୨୦୧୯ ସାଧାରଣ ନିର୍ବାଚନରେ ଏନଡିଏ ସହ ମେଣ୍ଟ ନକରି ଏକାକୀ ଲଢିପାରେ ଶିବସେନା : ବିରୋଧୀଙ୍କ ଅନାସ୍ଥା ପ୍ରସ୍ତାବରେ ନିଜକୁ ଦୂରେଇ ରଖିଥିଲା ଶିବସେନା !
କନକ ବ୍ୟୁରୋ : ଆସନ୍ତା ସାଧାରଣ ନିର୍ବାଚନକୁ ନେଇ ଦେଶରେ ଥିବା ସମସ୍ତ ରାଜନୈତିକ ଦଳ ଗୁଡିକ ନିଜର ପ୍ରସ୍ତୁତି ଚଳାଇଛନ୍ତି । ବର୍ତ୍ତମାନ କେନ୍ଦ୍ରରେ ସରକାର କରିଥିବା ଭାରତୀୟ ଜନତା ପାର୍ଟି ଅର୍ଥାତ ଏନଡିଏର ପ୍ରମୁଖ ସମର୍ଥନ ଦଳ ଶିବସେନା ସହ ବିଜେପିର ମତାନ୍ତର ଥିବା ଦେଖାଯାଇଛି । କେନ୍ଦ୍ରରେ ଶାସନ କରୁଥିବା ମୋଦୀ ସରକାରଙ୍କ ନୀତି ଓ କାମରେ ଶିବସେନା ଅନେକ କ୍ଷେତ୍ରରେ ଏକମତ ହେଉ ନଥିବା ଦେଖାଯାଉଛି । ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ ଏନଡିଏ ସରକାର ବିରୋଧରେ ତେଲଗୁଦେଶମ ପାର୍ଟି ପକ୍ଷରୁ ଲୋକସଭାରେ ଆଗତ ଅନାସ୍ଥା ପ୍ରସ୍ତାବ ପ୍ରସଙ୍ଗରେ ବିଜେପିର ସହଯୋଗୀ ଶିବସେନା ଭୋଟ୍ ଦାନରୁ ବିରତ କରିବା ଘଟଣା ପରେ ବିଜେପି- ଶିବସେନା ମେଣ୍ଟରେ ସୃଷ୍ଟି ହୋଇଥିବା ଫାଟ ବୃଦ୍ଧି ପାଇଛି। ପୂର୍ବରୁ ଶିବସେନା ମୁଖପାତ୍ର ସଞ୍ଜୟ ରାଉତ ବିଭିନ୍ନ ପ୍ରସଙ୍ଗରେ କେନ୍ଦ୍ର ସରକାରଙ୍କୁ ସମାଲୋଚନା କରି ବିଜେପିକୁ ଅଡ଼ୁଆରେ ପକାଇବା ସହିତ ଆଗାମୀ ୨୦୧୯ ଲୋକସଭା ନିର୍ବାଚନରେ ବିଜେପି ସହିତ ମେଣ୍ଟ ସମ୍ଭବ ନୁହେଁ ବୋଲି କହିଥିଲେ। ଏହା ସତ୍ତ୍ୱେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଶିବସେନା ସୁପ୍ରିମୋ ଉଦ୍ଧବ ଠାକରେଙ୍କୁ ଭେଟିବା ସହିତ ମେଣ୍ଟ ନେଇ ସମ୍ଭାବନା ରହିଛି ବୋଲି ଏକ ବାର୍ତ୍ତା ଦେଇଥିଲେ। ମାତ୍ର ଅଆସ୍ଥା ପ୍ରସ୍ତାବ ଭୋଟ୍ରୁ ଶିବସେନା ବିରତ ରହିବା ଓ ଶିବସେନାର ମୁଖପତ୍ର ‘ସାମ୍ନା’ରେ ଶିବସେନା ସୁପ୍ରିମୋ ଉଦ୍ଧବ ଠାକ୍ରେଙ୍କ ସାକ୍ଷାତକାର ପରିପ୍ରେକ୍ଷୀରେ ବିଜେପି ଏକାକୀ ନିବାଚନ ଲଢ଼ିବାକୁ ଯାଉଥିବା ଜଣାପଡ଼ିଛି। ଏପରିକି ଦଳୀୟ ଅଧ୍ୟକ୍ଷ ଅମିତ ଶାହ ମହାରାଷ୍ଟ୍ର ବିଜେପି ଶାଖାର କର୍ମକର୍ତ୍ତାଙ୍କୁ ଏ ନେଇ କାର୍ୟ୍ୟ ଆରମ୍ଭ କରିବାକୁ ନିର୍ଦ୍ଦେଶ ଦେଇଥିବା ଜଣାପଡ଼ିଛି।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ନିକଟରେ ଗଣମାଧ୍ୟମକୁ ଏକ ସାକ୍ଷତାକାର ଦେଇ ଉଦ୍ଧବ ଠାକ୍ରେ କହିଥିଲେ ଯେ ଦଳ ଅନାସ୍ଥା ପ୍ରସ୍ତାବରେ ସରକାରଙ୍କୁ ସମର୍ଥନ କରିବା ନାର୍ହିଁ କିମ୍ବା ମୋଦିଙ୍କ ସ୍ୱପ୍ନ ପାଇଁ ଦଳ କୌଣସି କାର୍ୟ୍ୟ କରିବ ନାହିଁ। ସେହିପରି ସେନା ସାଂସଦ ଅନୀଲ ଦେଶାଇଙ୍କୁ ମନ୍ତ୍ରୀ କରିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ରାଷ୍ଟ୍ରପତିଙ୍କୁ ଅବଗତ କରାଯାଇଥିଲା। ମାତ୍ର ଶିବ ସେନା ମୁଖ୍ୟ ଶ୍ରୀ ଠାକ୍ରେ କେନ୍ଦ୍ରରେ ଅନୀଲଙ୍କୁ ମନ୍ତ୍ରୀ ହେବା ପାଇଁ ଅନୁମତି ଦେଇ ନ ଥିଲେ। ତା ପରଠାରୁ ଅର୍ଥାତ ଗତ ୨୦୧୪ ମସିହା ନଭେମ୍ବର ମାସ ଠାରୁ ଆଉ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶିବ ସେନା ମନ୍ତ୍ରୀମଣ୍ଡଳରେ ସାମିଲ ହେବା ପାଇଁ ସୁଯୋଗ ଦେଇ ନାହାଁନ୍ତି। ତେଣୁ ସେହି ଦିନ ଠାରୁ ସେନା- ବିଜେପି ସମ୍ପର୍କ ତିକ୍ତ ହେବାରେ ଲାଗିଛି। ତେବେ ଆଗାମୀ ସାଧାରଣ ନିର୍ବଚନକୁ ମାତ୍ର ଆଉ ଅଳ୍ପ ଦିନ ରହିଲା । ଯଦି ଏପରି ଭାବରେ ଉଭୟ ଦଳ ମଧ୍ୟରେ ମତାନ୍ତର ରହିବ ଆଗାମୀ ନିର୍ବାଚନ ସମୟରେ ମେଣ୍ଟ ହେବାକ ଆଶା କ୍ଷୀଣ ବୋଲି ରାଜନୈତିକ ବିଶେଷଜ୍ଞ ମାନେ କହିଛନ୍ତି । କିନ୍ତୁ କୈାଣସି ଦଳ ପକ୍ଷରୁ ଲିଖିତ ଊାବରେ ଏହା କୁହାଯାଇ ନଥିବା ବେଳେ କେବଳ ମୈାଖିକ ଭାବରେ ଏପରି ଆଲୋଚନା ହେଉଥିବା ଜଣାପଡିଛି । ତେବେ ନିର୍ବାଚନ ତାରିଖ ସରକାର ଘୋଷଣା କଲେ ପ୍ରକୃତ ସତ୍ୟ ଜଣାପଡିବ ।