ନାମାଙ୍କନ ଭରିଲେ ଅମିତ ଶାହା ! ଆଡଭାନୀଙ୍କ ଗଡରେ ଲଢେଇ ଆଗରୁ କଲେ ଶକ୍ତି ପ୍ରଦର୍ଶନ, ବିଶାଳ ରାଲିରେ ଗଲେ ୪ କିଲୋମିଟର ।

152

କନକ ବ୍ୟୁରୋ : ନାମାଙ୍କନ ପତ୍ର ଦାଖଲ କଲେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା । ୨୦୧୯ ନିର୍ବାଚନ ପାଇଁ ଗାନ୍ଧୀନଗର ଲୋକସଭା ଆସନରୁ ପ୍ରାର୍ଥୀପତ୍ର ଭରିଛନ୍ତି ବିଜେପି ଚାଣକ୍ୟ । ତେବେ ନାମାଙ୍କନ ପୂର୍ବରୁ ଶାହା ନିଜର ଶକ୍ତି ପ୍ରଦର୍ଶନ କରିଛନ୍ତି । ଅହମ୍ମଦାବାଦରେ ଜନସଭାକୁ ସମ୍ବୋଧିତ କରି ଶାହା ଏକ ବିରାଟ ଶୋଭାଯାତ୍ରାରେ ବାହାରିଥିଲେ । ନିଜ ସମର୍ଥକ, ବିଜେପି ସମର୍ଥକ ଓ କେନ୍ଦ୍ରମନ୍ତ୍ରୀ, ଦଳୀୟ ନେତୃବୃନ୍ଦଙ୍କ ସହ ରୋଡ ଶୋ କରୁଛନ୍ତି । ଦୀର୍ଘ ୪ କିଲୋମିଟରର ରୋଡ ଶୋ ଚାଲିଥିଲା । ଏହି ଅବସରରେ କେନ୍ଦ୍ରମନ୍ତ୍ରୀ ରାଜନାଥ ସିଂହ, ନୀତିକ ଗଡକାରୀ, କେନ୍ଦ୍ରମନ୍ତ୍ରୀ ରାମବିଳାଶ ପାଶୱାନ ଓ ଶିବସେନା ମୁଖ୍ୟ ଉଦ୍ଧବ ଠାକରେ ପ୍ରମୁଖ ଉପସ୍ଥିତ ରହିଥିଲେ ।

ଅହମ୍ମଦାବାଦରେ ଶାହାଙ୍କ ଜନସଭାରେ ଯୋଗ ଦେଇ ରାଜନାଥ ସିଂହ କହିଲେ ଯେଉଁ କାମ ସାଢେ ୫ବର୍ଷରେ ମୁଁ କରିପାରିଲି ନାହିଁ ତାହା ଅମିତ ଶାହା ସାଢେ ୪ ବର୍ଷରେ କରିଦେଖାଇଲେ । ଅମିତ ଶାହା ଗାନ୍ଧିନଗରରୁ ନାମାଙ୍କନ ଭରିଥିବାରୁ ତାଙ୍କୁ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି ରାଜନାଥ । ଅହମ୍ମଦାବାଦରେ ଏକ ସଭାକୁ ସମ୍ବୋଧିତ କରି ରାଜନାଥ ମୋଦିଙ୍କୁ ପ୍ରଶଂସା କରିଛନ୍ତି । କଂଗ୍ରେସକୁ ଟାର୍ଗେଟ କରି କହିଛନ୍ତି ମୋଦିଙ୍କୁ ରାହୁଲ ଗାନ୍ଧି ଚୌକିଦାର ଚୋର ହେ କହୁଛନ୍ତି । ତେଣୁ ମୁଁ ଜନତାଙ୍କୁ ଅନୁରୋଧ କରୁଛି, ସେ ବିରୋଧୀଙ୍କୁ ଜବାବ ଦିଅନ୍ତୁ ଯେ ଚୌକିଦାର ଚୋର ନେହିଁ , ପିଏମ ବନନା ସିଓର ହେ ।

ଅହମ୍ମଦାବାଦରେ ଅମିତ ଶାହାଙ୍କ ଜନସଭାରେ ସାମିଲ ହୋଇ ଶିବସେନା ମୁଖ୍ୟ ଉଦ୍ଧବ ଠାକରେ କହିଛନ୍ତି ବିଜେପି ଓ ଶିବସେନା ମଧ୍ୟରେ ସମସ୍ତ ପ୍ରକାର ମନମାଳିନ୍ୟ ଦୂର ହୋଇଛି । ସେ କହିଛନ୍ତି ଯେ ବିଜେପି ଓ ଶିବସେନା ମଧ୍ୟରେ ମତାନ୍ତରକୁ ନେଇ କିଛି ଲୋକ ଖୁସି ଥିଲେ । କିନ୍ତୁ ମୁଁ ଆଜି ସେହିମାନଙ୍କୁ କହୁଛି ଯେ ସେ ସବୁ ମତାନ୍ତର ଦୂର ହୋଇଯାଇଛି । ଉଦ୍ଧବ ଠାକରେ ଏହା ମଧ୍ୟ କହିଛନ୍ତି ଯେ ଏବେ ଶାହାଙ୍କ ସହ ମୋ ବିଚାର ଏକ । ବିଜେପି ସହ ମୋ ବିଚାର ଏକ । ଆମେ ନେତା ମଧ୍ୟ ଏକ । ବିରୋଧୀଙ୍କୁ ଟାର୍ଗେଟ କରି ଶେଷରେ ଉଦ୍ଧବ କହିଛନ୍ତି ସେମାନଙ୍କ ହୃଦୟ ମିଶୁ କି ନ ମିଶୁ କିନ୍ତୁ ହାତ ମିଶିବା ଜରୁରୀ ।

Comments are closed.