କେଜ୍ରିୱାଲଙ୍କ ସପକ୍ଷରେ ଜନସମର୍ଥନ ଯୋଗାଡ କରିବାକୁ ସୁନିତାଙ୍କ ନୂଆ ଅଭିଯାନ । ‘କେଜ୍ରିୱାଲଙ୍କୁ ଆଶୀର୍ବାଦ’ ଅଭିଯାନ ଆରମ୍ଭ କଲେ ସୁନିତା
କନକ ବ୍ୟୁରୋ : ଲୋକସଭା ନିର୍ବାଚନ ମାହୋଲ ଭିତରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟିର ସଂଯୋଜକ ଅରବିନ୍ଦ କେଜ୍ରିୱାଲଙ୍କ ସ୍ତ୍ରୀ ସୁନୀତା କେଜ୍ରିୱାଲ ଶୁକ୍ରବାର ଦିନ ଏକ ନୂଆ ଅଭିଯାନର ଶୁଭାରମ୍ଭ କରିଛନ୍ତି । ସୁନୀତା କେଜ୍ରିୱାଲ ଏହି ନୂଆ ଅଭିଯାନର ନାମ ରଖିଛନ୍ତି, କେଜ୍ରିୱାଲଙ୍କୁ ଆଶୀର୍ବାଦ । ସୁନୀତା କେଜ୍ରିୱାଲଙ୍କୁ ସ୍ୱାଧୀନତା ସଂଗ୍ରାମୀଙ୍କ ସହିତ ତୁଳନା କରିଛନ୍ତି । ସେ ଏହା ମଧ୍ୟ କହିଛନ୍ତି ଯେ କେଜ୍ରିୱାଲଙ୍କ ପ୍ରତିଟି ରକ୍ତ ବିନ୍ଦୁରେ ଦେଶପ୍ରେମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସୁନୀତା ଏହି ଭିଡିଓ ମାଧ୍ୟମରେ କହିଛନ୍ତି କି, କେଜ୍ରିୱାଲଙ୍କ କାଲି କୋର୍ଟ ସାମ୍ମାରେ ଯାହାବି କହିଛନ୍ତି ସେଥି ପାଇଁ ବହୁତ ଧର୍ଯ୍ୟ ଓ ସାହସ ରହିବା ଆବଶ୍ୟକ ଏବଂ ସେ ହେଉଛନ୍ତି ଜଣେ ପ୍ରକୃତ ଦେଶପ୍ରେମୀ । ଏହିଭଳି ଭାବରେ ଆମର ସ୍ୱାଧୀନତା ସଂଗ୍ରାମୀ ମାନେ ବ୍ରିଟିଶ ମାନଙ୍କ ସହ ଲଢୁଥିଲେ । ମୁଁ କେଜ୍ରିୱାଲଙ୍କ ସହ ଗତ ୩୦ ବର୍ଷ ଧରି ଅଛି । ଅତ୍ୟାଧିକ ଦୁର୍ନୀତିଗ୍ରସ୍ତ ତଥା ଏକଛତ୍ରବାଦୀ ଶକ୍ତିକୁ ଅରବିନ୍ଦ କେଜ୍ରିୱାଲ ଚ୍ୟାଲେଞ୍ଜ କରିଛନ୍ତି । ଅଭିଯାନ ଆରମ୍ଭ କରିବା ସହ ସୁନୀତା କହିଛନ୍ତି ଯେ ”ଏହି ଯୁଦ୍ଧରେ ତୁମେ ତୁମର ଭାଇ, ପୁଅକୁ ସମର୍ଥନ କରିବ ନାହିଁ କି? ମତେ ବିଶ୍ୱାସ ଅଛି ଯେ ଆମେ ଏହି ଲଢେଇକୁ ଏକାଠି ହୋଇ ଲଢିବା ”
ସୁନୀତା କହିଛନ୍ତି, ଆମେ ଆଜିଠାରୁ ଏକ ନୂଆ ଅଭିଯାନ ଆରମ୍ଭ କରୁଛୁ । ଏହାର ନାମ କେଜ୍ରିୱାଲଙ୍କୁ ଆଶୀର୍ବାଦ । ସମସ୍ତେ ଏହି ହ୍ୱାଟ୍ସଆପ୍ ନମ୍ବର ୮୨୯୭୩୨୪୬୨୪ ରେ ଆଶୀର୍ବାଦ ପ୍ରାର୍ଥନା କରି ନିଜର ବାର୍ତ୍ତା କୁ ଅଡିଓ କିମ୍ବା ଭିଡିଓ ମାଧ୍ୟମରେ ଦେଇପାରିବେ । ଅନେକ ମା ଓ ଭଉଣୀ କେଜ୍ରିୱାଲଙ୍କ ପାଇଁ ଶୁଭେଚ୍ଛା ଜଣାଇଛନ୍ତି । ଅନେକ ଲୋକ ଉପବାସ ରଖିଛନ୍ତି କାରଣ କେଜ୍ରିୱାଲଙ୍କୁ ଆପଣ ମାନେ ବହୁତ ଭଲ ପାଆନ୍ତି । ପ୍ରତ୍ୟେକ ପରିବାର ସଦସ୍ୟ ଆମକୁ ଗୋଟିଏ ବାର୍ତ୍ତା ପଠାଇବା ଉଚିତ୍ । ମୁଁ ବ୍ୟକ୍ତିଗତ ଭାବେ ଜେଲକୁ ଯିବି ଏବଂ ଆପଣ ମାନଙ୍କର ପ୍ରତ୍ୟେକ ବାର୍ତ୍ତା କେଜ୍ରିୱାଲଙ୍କ ନିକଟରେ ପହଂଚାଇବି । ସୁନୀତା କେଜ୍ରିୱାଲ ଏହା ମଧ୍ୟ କହିଛନ୍ତି ଯେ ଆପଣ ହୁଏତ କୌଣସି ଅନ୍ୟ ପାର୍ଟିର ହୋଇପାରନ୍ତି ଏଥିରେ କିଛି ଫରକ୍ ପଡେ ନାହିଁ, ଆମ୍ ଆଦମୀ ପାର୍ଟିରେ ରହିବା ଆପଣ ମାନଙ୍କ ପାଇଁ ଜରୁରୀ ନୁହେଁ । ଆପଣ ନିଶ୍ଚିତ ଭାବରେ କିଛିନା କିଛି ଲେଖି ଏହି ନମ୍ବରରେ ପଠାନ୍ତୁ ।
ଆପଣ ମାନଙ୍କୁ କହି ରଖୁଛୁ ଯେ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ୨୧ ମାର୍ଚ୍ଚରେ ପ୍ରବର୍ତ୍ତନ ନିର୍ଦ୍ଦେଶାଳୟ ଦ୍ୱାରା ଗିରଫ କରାଯାଇଥିଲା । କେଜ୍ରିୱାଲ ବର୍ତ୍ତମାନ ଇଡି ହେପାଜତରେ ଅଛନ୍ତି । ଗୁରୁବାର ଦିନ କୋର୍ଟ କେଜ୍ରିୱାଲଙ୍କୁ ଏପ୍ରିଲ ୨ ତାରିଖ ପର୍ଯ୍ୟନ୍ତ ଇଡି ହେପାଜତକୁ ପଠାଇଛନ୍ତି ।