ପାଣିରେ ବୁଡିଗଲା ସ୍କୁଲ ବସ୍, ସୁରକ୍ଷିତ ଉଦ୍ଧାର ହେଲେ ସମସ୍ତ ଛାତ୍ର ଛାତ୍ରୀ
କନକ ବ୍ୟୁରୋ : ଦକ୍ଷୀଣ ପୂର୍ବ ମୌସୁମୀ ବାୟୁ ସକ୍ରିୟ ହୋଇଥିବା କାରଣରୁ ସାରା ଦେଶରେ ବର୍ଷା ଲାଗି ରହିଛି । ଏହି କାରଣରୁ କିଛି ରାଜ୍ୟରେ ବନ୍ୟା ପରିସ୍ଥିତି ଦେଖିବାକୁ ମିଳିଛି । ଏଭଳି ସ୍ଥିତିରେ ଆଜି ତେଲେଙ୍ଗାନାର ଏକ ଅଭାବନୀୟ ଚିତ୍ର ସମସ୍ତଙ୍କୁ ବିଚଳିତ କରିଛି । ୩୦ ଜଣ ସ୍କୁଲ ପିଲାଙ୍କୁ ନେଇ ଯାଉଥିବା ଏକ ବସ୍ ହଠାତ ପାଣିରେ ବୁଡିଯାଇଥିଲା । ବସଟି ରେଲୱେ ଓଭର ବ୍ରିଜ ପାର ହେଉଥିବା ବେଳେ ଏଭଳି ଘଟଣା ଘଟିଥିଲା । ବସଟି ପାଣିରେ ବୁଡିଯିବା ପରେ ବସରେ ଥିବା ସମସ୍ତ ପିଲା ବି ପାଣିରେ ବୁଡିଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହା ଦେଖିବା ପରେ ସ୍ଥାନୀୟ ଲୋକମାନେ ପାଣିରେ ଭାସି ଭାସି ଯାଇ ଜଣଙ୍କ ପରେ ଜଣେ ପିଲାମାନଙ୍କୁ ଉଦ୍ଧାର କରିଛନ୍ତି । ଏହି ଉଦ୍ଧାର କାର୍ଯ୍ୟ ଏତେ ସହଜ ନଥିଲେ ବି ସ୍ଥାନୀୟ ଲୋକଙ୍କ ସାହସିକତା କାରଣରୁ ଏହା ସମ୍ଭବ ହୋଇ ପାରିଛି । ଏପଟେ ସ୍ଥାନୀୟ ଲୋକମାନେ ବସ୍ ଚାଳକଙ୍କୁ ସମସ୍ତ ଦୋଷ ଦେଇଛନ୍ତି । ସେମାନେ କହିଛନ୍ତି କି ଚାଳକ ଜଣଙ୍କ ପାଣିର ଗଭୀରତା ନଜାଣି ତା ଭିତରକୁ ବସ୍ ପୁରାଇ ଦେବାରୁ ଏଭଳି ଘଟଣା ଦେଖିବାକୁ ମିଳିଛି ।
#WATCH | Telangana: A school bus, carrying 30 students, was partially submerged in a flooded street in Mahbubnagar today. The students were rescued by the locals. The bus was later brought out of the spot. pic.twitter.com/7OOUm8as0v
— ANI (@ANI) July 8, 2022
କହିରଖୁ କି ତେଲେଙ୍ଗାନରେ ପୂର୍ବ ୨ ଦିନ ହେବ ପ୍ରବଳ ବର୍ଷା ଲାଗି ରହିଛି । ଏହି କ୍ରମରେ ଅନ୍ୟ ଜିଲ୍ଲା ତୁଳନାରେ ଏଭଳି ଘଟଣା ଘଟିଥିବା ମେହବୁବାନଗର ଜିଲ୍ଲାରେ ସର୍ବାଧିକ ବର୍ଷା ହୋଇଛି ।