ସାଲେପୁର ସଭାରେ ଆରମ୍ଭରୁ ବର୍ଷିଲେ ରାହୁଲ ଗାନ୍ଧୀ, କହିଲେ କିଛି ନିଦ୍ଦିଷ୍ଟ ଲୋକଙ୍କୁ ନେଇ ଏଠି ସରକାର ଚାଲେ ।
କନକବ୍ୟୁରୋ : ଆଜି ଓଡ଼ିଶା ଗସ୍ତରେ ଆସିଛନ୍ତି କଂଗ୍ରେସ ସାଂସଦ ରାହୁଲ ଗାନ୍ଧୀ । ସାଲେପୁରଠାରେ ଆୟୋଜିତ କଂଗ୍ରେସର ନ୍ୟାୟ ସମାବେଶରେ ରାହୁଲ ଗାନ୍ଧୀ ଯୋଗଦେଇଥିଲେ । ଦିନ ୧୧ଟା ୪୦ରେ ରାହୁଲ ଭୁବନେଶ୍ୱର ବିମାନ ବନ୍ଦରରେ ପହଂଚିବା ସହ ସେଠାରେ ହେଲିକପ୍ଟର ଯୋଗେ ଯାଇ ସତ୍ୟଭାମାପୁରରେ ପହଂଚି ମଧୁବାବୁଙ୍କ ଜୟନ୍ତୀ ଉପଲକ୍ଷେ ତାଙ୍କ ଜନ୍ମସ୍ଥାନରେ ମଧୁବାବୁଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ ହେଲିକପ୍ଟର ଯୋଗେ ସାଲେପୁର କୁଳିଆ ପଡ଼ିଆରେ ପହଂଚି ସେଠାରେ ଆୟୋଜିତ ସମାବେଶରେ ଯୋଗଦେଇ ଉଦ୍ବୋଧନ ଦେଇଥିଲେ । ସମ୍ବୋଧନ ଆରମ୍ଭରୁ ବିରୋଧୀଙ୍କ ଉପରେ ବର୍ଷି ଥିଲେ ରାହୁଲ । ବେକାରୀ, ଚାଷୀଙ୍କ ସମସ୍ୟା ସହିତ ବିଭିନ୍ନ ଦୁର୍ନୀତି କଥା କହି ରାହୁଲ ଗାନ୍ଧୀ ଶାଣିତ ଆକ୍ରମଣ କରିଛନ୍ତି । ଉଭୟ ବିଜେଡି ଓ ବିଜେପି ବିରୋଧରେ ବର୍ଷିବାକୁ ଯାଇ ରାହୁଲ ଗାନ୍ଧୀ କଂଗ୍ରେସ ଦ୍ୱାରା ହୋଇଥିବା ବିବାହ କଥା ଦୋହରାଇଛନ୍ତି ।
ସେହିପରି ଦୁଇ ଦଳ ନିର୍ଦ୍ଦିଷ୍ଟ ଲୋକଙ୍କୁ ଫାଇଦା ଦେଇଥିବା ବେଳେ ସାଧାରଣ ଲୋକଙ୍କୁ ପାନ ଧରାଇ ଦେଇଛନ୍ତି ବୋଲି ରାହୁଲ କହିଛନ୍ତି । କଂଗ୍ରେସ କ୍ଷମତାକୁ ଆସିଲେ, ପେହଲି ନୈକରୀ ପକ୍କି ଯୋଜନା ଘୋଷଣା କରିଛନ୍ତି ରାହୁଲ । ସମସ୍ତ ବେକାରୀ ଯୁବକ ଯୁବତୀଙ୍କୁ ଚାକିରି ଗ୍ୟାରେଂଟି ଦେଇଛନ୍ତି ରାହୁଲ । ସେ କହିଛନ୍ତି, ଓଡିଶାରେ ଚାରା ରୋପଣରେ ୧୫ ହଜାର କୋଟି ଟଙ୍କା ଖଣିରେ ପ୍ରଚୁର ଲୁଟ ହୋଇଛି । କଂଗ୍ରେସ କ୍ଷମତାକୁ ଆସିଲେ ଲୁଟ୍ ହୋଇଥିବା ଟଙ୍କା ରାଜ୍ୟବାସୀଙ୍କୁ ଟଙ୍କା ଫେରସ୍ତ ହେବ ।
ସେହିପରି ରାଜ୍ୟରେ ୨୦୦ ୟୁନିଟ୍ ମାଗଣା ବିଜୁଳି, ରୋଷେଇ ଗ୍ୟାସ ଦର ୫ ଶହ ଟଙ୍କା ରେ ଉପଲବ୍ଧ ହେବ । ଦିଲ୍ଲୀରେ କଂଗ୍ରେସ ସରକାର ଗଢିଲେ ଦେଶର ପ୍ରତ୍ୟେକ ଗରିବ ମହିଳାଙ୍କୁ ଚିହ୍ନଟ କରାଯିବ । ଏବଂ ସେହି ମହିଳାଙ୍କୁ ବ୍ୟାଙ୍କ ଖାତାକୁ ୧ ଲକ୍ଷ ଟଂକା ପ୍ରଦାନ କରଯିବ । ଏଥିପାଇଁ ପ୍ରତିମାସରେ ୮ ହଜାର ୫ ଶହ ଟଙ୍କା ମହିଳାଙ୍କ ଖାତାକୁ ଯିବ । କମିଶନ ବସାଇ ଚାଷୀଙ୍କ ଋଣ ଛାଡ କରିବ କଂଗ୍ରେସ । ସାଲେପୁର ସଭାରୁ ଏପରି ପ୍ରତିଶ୍ରୁତି ଦେଇଛନ୍ତି ରାହୁଲ ।