ଆଦର୍ଶ ଆଚରଣ ବିଧିର ଉଲ୍ଲଂଘନ ଦର୍ଶାଇ ସିଇଓଙ୍କ ପାଖରେ ଫେରାଦ ହେଲା ବିଜେଡ଼ି ! ୨୦୧୪ର ପ୍ରତିଶ୍ରୁତି ପାଳନ ହୋଇନି, ୨୦୧୯ ପାଇଁ ଅବାସ୍ତବ ପ୍ରତିଶ୍ରୁତି ଦେଉଛି ବିଜେପି
କନକ ବ୍ୟୁରୋ : ନିର୍ବାଚନ ପାଖେଇ ଆସୁଥିବା ବେଳେ ବିଜେପି ବିରୋଧରେ ସାଂଘାତିକ ଅଭିଯୋଗ ଆଣିଛି ଶାସକ ଦଳ ବିଜେଡ଼ି । ଆଦର୍ଶ ଆଚରଣ ବିଧିର ଉଲ୍ଲଂଘନ ହେଉଥିବା ନେଇ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଫେରାଦ ହୋଇଛି ବିଜେଡ଼ି । ବିଜେପି ତାର ପୂର୍ବ ନିର୍ବାଚନ ପ୍ରତିଶ୍ରୁତି ରକ୍ଷା କରିପାରିନଥିବା ବେଳେ ଏବେ ଅବାସ୍ତବ ପ୍ରତିଶ୍ରୁତି ଦେଉଥିବା ଅଭିଯୋଗ ଆଣିଛି ବିଜେଡି । ବିଜେଡିର ପ୍ରତିନିଧିଦଳ ଏ ନେଇ ଆଜି ଖାରବେଳ ନଗର ଥାନାରେ ମୁଖ୍ୟ ନିର୍ବାଚନ ଅଧିକାରୀଙ୍କ ପାଖରେ ଫେରାଦ ହୋଇଛି । ଗତକାଲି ଜାରି ହୋଇଥିବା ନିର୍ବାଚନୀ ଇସ୍ତାହାର ଯେଉଁ ଗାଇଡ଼ ଲାଇନରେ ହେବା କଥା, ବିଜେପି ନିର୍ବାଚନୀ ବୈତରଣୀ ପାର ହେବାପାଇଁ ସବୁ ଧାରାକୁ ଉଲ୍ଲଂଘନ କରୁଛି । ଏଭଳି ପ୍ରତିଶ୍ରୁତି ନିର୍ବାଚନ ଆଚରଣବିଧିର ଉଲ୍ଲଂଘନ ହୋଇଥିବା ଦର୍ଶାଇ କାର୍ଯ୍ୟାନୁ୍ଷ୍ଠାନ ନେବାକୁ ଦାବି କରିଛି ବିଜେଡି ।
Kanak News is now on WhatsApp
Join and get latest news updates delivered to you via WhatsApp
ବିଜେଡି ମୁଖପାତ୍ର ସସ୍ମିତ ପାତ୍ର କହିଛନ୍ତି, ୨୦୧୪ ନିର୍ବାଚନରେ ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ଦେବ ବିଜେପି ପ୍ରତିଶ୍ରୁତି ଦେଇଥିଲା । କେନ୍ଦ୍ରରେ ସରକାର ଗଢ଼ିବା ପରେ ପ୍ରତିଶ୍ରୁତି କେବଳ ପାଣିର ଗାର ହୋଇଗଲା । ଧାନର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି କରାଯିବ ବୋଲି ୨୦୧୪ରେ କୁହାଯାଉଥିଲା । ତାହା କଲେ ନାହିଁ । ଅନ୍ୟପଟେ ୨୦୧୯ ପାଇଁ ପୁଣି ସେହି ପ୍ରତିଶୁତି ଦେଇ ଲୋକଙ୍କୁ ବୋକା ବନେଇବା ପାଇଁ ଚେଷ୍ଟା କରୁଛନ୍ତି । ବିଜେପି ଆଗାମୀ ୫ ବର୍ଷରେ ଜଳସେଚନ ପାଇଁ ୧ ଲକ୍ଷ କୋଟି ଟଙ୍କା ବ୍ୟୟ କରିବ ବୋଲି ଇସ୍ତାହାର ପତ୍ରରେ ଦର୍ଶାଇଛନ୍ତି । ଏତେ ଟଙ୍କା ବିଜେପି ଆଣିବ କେଉଁଠୁ । କେବଳ ଅବାସ୍ତବ ପ୍ରତିଶ୍ରୁତି ଦେଉଛି ବିଜେପି, ଯେଉଁଥିଲେ ତିଳେମାତ୍ର ସତ୍ୟତା ନାହିଁ ।
୧୫ଟି ବନ୍ଦରେ ୫ ବର୍ଷରେ ନିର୍ମାଣ କରିବା ପାଇଁ ପ୍ରତିଶ୍ରୁତି ଦେଇଛି ବିଜେପି । ୫ ବର୍ଷରେ ଭାରତରେ ୫ ଟା ବନ୍ଦର ନିର୍ମାଣ ହୋଇପାରିଲା ନାହିଁ । ଆଉ ଏବେ ରାଜ୍ୟରେ ୫ଟା ବନ୍ଦର ତିଆରି କରିବାର ପ୍ରତିଶ୍ରୁତି ଦେଇଛନ୍ତି । ଏହାଦ୍ୱାରା ଓଡ଼ିଶାର ଜନସାଧାରଣଙ୍କ ବିଭ୍ରାନ୍ତ କରିବା ପାଇଁ ଚେଷ୍ଟା କରୁଛନ୍ତି । ବିଜେପି ଜୁମଲାବାଜି କରୁଛି । ତେବେ ଏହାର ଜବାବ ଦେଇଛନ୍ତି ବିଜେପି ଉପସଭାପତି ସମୀର ମହାନ୍ତି । ସେ କହିଛନ୍ତି ବିଜେଡି ନିଜେ ପ୍ରତିିଶ୍ରୁତି ପୂରଣ କରିନପାରି ଅନ୍ୟ ଉପରକୁ ଚଦର ଫିଙ୍ଗୁଛି ।