ଦକ୍ଷିଣରେ ପ୍ରବଳ ବର୍ଷା
କନକ ବ୍ୟୁରୋ: ଆନ୍ଧ୍ର ପ୍ରଦେଶ ଉପକୂଳ ଏବଂ ଏହାର ଆଖପାଖ ପୂର୍ବ କେନ୍ଦ୍ରୀୟ ବଙ୍ଗୋପ ସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ପ୍ରଭାବରେ ଆଗାମୀ ୨୪ ଘଣ୍ଟାରେ ଦକ୍ଷିଣ ଓଡ଼ିଶାର କିଛି ସ୍ଥାନରେ ପ୍ରବଳ ବର୍ଷା ହେବ । ଏହା ସହିତ ଉତ୍ତର, ଉପକୂଳ, ଆଭ୍ୟନ୍ତରୀଣ ଅଞ୍ଚଳର କିଛି ସ୍ଥାନରେ ଘଡ଼ଘଡ଼ି ସହିତ ସ୍ୱଳ୍ପରୁ ମଧ୍ୟମ ଧରଣର ବର୍ଷା ହେବ । ଗତକାଲି ଏଭଳି ପୂର୍ବାନୁମାନ କରିଛି ପାଣିପାଗ କେନ୍ଦ୍ର । ଅବଶ୍ୟ ଦିନେ ଦୁଇଦିନ ଭିତରେ ଘୂର୍ଣ୍ଣିବଳୟ ଲଘୁଚାପର ରୂପ ନେବାର ସମ୍ଭାବନା ରହିଛି । ଲଘୁଚାପ ହେଲେ ଉତ୍ତର, ଉପକୂଳ ଓଡ଼ିଶାରେ ବର୍ଷା ପରିମାଣ ବଢ଼ିବ । ଘୂର୍ଣ୍ଣିବଳୟ ପ୍ରଭାବରେ ଗତକାଲି ଉତ୍ତର ଏବଂ ଦକ୍ଷିଣ ଓଡ଼ିଶାର କିଛି ସ୍ଥାନରେ ବର୍ଷା ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଗତ ୨୪ ଘଣ୍ଟା ମଧ୍ୟରେ ମାଲକାନଗିରିରେ ସର୍ବାଧିକ ୬୦ ମିଲିମିଟର ବର୍ଷା ହୋଇଥିବା ବେଳେ ଆସ୍କାରେ ୫୦ ମି.ମି. ବର୍ଷା ହୋଇଥିଲା । ସେହିପରି ମୟୂରଭଞ୍ଜର ଚନ୍ଦନପୁର, ପଟ୍ଟାଙ୍ଗୀ, ଟାଙ୍ଗୀ, ଦାରିଙ୍ଗିବାଡ଼ିରେ ୪୦ ମି.ମି., ନୟାଗଡ଼, ଜଗନ୍ନାଥପ୍ରସାଦ, ଓଡ଼ଗାଁ, ଭଞ୍ଜନଗର, ଦଶପଲ୍ଲା, ସିମିଳିଗୁଡ଼ା, ଭୁବନରେ ୩୦ ମି.ମି. ବର୍ଷା ହୋଇଥିଲା । ଗତକାଲି ସନ୍ଧ୍ୟା ସୁଦ୍ଧା ଦାରିଙ୍ଗିାବାଡ଼ିରେ ୩୩ ମି.ମି., ଢେଙ୍କାନାଳରେ ୧୬ ମି.ମି., ମାଲକାନଗିରିରେ ୧୧ ମି.ମି., ଅନୁଗୁଳରେ ୧୦ ମି.ମି. ଏବଂ ଅନ୍ୟାନ୍ୟ ସ୍ଥାନରେ ସାମାନ୍ୟ ବର୍ଷା ରେକର୍ଡ କରାଯାଇଛି ।