ନିଆଳିରେ ସବୁ ଅପରେସନ ଫେଲ୍ ! ୨ମେଣ୍ଢାଙ୍କୁ ମାରିଲା ଅଜଣା ଜନ୍ତୁ,ସେପଟେ ନୂଆପଡାରେ ଅଜଣା ଜନ୍ତୁ ଆକ୍ରମଣରେ ୬ଛେଳି ମୃତ୍ୟୁ
କନକ ବ୍ୟୁରୋ: ନିଆଳି, କଳାହାଣ୍ଡି ପରେ ନୂଆପଡାରେ ଅଜଣା ଜନ୍ତୁ ଆତଙ୍କ । ଅଜଣା ଜନ୍ତୁର ଆକ୍ରମଣରେ ନୂଆପଡା ବ୍ଲକ୍ ଅନ୍ତର୍ଗତ ଜୁନାନୀ ଗ୍ରାମରେ ୬ରୁ ଅଧିକ ଛେଳିଙ୍କର ମୃତ୍ୟୁ ହୋଇଛି । ସୂଚନା ଅନୁଯାୟୀ, ନିଆଳି ଭଳି ରାତିରେ ନୁହେଁ ବରଂ ଦିନରେ ନିକଟସ୍ଥ ଏକ ଜଙ୍ଗଲରେ ଛେଳିମାନେ ଚରୁଥିବା ସମୟରେ ସମାନ ଭାବେ ଆକ୍ରମଣ କରି ମାରିଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଛେଳି ମାଲିକଙ୍କ କହିବା ଅନୁଯାୟୀ, ଜଙ୍ଗଲରେ ଛେଳିମାନେ ଚରୁଥିବା ସମୟରେ ହଠାତ୍ ଛେଳିମାନେ ଇତସ୍ତତ ହେବା ସହିତ ଦୌଡିବାକୁ ଲାଗିଥିଲେ । କୌଣସି ଜଙ୍ଗଲି ଜନ୍ତୁ ଛେଳିମାନଙ୍କୁ ଆକ୍ରମଣ କରୁଥିବା ଜାଣି ସେମାନେ ଭୟରେ ଦୌଡି ପଳାଇଥିଲେ । କିଛି ସମୟ ପରେ ଗାଁ ଲୋକଙ୍କ ସହ ସେହି ସ୍ଥାନକୁ ଫେରିବାବେଳକୁ ୬ଟି ଛେଳି ମୃତ ଭାବରେ ପଡିଥିବା ସହିତ କେତେକ ଛେଳିର ଅନ୍ତଃବୁଜୁଳା ପଡିଥିବା ଦେଖିବାକୁ ମିଳିଥିଲା ।