କେରଳ କଂଗ୍ରେସକୁ ଶକ୍ତ ଝଟକା । କଂଗ୍ରେସ ଛାଡି ସିପିଆଇ(ଏମ୍) ରେ ଯୋଗଦେଲେ ରାଜ୍ୟ ମହିଳା କଂଗ୍ରେସର ଉପ ସଭାପତି କେସି ରୋଜାକୁଟ୍ଟି
କନକ ବ୍ୟୁରୋ : କେରଳ ବିଧାନସଭା ନିର୍ବାଚନର ଅବ୍ୟବହିତ ପୂର୍ବରୁ ରାଜ୍ୟ କଂଗ୍ରେସକୁ ଶକ୍ତ ଝଟକା ଲାଗିଛି । ପ୍ରଦେଶ କଂଗ୍ରେସ କମିଟିର ଉପସଭାପତି ତଥା ଦଳର ବରିଷ୍ଠ ନେତ୍ରୀ କେ.ସି ରୋଜାକୁଟ୍ଟି କଂଗ୍ରେସରୁ ଇସ୍ତଫା ଦେଇଛନ୍ତି । ସେ ଦଳରୁ ଇସ୍ତଫା ଦେବା ପରେ ଏଲଡିଏଫ୍ ନେତୃତ୍ୱାଧିନ ସିପିଆଇ (ଏମ୍) ରେ ଯୋଗ ଦେଇଛନ୍ତି । ସେ ଦୀର୍ଘ ୩୭ ବର୍ଷ ହେବ କଂଗ୍ରେସର ଜଣେ ଶୃଙ୍ଖଳିତ କର୍ମୀ ଭାବେ କାର୍ଯ୍ୟ କରୁଥିଲେ । ସେ ତାଙ୍କର ଇସ୍ତଫାର କାରଣ ଦର୍ଶାଇବାକୁ ଯାଇ କହିଛନ୍ତି କି କଂଗ୍ରେସ ଦଳ ମହିଳା ମାନଙ୍କ ପ୍ରତି ଅଣଦେଖା କରୁଛି ।
Kanak News is now on WhatsApp
Join and get latest news updates delivered to you via WhatsApp
ଆଗାମୀ ବିଧାନସଭା ନିର୍ବାଚନ ପୂର୍ବରୁ ପ୍ରାର୍ଥୀ ତାଲିକା ଘୋଷଣା ହେବା ପରେ ରାଜ୍ୟ କଂଗ୍ରେସର ଭିତିରି କଳି ପଦାରେ ପଡିବାରେ ଲାଗିଛି । ଦଳ ଭିତରେ ଥିବା ଆଭ୍ୟନ୍ତରୀଣ ବିବାଦ ଓ ଗୋଷ୍ଠୀ କନ୍ଦଳ ଏବେ ଚରମ ସୀମାରେ ପହଂଚିଛି । ଦଳର ଜଣକ ପରେ ଜଣେ ବରିଷ୍ଠ ନେତା ଇସ୍ତଫା ଦେବାରେ ଲାଗିଛନ୍ତି । ଯାହାକି କେନ୍ଦ୍ରୀୟ ନେତୃତ୍ୱଙ୍କ ପାଇଁ ଚିନ୍ତାର କାରଣ ପାଲଟିଛି ।
କହିରଖୁ କି ଦେଶରେ ଚଳିତ ମାସ ଠାରୁ ୪ ଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ଏବେ ନିର୍ବାଚନ ହେବାକୁ ଯାଉଛି । ଏହା ମଧ୍ୟରେ କେରଳ ଅନ୍ୟତମ । କେରଳରେ ମୁଖ୍ୟତ ବାମଫ୍ରଣ୍ଟ ଓ କଂଗ୍ରେସ ମଧ୍ୟରେ ଲଢେଇ ହୋଇଥାଏ । କେବେ କଂଗ୍ରେସ ତ କେବେ ବାମଫ୍ରଣ୍ଟ ସରକାର ଗଠନ କରିଥା’ନ୍ତି । ହେଲେ ଚଳିତ ନିର୍ବାଚନରେ କଂଗ୍ରେସର ଦୁର୍ବଳ ସ୍ଥିତିର ଫାଇଦା ବିଜେପି ଉଠାଇ ପାରେ ବୋଲି ଅନୁମାନ କରାଯାଉଛି ।