟଙ୍କା ଆଦାୟ ପାଇଁ ପଦକ୍ଷେପ ନିଆଯାଉଛି ଏବଂ ସୂଚନା ଅଧିକାର ଆଇନର ଉଲଂଘନ କଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲାପାଳ ପ୍ରତିଶ୍ରୁତି ଦେଇଛନ୍ତି ।