କନକ ବ୍ୟୁରୋ: ଥମିବାର ନାଁ ନେଉନାହିଁ ହେତୁବାଦୀ ଓ ପରମ୍ପରାବାଦୀ ବିବାଦ । ସୂର୍ଯ୍ୟପରାଗ ଓ ଚନ୍ଦ୍ରଗ୍ରହଣରେ ବିରିଆନୀ ଖାଇବାକୁ ନେଇ ଏବେ ବି ହେତୁବାଦୀଙ୍କୁ ଟାର୍ଗେଟ କରୁଛନ୍ତି ପରମ୍ପରାବାଦୀ । ଏହା ଭିତରେ ଶ୍ରୀମନ୍ଦିର ସେବାୟତ ଅନୀଲ ଗୋଚ୍ଛିକାର କହିଛନ୍ତି ହେତୁବାଦୀଙ୍କୁ ଶ୍ରୀକ୍ଷେତ୍ରରେ ପ୍ରବେଶ କରିବାକୁ ଦିଆଯିବ ନାହିଁ । ଯଦି ହେତୁବାଦୀମାନେ ପୁରୀ କିମ୍ବା ଶ୍ରୀମନ୍ଦିରର ପ୍ରବେଶ କରିଛନ୍ତି ସେମାନଙ୍କୁ ବିରୋଧ କରାଯିବ । ଏହା ପଛରେ ଏକ ବଡ ଉଦ୍ଦେଶ୍ୟ ରହିଛି । ଏମାନଙ୍କ ମନୋଭାବ ଓ ବିଚାରଧାରା ଗ୍ରହଣୀୟ ନୁହେଁ । ଏମାନେ ପୁରୀ ଆସିଲେ କଡା ଜବାବ ଦିଆଯିବ । ଏମାନେ ଲୋକଙ୍କ ଭାବନା ସହ ଖେଳୁଛନ୍ତି ବୋଲି କହିଛନ୍ତି ଅନୀଲ ଗୋଚ୍ଛିକାର
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ହେତୁବାଦୀଙ୍କୁ ବିରୋଧ କରି ଓଡିଶା ମନ୍ଦିର ସେବାୟତ ସଂଘ ଓ ଶ୍ରୀମନ୍ଦିର ସେବାୟତ ସଂଘ ଶ୍ରୀମନ୍ଦିର ସମ୍ମୁଖରେ ଦୀପଦାନ କରାଯାଇଥିଲା । ଏହାସହ ସିଂହଦ୍ୱାର ଥାନାରେ ଏତଲା ବି ଦିଆଯାଇଥିଲା । ରାଜ୍ୟ ସରକାର ପଦକ୍ଷେପ ନେବାକୁ ବି ଦାବି କରାଯାଇଥିଲା । ତେଣୁ ହେତୁବାଦୀମାନେ ପୁରୀ ଆସି ସିଂହଦ୍ୱାର ସାମ୍ନାରେ ଆଣ୍ଠେଇ ଜଗନ୍ନାଥଙ୍କୁ କ୍ଷମାମାଗନ୍ତୁ । ନହେଲେ ବଡଦାଣ୍ଡରେ ସେମାନଙ୍କୁ ଆଣ୍ଠେଇ ଆଣ୍ଠେଇ ନେବେ ବୋଲି ଚେତାବନୀ ଦେଇଛନ୍ତି ସେବାୟତ । ହେତୁବାଦୀ-ପରମ୍ପରାବାଦୀଙ୍କ ମଧ୍ୟରେ ବିବାଦ ବଢୁଛି । ଆଗାମୀ ଦିନରେ ହେତୁବାଦୀମାନଙ୍କୁ ବିରୋଧ କରିବାକୁ ସମାବେଶ କରିବାକୁ ବି ପ୍ରସ୍ତୁତି ଚାଲିଛି ।